Vélmennið NAO dansaði fyrir gesti UTmessunnar

UTMessan 2016 hófst í Hörpu í dag og stendur þar til annað kvöld. Um er að ræða einn stærsta viðburð ársins í tölvugeiranum sem haldinn hefur verið árlega frá árinu 2011.

Á heimasíðu viðburðarins kemur fram að tilgangurinn sé ekki síst til að sýna almenningi hversu stór og umfangsmikil þessi grein sé orðin hér á landi. Á UTmessuna mæti öll helstu tölvu- og tæknifyrirtæki landsins og taki þátt með einum eða öðrum hætti. Þannig sé fólk hvatt til að kynna sér um hvað tölvuiðnaðurinn snýst.

Á UTmessunni sést fjölbreytileiki upplýsingatækninnar og þar sést svart á hvítu að allir hafa möguleika á að starfa í tölvugeiranum. Starfssviðið er bæði breitt og fjölbreytt og hentar bæði konum og körlum.

Að neðan má sjá vélmennið NAO dansa fyrir gesti messunnar.

Kaupa þurfti sig inn á viðburðinn í dag en á morgun er aðgangur opinn öllum og ókeypis. Opið verður frá 10-17.