Viðskipti innlent

Hættir sem fjár­mála­stýra Ljós­leiðarans

Atli Ísleifsson skrifar
Halla Björg Haraldsdóttir.
Halla Björg Haraldsdóttir. Ljósleiðarinn

Halla Björg Haraldsdóttir, fjármálastýra Ljósleiðarans, hefur látið af störfum hjá félaginu.

Frá þessu segir í tilkynningu frá Ljósleiðaranum þar sem segir að fjármálasvið Orkuveitunnar, móðurfélags Ljósleiðarans, muni taka við almennum rekstri.

Haft er eftir Einari Þórarinssyni, framkvæmdastjóra Ljósleiðarans, að Höllu séu þökkuð vel unnin störf fyrir Ljósleiðarann og sé henni óskað velfarnaðar í nýjum verkefnum.

Þá er haft eftir Höllu að það hafi verið gott að starfa hjá Ljósleiðaranum og sé hún reynslunni ríkari eftir að hafa tekist á við stór og flókin verkefni. „Nú er rétti tíminn fyrir mig að leita á ný mið og takast á við annarskonar verkefni. Ég óska Ljósleiðaranum alls hins besta,“ segir Halla Björg.

Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið