Innlent

Tíma ekki að senda hríðskotabyssurnar til Noregs

Bjarki Ármannsson skrifar
Landhelgisgæslan bíður tækifæris til að flytja vopnin aftur til Noregs að kostnaðarlausu.
Landhelgisgæslan bíður tækifæris til að flytja vopnin aftur til Noregs að kostnaðarlausu. Vísir/Getty/Vilhelm
Vopnin sem Landhelgisgæslunni bárust frá norska hernum fyrr í vetur eru enn ekki farin úr landi. Tilkynnt var um það fyrir nær mánuði síðan að gæslan hugðist skila vopnunum „við fyrsta hentugleika“, en koma þeirra til landsins vakti mikla athygli og talsverða gagnrýni þegar greint var frá henni mánuði áður.

Í svari Landhelgisgæslunnar við fyrirspurn Vísis kemur fram að ekki er búið að taka ákvörðun um það hvenær vopnin, 150 hríðskotabyssur af gerðinni MP5, verða send aftur til Noregs.

„Til að komast hjá umtalsverðum flutningskostnaði er beðið eftir tækifæri til að flytja þau aftur til Noregs,“ segir í skriflegu svari upplýsingafulltrúa gæslunnar. „Annaðhvort með vélum Norðmanna, sem eiga reglulega hér leið um, eða ef tæki Landhelgisgæslunnar eiga erindi til Noregs.“

DV greindi frá því þann 21. október síðastliðinn að lögregluyfirvöld hefðu flutt talsvert magn skotvopna til landsins. Engin umræða hafði þá farið fram á þingi um að auka vopnabúnað lögreglu og Landhelgisgæslunnar.

Þá kom síðar í ljós að norski herinn átti von á milljóna greiðslu vegna afhendingu vopnanna en gæslan segist alltaf hafa talið vopnin gjöf frá hernum. Ákvörðunin um að skila byssunum var að sögn gæslunnar tekin vegna þess að ekki kæmi til greina að verja takmörkuðu fé stofnunarinnar til vopnakaupa.


Tengdar fréttir

Það sem við vitum um byssurnar frá norska hernum

Landhelgisgæslan hafði milligöngu um afhendingu á 150 MP5 hríðskotarifflum frá norska hernum til ríkislögreglustjóra. Formenn stærstu stjórnarandstöðuflokkanna gagnrýna harðlega að svo mikið magn vopna hafi verið afhent lögreglunni án sérstaks samþykkis ráðherra eða umræðu í þinginu.

Landhelgisgæslan mun skila norsku byssunum

Þessi ákvörðun var tekin eftir viðræður gæslunnar við norska herinn í gær og í dag, að því er kemur fram í tilkynningu frá gæslunni.

Aukið við vopnabúnað lögreglunnar

Verið er að auka við vopnabúnað íslensku lögreglunnar. Stefnt er að því að allir lögreglubílar landsins verði búnir Glock 17-hálfsjálfvirkri skammbyssu og MP5-hríðskotabyssu.

Lögreglan ætlar ekki að borga fyrir vopnin

Samkvæmt kaupsamningi Landhelgisgæslunnar og norska hersins átti að greiða jafnvirði 11,5 milljóna króna fyrir 250 hríðskotabyssur. Ríkislögreglustjóri á von á að fá 150 byssur án endurgjalds. Gæslan segist ekki hafa greitt fyrir byssurnar.

Ráðherrar sverja af sér vélbyssur

Gunnar Bragi Sveinsson utanríkisráðherra segist ekki haft nein afskipti af komu 250 MP5-hríðskotabyssa hingað til lands. Hanna Birna Kristjánsdóttir innanríkisráðherra segir að lögreglan hafi heimild til að endurnýja búnað sinn án þess að ráðherra skipti

Landhelgisgæslan reiknar ekki með að borga

Forstjóri Landhelgisgæslunnar reiknar ekki með að Gæslan greiði fyrir þær 250 hríðskotabyssur sem norski herinn seldi henni. Ráðherrum hafi ekki verið greint frá kaupunum en aðilar innan innanríkisráðuneytisins hafi vitað af þeim.




Fleiri fréttir

Sjá meira


×