Rússar segja íslenska málaliða í Úkraínu Samúel Karl Ólason skrifar 20. mars 2024 15:20 Úkraínskir hermenn við þjálfun. Getty/Wolfgang Schwan María Sakaróva, talskona utanríkisráðuneytis Rússlands, segir íslenska málaliða berjast í Úkraínu, sem er ekki rétt. Hún gagnrýnir að Alþingi Íslendinga sé að skoða að festa stuðning við Úkraínu í sessi og að verið væri að endurskoða opinber samskipti Rússlands og Íslands. Samkvæmt Tass fréttaveitunni, sem er í eigu rússneska ríkisins, sagði Sakaróva Ísland fjármagna vopnakaup fyrir Úkraínumenn og þjálfun úkraínskra hermanna. „Án nokkurs vafa verður tekið mið af óábyrgum aðgerðum Reykjavíkur og áróðurs við endurskoðun á samskiptunum við Ísland,“ sagði Sakaróva. Því næst staðhæfði hún að íslenskir málaliðar væru að berjast í Úkraínu og að Íslendingar hefðu þjálfað úkraínska sjóliða. Sakaði hún Ísland um að taka þátt í að styðja við bak „úkraínskra nasista“. #Zakharova: Iceland is among the countries whose mercenaries have travelled to Ukraine. It also trains Ukrainian military sailors on its territory. The oh-so "peaceful" Iceland is thus trying to keep up with its senior allies in sponsoring Ukrainian Nazis. pic.twitter.com/xV0TaRSYAQ— MFA Russia (@mfa_russia) March 20, 2024 Samskipti Íslands og Rússlands hafa verið í lágmarki frá síðasta sumri, þegar Þórdís Kolbrún Reykfjörð Gylfadóttir, þáverandi utanríkisráðherra, tilkynnti að Rússum yrði gert að lágmarka starfsemi sendiráðsins og sendiherrann færi aftur til Rússlands. Þá var sendiráði Íslands í Mosvku lokað. Engir málaliðar frá Íslandi í Úkraínu Ráðamenn í Rússlandi hafa ítrekað haldið því fram að málaliðar á vegum Atlantshafsbandalagsins berjist með Úkraínumönnum og að Rússland væri í raun í stríði við NATO. Það er ekki rétt og samkvæmt upplýsingum frá utanríkisráðuneyti Íslands er ekki vitað til þess að nokkur Íslendingur taki þátt í bardögum í Úkraínu. Erlendir sjálfboðaliðar hafa barist með Úkraínumönnum frá því Rússar réðust fyrst inn í landið árið 2014 og þeim fjölgaði mjög í eftir innrásina í febrúar 2022. Ríki NATO hafa þó aldrei sent hermenn til Úkraínu til að berjast á víglínunum. Þá hafa Úkraínumenn ráðið málaliða frá Kólumbíu og víðar í hundraðatali. Sjá einnig: Úkraínumenn í slæmri stöðu eftir tveggja ára átök Rússar notast einnig við sjálfboðaliða og málaliða í stórum stíl. Þeir hafa einnig verið sakaðir um að þvinga farandverkamenn frá Asíu og öðrum heimshlutum í herinn. Sjálfboðaliðar frá öðrum ríkjum taka iðulega þátt í styrjöldum í heiminum. Stuðningur við Úkraínu rökréttur Bjarni Benediktsson, utanríkisráðherra, kynnti í gær þingsályktunartillögu að stefnu um stuðning við Úkraínu til fimm ára. Hann segir stuðning Íslendinga við öryggi og sjálfstæði Úkraínu rökréttan í ljósi öryggishagsmuna Íslands og mikilvægi þess alþjóðakerfis sem fullveldi landsins byggir á. Sjá einnig: Vill festa stuðning við Úkraínu í sessi „Innrásarstríð Rússlands í Úkraínu er alvarlegasta öryggisógn sem steðjað hefur að Evrópu frá lokum síðari heimsstyrjaldar og skýr atlaga að alþjóðakerfinu sem byggist á virðingu fyrir alþjóðalögum, friðhelgi landamæra og landhelgi ríkja,“ var haft eftir Bjarna á vef Stjórnarráðsins. Þegar kemur að þjálfun úkraínskra sjóliða hafa sjóliðsforingjaefni verið við þjálfun um borð í varðskipum Landhelgisgæslunnar að undanförnu. Þar hafa þeir fengið þjálfun í siglingafræði, eftirliti og aðgerðum á hafi eins og leit og björgun. Í tilkynningu frá Landhelgisgæslunni segir að verkefnið sé hluti af þjálfunarverkefni Atlantshafsbandalagsins. Landhelgisgæslan haldi um framkvæmdina í samstarfi við varnarmálaskrifstofu utanríkisráðuneytisins. Úkrainskir sjóliðar um borð í varðskipi Landhelgisgæslunnar.Landhelgisgæsla Íslands „Utanríkisráðuneytið leitaði til Landhelgisgæslunnar varðandi þjálfun sjóliðsforingjaefnanna og við tókum þessu mikilvæga verkefni fagnandi. Hingað til lands komu fimm ungir menn frá Úkraínu sem voru hluti af áhöfn varðskipsins Þórs í síðasta úthaldi. Þeir hlutu margvíslega þjálfun um borð og fengu að kynnast íslensku sjólagi og aðstæðum,“ Segir Georg Kr. Lárusson, forstjóri Landhelgisgæslunnar. Íslenskir sérfræðingar á sviði sprengjuleitar og sprengjueyðingar frá Landhelgisgæslunni hafa einnig farið til Litáen og þjálfað þar úkraínska hermenn í sprengjuleit og eyðingu. Sjá einnig: Íslenskir sprengjusérfræðingar þjálfa úkraínska hermenn Allir óvinir sagðir nasistar Ráðamenn í Rússlandi hafa frá því fyrir innrás þeirra í Úkraínu 2022 logið því að Úkraínu sé stjórnað af nasistum. Svokölluð „afnasistavæðing“ Úkraínu hefur verið ein af nokkrum uppgefnum ástæðum fyrir innrás Rússa í Úkraínu. Vladimír Pútín, einræðisherra Rússlands, hefur haldið því fram að Rússar væru að berjast gegn nasistum, djöfladýrkendum og hryðjuverkamönnum. Umræddir ráðamenn og málpípur þeirra í rússneskum fjölmiðlum hafa í raun talað um alla Úkraínumenn sem eru mótfallnir yfirráðum Rússa yfir ríkinu sem nasista. Sjá einnig: Myndband af úkraínskum „nasistum“ tekið upp á yfirráðasvæði Rússa Þjóðernissinnar og fjarhægri öfgamenn hafa barist innan úkraínska hersins frá 2014 og gera enn. Þeir eru þó lítill hópur innan úkraínska hersins og hafa lítil sem engin völd í Úkraínu. Forsvarsmenn úkraínska hersins segjast hafa tekið til innan hersins á undanförnum árum en myndir hafa verið birtar á netinu þar sem hermenn bera tákn sem tengjast nasisma. Það hefur einnig ítrekað gerst með rússneska hermenn. Í apríl 2022 fékk aðskilnaðarsinni frá Lúhansk orðu fyrir að „afnasistavæða“ 250 meinta nasista. Athygli vakti við afhendingu orðunnar, sem hermaðurinn fékk frá leiðtoga Lúhansk-héraðs, að maðurinn var skreyttur nasistatáknum. Þá hélt Sakaróva því fram á dögunum að Alþjóða ólympíunefndin væri skipuð ný-nasistum og að rasismi blómstraði þar. Gerði hún það í kjölfar þess að nefndin meinaði íþróttamönnum frá Rússlandi og Belarús að taka þátt í opnun leikanna í París í sumar. Úkraína Rússland Ríkisstjórn Katrínar Jakobsdóttur Innrás Rússa í Úkraínu Hernaður Utanríkismál Tengdar fréttir Meinuð þátttaka í setningarhátíð Ólympíuleikanna Alþjóða Ólympíunefndin hefur tekið stóra ákvörðun hvað varðar þá íþróttamenn frá Rússlandi og Hvíta Rússlandi sem fá að taka þátt í Ólympíuleikunum í París í sumar. 20. mars 2024 14:00 Sigurinn fordæmdur af evrópskum og bandarískum stjórnvöldum Stjórnvöld í Evrópu og Bandaríkjunum hafa fordæmt úrslit forsetakosninganna í Rússlandi sem fram fóru um helgina. Á meðan hafa stjórnvöld í Kína, Indlandi, Norður Kóreu og Íran óskað Pútín til hamingju með sigurinn. 18. mars 2024 21:10 Úkraínumenn senda fjölda dróna langt inn í Rússland Varnarmálaráðuneyti Rússlands sakar stjórnvöld í Úkraínu um að hafa reynt að hafa áhrif á forsetakosningarnar í landinu með einni umfangsmestu drónaárás sem Úkraínumenn hafa gert á Rússland. 18. mars 2024 08:24 Segir Úkraínumenn ekki skorta hugrekki, heldur skotfæri Jens Stoltenberg, framkvæmdastjóri Atlantshafsbandalagsins, varaði við því í dag að Úkraínumenn glímdu við mikinn skotfæraskort og þyrftu meiri stuðning frá bakhjörlum þeirra. Hann sagði bakhjarla Úkraínu skorta pólitískan vilja. 14. mars 2024 15:02 Mest lesið Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Segir upp hjá RÚV og snýr sér að pólitík Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Ætlaði að ganga frá álverinu og upp á Keflavíkurflugvöll Innlent Forsetavaktin 2024: Hver verður sjöundi forseti lýðveldisins? Innlent Ók blindfullur við Grímsvötn og hótaði að drepa alla Innlent Guðrún á Glitstöðum segir vaðið yfir vilja almennings Innlent Helmingurinn af búslóðinni í ruslið Innlent Fleiri fréttir Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Sjá meira
Samkvæmt Tass fréttaveitunni, sem er í eigu rússneska ríkisins, sagði Sakaróva Ísland fjármagna vopnakaup fyrir Úkraínumenn og þjálfun úkraínskra hermanna. „Án nokkurs vafa verður tekið mið af óábyrgum aðgerðum Reykjavíkur og áróðurs við endurskoðun á samskiptunum við Ísland,“ sagði Sakaróva. Því næst staðhæfði hún að íslenskir málaliðar væru að berjast í Úkraínu og að Íslendingar hefðu þjálfað úkraínska sjóliða. Sakaði hún Ísland um að taka þátt í að styðja við bak „úkraínskra nasista“. #Zakharova: Iceland is among the countries whose mercenaries have travelled to Ukraine. It also trains Ukrainian military sailors on its territory. The oh-so "peaceful" Iceland is thus trying to keep up with its senior allies in sponsoring Ukrainian Nazis. pic.twitter.com/xV0TaRSYAQ— MFA Russia (@mfa_russia) March 20, 2024 Samskipti Íslands og Rússlands hafa verið í lágmarki frá síðasta sumri, þegar Þórdís Kolbrún Reykfjörð Gylfadóttir, þáverandi utanríkisráðherra, tilkynnti að Rússum yrði gert að lágmarka starfsemi sendiráðsins og sendiherrann færi aftur til Rússlands. Þá var sendiráði Íslands í Mosvku lokað. Engir málaliðar frá Íslandi í Úkraínu Ráðamenn í Rússlandi hafa ítrekað haldið því fram að málaliðar á vegum Atlantshafsbandalagsins berjist með Úkraínumönnum og að Rússland væri í raun í stríði við NATO. Það er ekki rétt og samkvæmt upplýsingum frá utanríkisráðuneyti Íslands er ekki vitað til þess að nokkur Íslendingur taki þátt í bardögum í Úkraínu. Erlendir sjálfboðaliðar hafa barist með Úkraínumönnum frá því Rússar réðust fyrst inn í landið árið 2014 og þeim fjölgaði mjög í eftir innrásina í febrúar 2022. Ríki NATO hafa þó aldrei sent hermenn til Úkraínu til að berjast á víglínunum. Þá hafa Úkraínumenn ráðið málaliða frá Kólumbíu og víðar í hundraðatali. Sjá einnig: Úkraínumenn í slæmri stöðu eftir tveggja ára átök Rússar notast einnig við sjálfboðaliða og málaliða í stórum stíl. Þeir hafa einnig verið sakaðir um að þvinga farandverkamenn frá Asíu og öðrum heimshlutum í herinn. Sjálfboðaliðar frá öðrum ríkjum taka iðulega þátt í styrjöldum í heiminum. Stuðningur við Úkraínu rökréttur Bjarni Benediktsson, utanríkisráðherra, kynnti í gær þingsályktunartillögu að stefnu um stuðning við Úkraínu til fimm ára. Hann segir stuðning Íslendinga við öryggi og sjálfstæði Úkraínu rökréttan í ljósi öryggishagsmuna Íslands og mikilvægi þess alþjóðakerfis sem fullveldi landsins byggir á. Sjá einnig: Vill festa stuðning við Úkraínu í sessi „Innrásarstríð Rússlands í Úkraínu er alvarlegasta öryggisógn sem steðjað hefur að Evrópu frá lokum síðari heimsstyrjaldar og skýr atlaga að alþjóðakerfinu sem byggist á virðingu fyrir alþjóðalögum, friðhelgi landamæra og landhelgi ríkja,“ var haft eftir Bjarna á vef Stjórnarráðsins. Þegar kemur að þjálfun úkraínskra sjóliða hafa sjóliðsforingjaefni verið við þjálfun um borð í varðskipum Landhelgisgæslunnar að undanförnu. Þar hafa þeir fengið þjálfun í siglingafræði, eftirliti og aðgerðum á hafi eins og leit og björgun. Í tilkynningu frá Landhelgisgæslunni segir að verkefnið sé hluti af þjálfunarverkefni Atlantshafsbandalagsins. Landhelgisgæslan haldi um framkvæmdina í samstarfi við varnarmálaskrifstofu utanríkisráðuneytisins. Úkrainskir sjóliðar um borð í varðskipi Landhelgisgæslunnar.Landhelgisgæsla Íslands „Utanríkisráðuneytið leitaði til Landhelgisgæslunnar varðandi þjálfun sjóliðsforingjaefnanna og við tókum þessu mikilvæga verkefni fagnandi. Hingað til lands komu fimm ungir menn frá Úkraínu sem voru hluti af áhöfn varðskipsins Þórs í síðasta úthaldi. Þeir hlutu margvíslega þjálfun um borð og fengu að kynnast íslensku sjólagi og aðstæðum,“ Segir Georg Kr. Lárusson, forstjóri Landhelgisgæslunnar. Íslenskir sérfræðingar á sviði sprengjuleitar og sprengjueyðingar frá Landhelgisgæslunni hafa einnig farið til Litáen og þjálfað þar úkraínska hermenn í sprengjuleit og eyðingu. Sjá einnig: Íslenskir sprengjusérfræðingar þjálfa úkraínska hermenn Allir óvinir sagðir nasistar Ráðamenn í Rússlandi hafa frá því fyrir innrás þeirra í Úkraínu 2022 logið því að Úkraínu sé stjórnað af nasistum. Svokölluð „afnasistavæðing“ Úkraínu hefur verið ein af nokkrum uppgefnum ástæðum fyrir innrás Rússa í Úkraínu. Vladimír Pútín, einræðisherra Rússlands, hefur haldið því fram að Rússar væru að berjast gegn nasistum, djöfladýrkendum og hryðjuverkamönnum. Umræddir ráðamenn og málpípur þeirra í rússneskum fjölmiðlum hafa í raun talað um alla Úkraínumenn sem eru mótfallnir yfirráðum Rússa yfir ríkinu sem nasista. Sjá einnig: Myndband af úkraínskum „nasistum“ tekið upp á yfirráðasvæði Rússa Þjóðernissinnar og fjarhægri öfgamenn hafa barist innan úkraínska hersins frá 2014 og gera enn. Þeir eru þó lítill hópur innan úkraínska hersins og hafa lítil sem engin völd í Úkraínu. Forsvarsmenn úkraínska hersins segjast hafa tekið til innan hersins á undanförnum árum en myndir hafa verið birtar á netinu þar sem hermenn bera tákn sem tengjast nasisma. Það hefur einnig ítrekað gerst með rússneska hermenn. Í apríl 2022 fékk aðskilnaðarsinni frá Lúhansk orðu fyrir að „afnasistavæða“ 250 meinta nasista. Athygli vakti við afhendingu orðunnar, sem hermaðurinn fékk frá leiðtoga Lúhansk-héraðs, að maðurinn var skreyttur nasistatáknum. Þá hélt Sakaróva því fram á dögunum að Alþjóða ólympíunefndin væri skipuð ný-nasistum og að rasismi blómstraði þar. Gerði hún það í kjölfar þess að nefndin meinaði íþróttamönnum frá Rússlandi og Belarús að taka þátt í opnun leikanna í París í sumar.
Úkraína Rússland Ríkisstjórn Katrínar Jakobsdóttur Innrás Rússa í Úkraínu Hernaður Utanríkismál Tengdar fréttir Meinuð þátttaka í setningarhátíð Ólympíuleikanna Alþjóða Ólympíunefndin hefur tekið stóra ákvörðun hvað varðar þá íþróttamenn frá Rússlandi og Hvíta Rússlandi sem fá að taka þátt í Ólympíuleikunum í París í sumar. 20. mars 2024 14:00 Sigurinn fordæmdur af evrópskum og bandarískum stjórnvöldum Stjórnvöld í Evrópu og Bandaríkjunum hafa fordæmt úrslit forsetakosninganna í Rússlandi sem fram fóru um helgina. Á meðan hafa stjórnvöld í Kína, Indlandi, Norður Kóreu og Íran óskað Pútín til hamingju með sigurinn. 18. mars 2024 21:10 Úkraínumenn senda fjölda dróna langt inn í Rússland Varnarmálaráðuneyti Rússlands sakar stjórnvöld í Úkraínu um að hafa reynt að hafa áhrif á forsetakosningarnar í landinu með einni umfangsmestu drónaárás sem Úkraínumenn hafa gert á Rússland. 18. mars 2024 08:24 Segir Úkraínumenn ekki skorta hugrekki, heldur skotfæri Jens Stoltenberg, framkvæmdastjóri Atlantshafsbandalagsins, varaði við því í dag að Úkraínumenn glímdu við mikinn skotfæraskort og þyrftu meiri stuðning frá bakhjörlum þeirra. Hann sagði bakhjarla Úkraínu skorta pólitískan vilja. 14. mars 2024 15:02 Mest lesið Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Segir upp hjá RÚV og snýr sér að pólitík Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Ætlaði að ganga frá álverinu og upp á Keflavíkurflugvöll Innlent Forsetavaktin 2024: Hver verður sjöundi forseti lýðveldisins? Innlent Ók blindfullur við Grímsvötn og hótaði að drepa alla Innlent Guðrún á Glitstöðum segir vaðið yfir vilja almennings Innlent Helmingurinn af búslóðinni í ruslið Innlent Fleiri fréttir Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Sjá meira
Meinuð þátttaka í setningarhátíð Ólympíuleikanna Alþjóða Ólympíunefndin hefur tekið stóra ákvörðun hvað varðar þá íþróttamenn frá Rússlandi og Hvíta Rússlandi sem fá að taka þátt í Ólympíuleikunum í París í sumar. 20. mars 2024 14:00
Sigurinn fordæmdur af evrópskum og bandarískum stjórnvöldum Stjórnvöld í Evrópu og Bandaríkjunum hafa fordæmt úrslit forsetakosninganna í Rússlandi sem fram fóru um helgina. Á meðan hafa stjórnvöld í Kína, Indlandi, Norður Kóreu og Íran óskað Pútín til hamingju með sigurinn. 18. mars 2024 21:10
Úkraínumenn senda fjölda dróna langt inn í Rússland Varnarmálaráðuneyti Rússlands sakar stjórnvöld í Úkraínu um að hafa reynt að hafa áhrif á forsetakosningarnar í landinu með einni umfangsmestu drónaárás sem Úkraínumenn hafa gert á Rússland. 18. mars 2024 08:24
Segir Úkraínumenn ekki skorta hugrekki, heldur skotfæri Jens Stoltenberg, framkvæmdastjóri Atlantshafsbandalagsins, varaði við því í dag að Úkraínumenn glímdu við mikinn skotfæraskort og þyrftu meiri stuðning frá bakhjörlum þeirra. Hann sagði bakhjarla Úkraínu skorta pólitískan vilja. 14. mars 2024 15:02