Erlent

Vasa­úr ríkasta manns Titanic seldist á 210 milljónir

Bjarki Sigurðsson skrifar
Úrið seldist á 210 milljónir króna.
Úrið seldist á 210 milljónir króna. Henry Aldridge & Sons

Vasaúr sem fannst á líki ríkasta mannsins sem var um borð í Titanic-skipinu þegar það sökk árið 1912 seldist á uppboði á rúmar 210 milljónir króna. Aldrei hefur minjagripur úr Titanic selst á hærra verði. 

Um er að ræða vasaúr úr gulli sem fannst á líki viðskiptamannsins John Jacob Astor, sem samkvæmt grein The Guardian, var ríkasti maðurinn um borð í Titanic. Úrið var sett á sölu hjá Henry Aldridge & Son in Devizes-uppboðshúsinu og keypti bandarískur safnari það á 1,2 milljónir punda, rétt rúmlega 210 milljónir króna. 

John Jacob Astor var um borð í Titanic þegar skipið sökk árið 1912.Getty

Astor lést þegar skipið fórst en hann hafði þá komið eiginkonu sinni í björgunarbát. Í stað þess að freista þess sjálfur að komast í einn bátanna ákvað hann að verða eftir svo aðrir kæmust af á lífi. Það sást til hans reykja sígarettu og ræða við aðra farþega á þilfari skipsins skömmu áður en það sökk alveg. 

Hann var 47 ara gamall þegar hann lést og fannst úrið þegar líkið fannst sjö dögum eftir að skipið sökk. Úrið fékk sonur Astor, Vincent, sem síðar gaf syni ritara föður síns það. 

Titanic
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið