Erlent

Maður á sex­tugs­aldri sagður hafa stungið grunnskóladreng

Sólrún Dögg Jósefsdóttir skrifar
Myndin er úr safni og tengist fréttinni ekki beint.
Myndin er úr safni og tengist fréttinni ekki beint. EPA

Drengur á grunnskólaaldri varð fyrir stunguárás þegar hann gekk í skólann í bænum Moss í Óslóarfirðí í Noregi í morgun. Karlmaður á sextugsaldri hefur verið handtekinn í tengslum við málið. 

Norski miðillinn VG hefur eftir Anders Strømsæther umsjónarmanni rannsóknarinnar að lögreglunni hafi borist tilkynning um árásina frá vitni um hálfníuleytið í morgun.

Árásin var gerð í undirgöngum nærri grunnskólanum Verket en fimm hundruð börn á aldrinum sex til sextán ára ganga í skólann. Strømsæther segir líklegt að ráðist hafi verið að drengnum með hníf og steini. 

Drengurin er ekki alvarlega særður en hann hlaut að sögn Strømsæther skurði og stungusár á nokkrum stöðum á líkamanum.

Maður á sextugsaldri er grunaður um verknaðinn. Hann er í haldi lögreglu og hefur verið ákærður fyrir líkamsmeiðingar.

„Þetta virðist hafa verið slys. Það hefur reynst okkur erfitt að finna skýra ástæðu á bak við árásina. Hinn grunaði mun hitta lækni bráðlega og við vonum að þá verði einhverjum spurningum um þetta svarað,“ segir Strømsæther.

Noregur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið