Messan: Liverpool vantar menn sem setja boltann yfir línuna | Myndband

Martin Skrtel tryggði Liverpool 2-2 jafntefli gegn Arsenal í stórleik síðustu helgar í ensku úrvalsdeildinni í knattspyrnu.

„Þeir virkuðu ekkert sterkari aðilinn - þeir voru það,“ sagði Hjörvar Hafliðason um Liverpool-liðið þrátt fyrir að það hafi aðeins náð að bjarga stigi í uppbótartíma.

Guðmundur Benediktsson sagði Liverpool-liðið hafa spilað vel gegn Arsenal og gegn Manchester United þar sem það steinlá, 3-0.

„Er það ekki einmitt málið? Þeir fá fullt af færum á móti Manchester United og enn fleiri á móti Arsenal. Hverjir fá borgað mest í fótbolta? Eru það ekki yfirleitt þeir sem setja bolta yfir línuna? Það vantar bara menn sem gera það hjá Liverpool,“ sagði Hjörvar.

„Með fullri virðingu fyrir Szczesny og De Gea sem voru í markinu í þessum tveimur leikjum þá eru þetta ömurleg slútt oft á tíðum hjá framherjum Liverpool. Aðalslúttarinn er bara meiddur.“

Umræðuna alla má sjá í spilaranum hér að ofan.