Innlent

„Íslenska tollkerfið er frumskógur“

Þórhildur Þorkelsdóttir skrifar
„Íslenska tollkerfið er úr sér gengið og óskiljanlegt fyrir hinn almenna neytanda,“ segir Almar Guðmundsson, framkvæmdastjóri Félags atvinnurekenda, en félagið hefur undanfarið unnið að úrbótum á kerfinu sem leggja á fram í haust.

Í dag var kynntur hluti af vinnu félagsins síðustu mánuði, en þar kemur fram ýmislegt einkennilegt tengt tollum og vörugjöldum. Almar kynnti meðal annars svokallað ólukkuhjól, en þar hefur félagið tekið saman sextán dæmi um tolla og vörugjöld sem orkað geta tvímælis.

„Við erum að vekja athygli á því skrítna og flókna kerfi sem vörugjöld eru á Íslandi. Þetta er frumskógur og það er ekki á valdi neytenda að skilja hvernig kerfið er uppbyggt,“ segir Almar. 

Almar segist eiga von á að næsta vetur vinnist áfangasigur í baráttunni við að fá vörugjöld afnumin og tollkerfið endurskoðað. 

„Í haust munum við leggja fram okkar línur að því hvernig hægt er að einfalda þetta kerfi og gera það skýrara. Það er mjög mikilvægt að þeir sem greiða skattana, neytendur og fyrirtæki, skilji hvernig kerfið virkar. Við erum órafjarri því í dag og þar af leiðandi er þetta mjög alvarlegt mál. Stjórnvöld eiga að setja þetta í forgang,“ segir hann. 


Tengdar fréttir

Ekkert íslenskt hráefni

Háir tollar eru á innflutt kartöflusnakk og greiddu íslenskir neytendur um 145 milljónir í fyrra í verndartolla. Lögmaður segir fyrirtæki vera að skoða réttarstöðu sína. Neytendasamtökin eru alfarið á móti slíkum tollum.

Lögmaður Haga segir ostamálið munu halda áfram

„Jafnræðisreglan leiðir til þess að fólk má gera ráð fyrir því að mál þeirra fái sömu meðferð hjá stjórnvaldinu og mál sambærilegra aðila í sömu stöðu,“ segir lögmaður Haga.

Ofurtollar keyra upp vöruverð

Forsvarsmenn Haga bíða nú eftir úrskurði frá atvinnuvega- og nýsköpunar-ráðuneytinu um hvort afnema megi ofurtolla á nokkrar tegundir osta sem ekki eru framleiddir nema í sáralitlu magni hér á landi. Fréttamaður fór með forstjóra Haga í innkaupaleiðangur.

Hagar stefna ríkinu vegna tolla

Krefjast ógildingar á ákvörðun landbúnaðarráðherra um að hafna beiðni um úthlutun opins tollkvóta fyrir innflutning á ostum og lífrænum kjúklingi.

Vilja grisja frumskóg tolla og vörugjalda

Ólukkuhjól Loka Verndalt verður kynnt til sögunnar í dag á hádegisfundi Samtaka atvinnurekenda. Fundurinn er liður í viðleytni til að fá tollakerfið einfaldað og vörugjöld afnumin. Ógagnsætt kerfi og mörgum óskiljanlegt, segir framkvæmdastjóri SA.

Ofurtollar á innfluttum frönskum

Aðeins eitt fyrirtæki framleiðir franskar kartöflur hérlendis og annar með því innan við 5 prósent af eftirspurn. Samt sem áður en 76 prósenta tollur á innfluttar franskar.




Fleiri fréttir

Sjá meira


×