Þetta verða vonandi góðir tónleikar Magnús Guðmundsson skrifar 28. maí 2015 00:00 Kristinn Sigmundsson syngur á tónleikum á sunnudagskvöldið og hann nýtur þess að vinna mikið. Fréttablaðið/GVA Og þökk sé morgunbjartri svipstund, er yfirskrift tónleika þar sem flutt verða ný íslensk verk eftir John Speight og Þórunni Grétu Sigurðardóttur á vegum Listahátíðar í Reykjavík. Á tónleikunum syngur Kristinn Sigmundsson óperusöngvari verk tónskáldanna við undirleik Elísabetar Waage hörpuleikara og Laufeyjar Sigurðardóttur fiðluleikara ásamt strengjasveit undir stjórn Einars Jóhannessonar. Einnig leikur Páll Eyjólfsson á gítar bæði einleiksverk og annað verk ásamt Laufeyju.Skemmtilegar andstæður Kristinn segir að í raun eigi þessir tónleikar sér langan aðdraganda en að hann hafi fyrst kynnst John Speight þegar hann söng í óperunni Sígaunabaróninum í Gamla bíói en það var aðeins önnur uppfærsla Íslensku óperunnar. „Þá vissi ég fullvel að John er fantagóður söngvari en hafði litla hugmynd um að hann er líka gott tónskáld en tónsmíðarnar hafa verið hans aðall á síðustu árum. En ég komst svo að því hversu gott tónskáld hann er þegar hann samdi þessi ljómandi fallegu lög við ljóð Þorsteins frá Hamri. Ég varð strax ákaflega hrifinn af þessum tónsmíðum og ljóð Þorsteins eru alveg einstaklega falleg. Löngu seinna tók John sig svo til og útsetti þessa tónlist sem hann kallar Cantus IV fyrir strengi og hörpu og það er það sem við erum að fara að frumflytja á sunnudagskvöldið. En það er vissulega fleira spennandi á dagskrá tónleikanna og það er skemmtilega ólíkt því sem ég hef áður nefnt. Ég kem nefnilega einnig til með að frumflytja tónsmíð eftir Þórunni Grétu Sigurðardóttur sem kallast KOK og er unnið upp úr samnefndri ljóðabók Kristínar Eiríksdóttur. Þetta er kraftmikið og flott verk sem er í skemmtilegum kontrast við tónsmíðar Johns og ljóð Þorsteins. John Speight hefur svo einnig samið þrjú lög við ljóð Goethes, Söngva hörpuleikarans, en þar syng ég við undirleik hörpu eingöngu og það í sjálfri Hörpu.“Mikil vinna Kristinn bendir á að upphaflega hafi þessir tónleikar átt að vera heiðurstónleikar fyrir John Speight sjötugan en svo hafi þetta tekið upp á því að stækka. „Mér finnst samt að ég hafi nú verið hafður helst til mikið í forgrunni kynningarefnis tónleikanna. En ég er engu að síður ánægður með hvernig tónleikarnir eru saman settir. Það kemur svo skemmtilegur kontrast á milli verka Johns og Þórunnar Grétu sem ég held að fólk eigi eftir að hafa gaman af. Þannig að ég held að þetta verði góðir tónleikar, er reyndar ekki vanur að lofa slíku því maður veit aldrei hvernig fer en þetta leggst vel í mig. Það má líka segja að þessi samsetning falli vel að því að ég hef alltaf reynt að hafa mikla breidd í tónlistinni enda gaman að fást við ólíka hluti. Þetta hefur fyrir vikið verið tímafrek og erfið vinna en vonandi verður uppskeran í samræmi við það.“Kristinn og Elísabet Waage hörpuleikari voru við æfingar í vikunni. Fréttablaðið/GVALofar sumarfríi En Kristinn er ekki kominn í sumarfrí eftir þessa tónleika því aðra helgi hefur hann sett stefnuna norður yfir heiðar á næstu tónleika. „Þetta er óðs manns æði, ég er að fara að syngja í öðru sjötugsafmæli. Jón Hlöðver Áskelsson tónskáld er nefnilega líka sjötugur á þessu ári og hann er búinn að gera tónlist við ljóð eftir Böðvar Guðmundsson um alla mánuði ársins. Böðvar lýsir mánuðunum sérdeilis fallega og Jón Hlöðver hefur samið við ljóðin afskaplega fína músík. En eftir þessa tónleika er ég búinn að lofa fjölskyldunni því að fara í sumarfrí. Það er búið að vera mikið að gera en í byrjun árs var ég að syngja hjá óperunni í LA í einum þremur uppfærslum og svo er líka nóg fram undan því ég verð í Don Carlo í Hamborg í haust. En það er sannkallað sálarmeðal að fá að vera í þessu. Enda hef ég alltaf viljað hafa nóg að gera. Ég man til að mynda eftir því að þegar ég var á samningi hjá óperunni í Wiesbaden á sínum tíma þá fannst mér vera helst til rólegt hjá mér. Við það stressaðist ég allur upp, fannst alltaf að ég hlyti að eiga að vera einhvers staðar eða að gera eitthvað svo ég stormaði á fund óperustjórans og bað hann um fleiri verkefni. Hann hafði verið lengi í þessum bransa, blessaður, og horfi á mig á dágóða stund áður en hann sagði mér að hann hefði nú aldrei fengið þessa beiðni áður frá samningsbundnum söngvara. En þetta er nú það sem maður nýtur þess að gera og vinnan heldur manni í formi.“ Menning Mest lesið Sophia Bush kemur út úr skápnum Lífið Grínari selur íbúð í Vesturbænum Lífið „Hann var langt á undan sinni samtíð“ Lífið Will Smith hrifinn af akureyrsku hjartaljósunum Lífið „Restin í hárið“ reglan gildir í Flonkyball Lífið samstarf Ekki lengur smeykur við að deila kastljósinu með Katrínu Lífið Logi Geirs og Inga Tinna eiga von á barni Lífið Varð móðir sextán ára Lífið Heyrt kjaftasögurnar um eldri mennina sem stýri henni Lífið Jón Jónsson selur glæsihús á Seltjarnarnesi Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira
Og þökk sé morgunbjartri svipstund, er yfirskrift tónleika þar sem flutt verða ný íslensk verk eftir John Speight og Þórunni Grétu Sigurðardóttur á vegum Listahátíðar í Reykjavík. Á tónleikunum syngur Kristinn Sigmundsson óperusöngvari verk tónskáldanna við undirleik Elísabetar Waage hörpuleikara og Laufeyjar Sigurðardóttur fiðluleikara ásamt strengjasveit undir stjórn Einars Jóhannessonar. Einnig leikur Páll Eyjólfsson á gítar bæði einleiksverk og annað verk ásamt Laufeyju.Skemmtilegar andstæður Kristinn segir að í raun eigi þessir tónleikar sér langan aðdraganda en að hann hafi fyrst kynnst John Speight þegar hann söng í óperunni Sígaunabaróninum í Gamla bíói en það var aðeins önnur uppfærsla Íslensku óperunnar. „Þá vissi ég fullvel að John er fantagóður söngvari en hafði litla hugmynd um að hann er líka gott tónskáld en tónsmíðarnar hafa verið hans aðall á síðustu árum. En ég komst svo að því hversu gott tónskáld hann er þegar hann samdi þessi ljómandi fallegu lög við ljóð Þorsteins frá Hamri. Ég varð strax ákaflega hrifinn af þessum tónsmíðum og ljóð Þorsteins eru alveg einstaklega falleg. Löngu seinna tók John sig svo til og útsetti þessa tónlist sem hann kallar Cantus IV fyrir strengi og hörpu og það er það sem við erum að fara að frumflytja á sunnudagskvöldið. En það er vissulega fleira spennandi á dagskrá tónleikanna og það er skemmtilega ólíkt því sem ég hef áður nefnt. Ég kem nefnilega einnig til með að frumflytja tónsmíð eftir Þórunni Grétu Sigurðardóttur sem kallast KOK og er unnið upp úr samnefndri ljóðabók Kristínar Eiríksdóttur. Þetta er kraftmikið og flott verk sem er í skemmtilegum kontrast við tónsmíðar Johns og ljóð Þorsteins. John Speight hefur svo einnig samið þrjú lög við ljóð Goethes, Söngva hörpuleikarans, en þar syng ég við undirleik hörpu eingöngu og það í sjálfri Hörpu.“Mikil vinna Kristinn bendir á að upphaflega hafi þessir tónleikar átt að vera heiðurstónleikar fyrir John Speight sjötugan en svo hafi þetta tekið upp á því að stækka. „Mér finnst samt að ég hafi nú verið hafður helst til mikið í forgrunni kynningarefnis tónleikanna. En ég er engu að síður ánægður með hvernig tónleikarnir eru saman settir. Það kemur svo skemmtilegur kontrast á milli verka Johns og Þórunnar Grétu sem ég held að fólk eigi eftir að hafa gaman af. Þannig að ég held að þetta verði góðir tónleikar, er reyndar ekki vanur að lofa slíku því maður veit aldrei hvernig fer en þetta leggst vel í mig. Það má líka segja að þessi samsetning falli vel að því að ég hef alltaf reynt að hafa mikla breidd í tónlistinni enda gaman að fást við ólíka hluti. Þetta hefur fyrir vikið verið tímafrek og erfið vinna en vonandi verður uppskeran í samræmi við það.“Kristinn og Elísabet Waage hörpuleikari voru við æfingar í vikunni. Fréttablaðið/GVALofar sumarfríi En Kristinn er ekki kominn í sumarfrí eftir þessa tónleika því aðra helgi hefur hann sett stefnuna norður yfir heiðar á næstu tónleika. „Þetta er óðs manns æði, ég er að fara að syngja í öðru sjötugsafmæli. Jón Hlöðver Áskelsson tónskáld er nefnilega líka sjötugur á þessu ári og hann er búinn að gera tónlist við ljóð eftir Böðvar Guðmundsson um alla mánuði ársins. Böðvar lýsir mánuðunum sérdeilis fallega og Jón Hlöðver hefur samið við ljóðin afskaplega fína músík. En eftir þessa tónleika er ég búinn að lofa fjölskyldunni því að fara í sumarfrí. Það er búið að vera mikið að gera en í byrjun árs var ég að syngja hjá óperunni í LA í einum þremur uppfærslum og svo er líka nóg fram undan því ég verð í Don Carlo í Hamborg í haust. En það er sannkallað sálarmeðal að fá að vera í þessu. Enda hef ég alltaf viljað hafa nóg að gera. Ég man til að mynda eftir því að þegar ég var á samningi hjá óperunni í Wiesbaden á sínum tíma þá fannst mér vera helst til rólegt hjá mér. Við það stressaðist ég allur upp, fannst alltaf að ég hlyti að eiga að vera einhvers staðar eða að gera eitthvað svo ég stormaði á fund óperustjórans og bað hann um fleiri verkefni. Hann hafði verið lengi í þessum bransa, blessaður, og horfi á mig á dágóða stund áður en hann sagði mér að hann hefði nú aldrei fengið þessa beiðni áður frá samningsbundnum söngvara. En þetta er nú það sem maður nýtur þess að gera og vinnan heldur manni í formi.“
Menning Mest lesið Sophia Bush kemur út úr skápnum Lífið Grínari selur íbúð í Vesturbænum Lífið „Hann var langt á undan sinni samtíð“ Lífið Will Smith hrifinn af akureyrsku hjartaljósunum Lífið „Restin í hárið“ reglan gildir í Flonkyball Lífið samstarf Ekki lengur smeykur við að deila kastljósinu með Katrínu Lífið Logi Geirs og Inga Tinna eiga von á barni Lífið Varð móðir sextán ára Lífið Heyrt kjaftasögurnar um eldri mennina sem stýri henni Lífið Jón Jónsson selur glæsihús á Seltjarnarnesi Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira