„Of margir Palestínumenn dóu í dag“ Samúel Karl Ólason skrifar 29. febrúar 2024 21:36 Hlúð að fólki á gólfi Shifa sjúkrahússins í Gasaborg í dag. AP/Mahmoud Essa Talið er að minnsta kosti 112 hafi dáið og hundruð hafi slasast og eða særst á Gasaströndinni síðustu nótt þegar verið var að flytja matvæli og neyðarbirgðir á svæðið. Palestínumenn segja ísraelska hermenn hafa skotið á þvögu fólks sem stöðvaði vörubílanna með birgðirnar. Búist er við að tala látinna muni hækka. Mikill troðningur varð þegar þúsundir manna ruddust að bílunum en gífurleg neyð er á svæðinu og mikill skortur á matvælum og öðrum nauðsynjum. Ísraelar hafa komið í veg fyrir umfangsmikla birgðaflutninga til fólksins á Gasa og hafa Sameinuðu þjóðirnar og aðrir varað við hungursneyð. Verið var að flytja birgðir á um þrjátíu bílum og var stefnan sett á norðurhluta Gasastrandarinnar. Þegar bílarnir nálguðust Gasaborg um klukkan fjögur í nótt streymdi fólk að bílalestinni og fór að taka matvæli og aðrar vöru af bílunum. Margir tróðust undir og einhverjir urðu undir bílunum þegar ökumenn þeirra reyndu að komast á brott. Atburðir dagsins eru enn nokkuð óljósir en ásakanir um hverjir bera ábyrgð á dauðsföllunum ganga á víxl. Matvælaáætlun Sameinuðu þjóðanna hefur hætt flutningi á aðstoð til norðurhluta Gasa vegna erfiðleika. Íbúar og starfsmenn hjálparsamtaka segja óöld ríkja á svæðinu. Ísraelar birtu meðfylgjandi myndband í dag. > Blaðamaður AP fréttaveitunnar ræddi við mann sem var á sjúkrahúsi með skotsár. Hann sagði fólk hafa heyrt af því að verið væri að flytja mat í gegnum svæðið og því hafi þó hópast að bílunum. „Við erum búin að vera að éta dýrafæði í tvo mánuði,“ sagði hann. Þegar fólk var að taka hveiti og dósir af bílunum segir hann að hermenn hafi skotið á fólkið. Fólk hafi hlaupið á brott og falið sig undir bílunum. Þegar skothríðin hætti hélt fólkið áfram að taka af bælunum og segir hann hermennina hafa þá hleypt af aftur. Hann fékk skot í fótinn og svo var einum vörubíl ekið yfir fótinn á honum. Töldu sér ógnað og skutu á fólk Forsvarsmenn heilbrigðisráðuneytis Gasastrandarinnar, sem stýrt er af Hamas-samtökunum, segja ísraelska hermenn hafa skotið á fólkið og hafa lýst atvikinu sem fjöldamorði. Því hefur einnig verið haldið fram að hermenn hafi skotið á bílalestina. Ísraelar viðurkenna að hermenn hafi hleypt af skotum en segja lang flesta sem dóu eða slösuðust hafa gert það í troðningnum sem myndaðist. Í frétt New York Times er haft eftir ónefndum ísraelskum embættismanni að hermenn sem hafi verið við suðurenda bílalestarinnar hafi skotið að fólki sem ógnaði þeim. Fyrst hafi þeir þó hleypt af viðvörunarskotum. Læknir sem blaðamaður NYT ræddi við segist hafa séð fjölda fólks með skotsár, auk líka sem lágu á götunni. Þau höfðu troðist undir eða orðið fyrir bílunum. Talsmaður Ísraels segir rangt að hermenn hafi skotið að bílalestinni. Skriðdrekar hafi verið á svæðinu svo hægt væri að tryggja að bílalestin kæmist til norðurhluta Gasastrandarinnar. Áhafnir þeirra hefðu horft á fólk troðið undir og hefðu skotið nokkrum viðvörunarskotum. We recognize the suffering of the innocent people of Gaza. This is why we are seeking ways to expand our humanitarian efforts. Watch the full statement by IDF Spokesperson RAdm. Daniel Hagari on the incident regarding the humanitarian aid convoy the IDF facilitated. pic.twitter.com/m6Pve3Odqw— Israel Defense Forces (@IDF) February 29, 2024 Matthew Miller, talsmaður utanríkisráðuneytis Bandaríkjanna, sagði í kvöld að atvikið varpaði ljósi á gífurlega slæmt ástand á Gasaströndinni. Hann sagði það sýna bersýnilega nauðsyn þess að auka flæði mannúðaraðstoðar á svæðið. Örvæntingin væri augljós. „Of margir Palestínumenn dóu í dag,“ sagði Miller. Hann bætti við að ásættanlegur fjöldi dauðsfalla hefði verið núll. Miller sagði ráðamenn í Bandaríkjunum vera að leita frekari upplýsinga um atvikið og sömuleiðis reyna að koma á vopnahléi. 'The situation in northern Gaza is incredibly dire' says Matthew Miller, US Department of State spokesperson (@StateDeptSpox) https://t.co/00cyklNnC8 Sky 501, Virgin 602, Freeview 233 and YouTube pic.twitter.com/HF9EqKuqQ1— Sky News (@SkyNews) February 29, 2024
Búist er við að tala látinna muni hækka. Mikill troðningur varð þegar þúsundir manna ruddust að bílunum en gífurleg neyð er á svæðinu og mikill skortur á matvælum og öðrum nauðsynjum. Ísraelar hafa komið í veg fyrir umfangsmikla birgðaflutninga til fólksins á Gasa og hafa Sameinuðu þjóðirnar og aðrir varað við hungursneyð. Verið var að flytja birgðir á um þrjátíu bílum og var stefnan sett á norðurhluta Gasastrandarinnar. Þegar bílarnir nálguðust Gasaborg um klukkan fjögur í nótt streymdi fólk að bílalestinni og fór að taka matvæli og aðrar vöru af bílunum. Margir tróðust undir og einhverjir urðu undir bílunum þegar ökumenn þeirra reyndu að komast á brott. Atburðir dagsins eru enn nokkuð óljósir en ásakanir um hverjir bera ábyrgð á dauðsföllunum ganga á víxl. Matvælaáætlun Sameinuðu þjóðanna hefur hætt flutningi á aðstoð til norðurhluta Gasa vegna erfiðleika. Íbúar og starfsmenn hjálparsamtaka segja óöld ríkja á svæðinu. Ísraelar birtu meðfylgjandi myndband í dag. > Blaðamaður AP fréttaveitunnar ræddi við mann sem var á sjúkrahúsi með skotsár. Hann sagði fólk hafa heyrt af því að verið væri að flytja mat í gegnum svæðið og því hafi þó hópast að bílunum. „Við erum búin að vera að éta dýrafæði í tvo mánuði,“ sagði hann. Þegar fólk var að taka hveiti og dósir af bílunum segir hann að hermenn hafi skotið á fólkið. Fólk hafi hlaupið á brott og falið sig undir bílunum. Þegar skothríðin hætti hélt fólkið áfram að taka af bælunum og segir hann hermennina hafa þá hleypt af aftur. Hann fékk skot í fótinn og svo var einum vörubíl ekið yfir fótinn á honum. Töldu sér ógnað og skutu á fólk Forsvarsmenn heilbrigðisráðuneytis Gasastrandarinnar, sem stýrt er af Hamas-samtökunum, segja ísraelska hermenn hafa skotið á fólkið og hafa lýst atvikinu sem fjöldamorði. Því hefur einnig verið haldið fram að hermenn hafi skotið á bílalestina. Ísraelar viðurkenna að hermenn hafi hleypt af skotum en segja lang flesta sem dóu eða slösuðust hafa gert það í troðningnum sem myndaðist. Í frétt New York Times er haft eftir ónefndum ísraelskum embættismanni að hermenn sem hafi verið við suðurenda bílalestarinnar hafi skotið að fólki sem ógnaði þeim. Fyrst hafi þeir þó hleypt af viðvörunarskotum. Læknir sem blaðamaður NYT ræddi við segist hafa séð fjölda fólks með skotsár, auk líka sem lágu á götunni. Þau höfðu troðist undir eða orðið fyrir bílunum. Talsmaður Ísraels segir rangt að hermenn hafi skotið að bílalestinni. Skriðdrekar hafi verið á svæðinu svo hægt væri að tryggja að bílalestin kæmist til norðurhluta Gasastrandarinnar. Áhafnir þeirra hefðu horft á fólk troðið undir og hefðu skotið nokkrum viðvörunarskotum. We recognize the suffering of the innocent people of Gaza. This is why we are seeking ways to expand our humanitarian efforts. Watch the full statement by IDF Spokesperson RAdm. Daniel Hagari on the incident regarding the humanitarian aid convoy the IDF facilitated. pic.twitter.com/m6Pve3Odqw— Israel Defense Forces (@IDF) February 29, 2024 Matthew Miller, talsmaður utanríkisráðuneytis Bandaríkjanna, sagði í kvöld að atvikið varpaði ljósi á gífurlega slæmt ástand á Gasaströndinni. Hann sagði það sýna bersýnilega nauðsyn þess að auka flæði mannúðaraðstoðar á svæðið. Örvæntingin væri augljós. „Of margir Palestínumenn dóu í dag,“ sagði Miller. Hann bætti við að ásættanlegur fjöldi dauðsfalla hefði verið núll. Miller sagði ráðamenn í Bandaríkjunum vera að leita frekari upplýsinga um atvikið og sömuleiðis reyna að koma á vopnahléi. 'The situation in northern Gaza is incredibly dire' says Matthew Miller, US Department of State spokesperson (@StateDeptSpox) https://t.co/00cyklNnC8 Sky 501, Virgin 602, Freeview 233 and YouTube pic.twitter.com/HF9EqKuqQ1— Sky News (@SkyNews) February 29, 2024
Palestína Ísrael Átök í Ísrael og Palestínu Tengdar fréttir Leiðtogi Hamas í Katar segir samtökin reiðubúin til að vera sveigjanleg Stjórnvöld í Katar hafa sakað Ísraelsmenn um að stuðla að hungursneyð meðal Palestínumanna. Þau kalla eftir auknum þrýstingi af hálfu alþjóðasamfélagsins. 29. febrúar 2024 07:06 Ísraelsmenn og Hamas segja Biden hafa verið helst til bráðlátan Bæði Ísraelsmenn og fulltrúar Hamas-samtakanna segja Joe Biden Bandaríkjaforseta, sem sagðist í fyrradag vonast til þess að vopnhlé yrði í höfn eftir næstu helgi, hafa verið helst til bráðlátann þegar hann lét ummælin falla. 28. febrúar 2024 06:33 Viðræður um fangaskipti og vopnahlé mjakast áfram Joe Biden Bandaríkjaforseti sagðist í gær telja að samkomulag um vopnahlé og lausn gísla í haldi Hamas myndi mögulega liggja fyrir eftir um það bil viku. „Við erum nálægt því. Við erum ekki búin ennþá. Ég vona að á mánudag verði vopnahlé í höfn,“ sagði forsetinn. 27. febrúar 2024 07:37 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ekur 44 kílómetra með ruslið og er ósáttur við sorphirðugjald Innlent Hálfri milljón yrði gert að rýma kæmi til goss Erlent Ísraelar kalla sendiherrana heim frá Noregi, Írlandi og Spáni Erlent Aþena Sif dæmd fyrir stórfellda líkamsárás með Butterfly-hnífi Innlent Sagðist opinn fyrir takmörkunum á getnaðarvarnir Erlent Segir hin sigurstranglegu hafa tromp á hendi Innlent Ástæða fyrir því að spenna beltin í flugi Innlent Kviknaði í hverju fjórhjólinu á fætur öðru Innlent Tækifærum fækkar til að sjá svona flugvélar fljúga Innlent Kanna hvar Perry fékk ketamínið Erlent Fleiri fréttir Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Aldraður eðlisfræðingur sendur í gúlagið fyrir landráð „Stöðvið stuldinn“-fáni á lóð dómara eftir árásina á þinghúsið Mynd fer á flug í kjölfar tilrauna til að láta fjarlægja hana Biden segir Ísraela saklausa af ásökunum um þjóðarmorð Réttað yfir Hinrik XIII og öðrum leiðtogum valdaránstilraunar OpenAI hættir notkun raddar eftir inngrip lögmanna Johansson Fengu ekkert merki frá þyrlunni sem hrapaði með forsetann um borð Netanjahú hafnar handtökuskipuninni Spánverjar kalla sendiherrann heim í kjölfar ummæla Milei Sigur fyrir Assange sem fær að áfrýja framsali Saksóknari Alþjóðlega sakamáladómstólsins vill handtaka Netanjahú og Hamas-liða Komst loks út í geim sextíu árum síðar Íransforseti fórst í þyrluslysinu Leitin enn ekki borið árangur Tveir látnir og fimm saknað eftir slys í Dóná Sjá meira
Leiðtogi Hamas í Katar segir samtökin reiðubúin til að vera sveigjanleg Stjórnvöld í Katar hafa sakað Ísraelsmenn um að stuðla að hungursneyð meðal Palestínumanna. Þau kalla eftir auknum þrýstingi af hálfu alþjóðasamfélagsins. 29. febrúar 2024 07:06
Ísraelsmenn og Hamas segja Biden hafa verið helst til bráðlátan Bæði Ísraelsmenn og fulltrúar Hamas-samtakanna segja Joe Biden Bandaríkjaforseta, sem sagðist í fyrradag vonast til þess að vopnhlé yrði í höfn eftir næstu helgi, hafa verið helst til bráðlátann þegar hann lét ummælin falla. 28. febrúar 2024 06:33
Viðræður um fangaskipti og vopnahlé mjakast áfram Joe Biden Bandaríkjaforseti sagðist í gær telja að samkomulag um vopnahlé og lausn gísla í haldi Hamas myndi mögulega liggja fyrir eftir um það bil viku. „Við erum nálægt því. Við erum ekki búin ennþá. Ég vona að á mánudag verði vopnahlé í höfn,“ sagði forsetinn. 27. febrúar 2024 07:37