Neytendur

Hætta á matar­eitrun: Inn­kalla osta­sósu

Viktor Örn Ásgeirsson skrifar
Aðföng ákveðið að taka úr sölu og innkalla Santa Maria Dip Nacho Cheese Style sósur í 250 gramma dósum.
Aðföng ákveðið að taka úr sölu og innkalla Santa Maria Dip Nacho Cheese Style sósur í 250 gramma dósum. Aðföng

Aðföng hafa ákveðið að innkalla ostasósuna „Santa Maria Dip Nacho Cheese Style“ í 250 gramma dósum. Ástæða innköllunarinnar er að í tiltekinni framleiðslulotu greindist baktería sem valdið getur matareitrun.

Innköllunin varðar þær sölueiningar sem hafa best fyrir dagsetninguna á tímabilinu 1. júní 2025 til 31. ágúst 2025. Sérstök athygli er vakin á því að form dagsetningar er ár-mánuður-dagur.

Fram kemur í tilkynningu frá Aðföngum að bakterían hafi greinst við innra eftirlit matvælaframleiðandans, Santa Maria. Í varúðaskyni hafi því verið ákveðið að innkalla allar framleiðslulotur. Ekki sé vitað um staðfest tilvik matareitrunar vegna neyslu vörunnar. 

„Bakterían getur valdið einkennum á borð við niðurgang og uppköst. Ef einkenni koma fram er það jafnan innan 24 tíma. Sósan hefur verið í sölu í öllum verslunum Bónus og Hagkaups og stendur innköllun þar yfir. Viðskiptavinum Bónus og Hagkaups sem keypt hafa vöruna er ráðið frá því að neyta hennar og er bent á að þeir geta skilað henni í verslunina þar sem hún var keypt gegn fullri endurgreiðslu. Fyrir hönd framleiðanda vörunnar biður Aðföng viðskiptavini verslananna sem kunna að hafa orðið fyrir óþægindum vegna þessa innilegrar afsökunar. “

Matvælaframleiðsla Neytendur Innköllun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið