Viðskipti innlent

At­vinnu­leysi jókst í 5,2 prósent í janúar

Eiður Þór Árnason skrifar
Atvinnulausum fjölgaði mest í gisti- og veitingaþjónustu.
Atvinnulausum fjölgaði mest í gisti- og veitingaþjónustu. Getty/Lu ShaoJi

Skráð atvinnuleysi var 5,2% í janúar og jókst úr 4,9% í desember. Fjölgaði atvinnulausum að meðaltali um 258 frá desembermánuði. Aukningin er í samræmi við spá Vinnumálastofnunar sem gerði ráð fyrir lítils háttar aukningu milli mánaða.

Atvinnulausir voru alls 10.541 í lok janúar, 6.018 karlar og 4.523 konur. Atvinnulausum körlum fjölgaði um 262 frá desemberlokum og atvinnulausum konum fjölgaði um 118.

Vinnumálastofnun spáir því að atvinnuleysi muni ekki breytast mikið í febrúar og verði á bilinu 5,1% til 5,3%. Þetta kemur fram í janúarskýrslu stofnunarinnar. Atvinnuleysi er áfram mest á Suðurnesjum eða 9,5%.

Alls höfðu 3.579 atvinnuleitendur verið án atvinnu í meira en tólf mánuði í lok janúar og fækkaði um 223 frá desember. Hins vegar voru þeir 4.508 í janúarlok 2021 og hefur því fækkað talsvert á einu ári í öllum aldurshópum nema elsta aldurshópnum 60 ára og eldri.

Alls voru 4.478 erlendir atvinnuleitendur án atvinnu í lok janúar og fjölgaði um 189 frá fyrri mánuði.

Vinnumarkaður

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið