Viðskipti innlent

N1 tilbúið að selja bensínstöðvar til að liðka fyrir kaupunum á Festi

Tryggvi Páll Tryggvason skrifar
Bensínstöð N1 við Ægissíðu er ekki ein af þeim bensínstöðvum sem lagt er til að verði seld.
Bensínstöð N1 við Ægissíðu er ekki ein af þeim bensínstöðvum sem lagt er til að verði seld. Vísir/Vilhelm

N1 er tilbúið til þess að selja þrjár bensínstöðvar félagsins auk vörumerkisins „Dælan“ til nýrra og óháðra aðila á markaði til þess að eyða samkeppnishindrunum sem Samkeppniseftirlitið hefur talið að leitt gætu af samruna N1 og Festar.

Olíufélagið N1 og Festi skrifuðu undir kaupsamning síðastliðið haust vegna kaupa N1 á öllu hlutafé í næst stærsta smásölufélagi landsins sem rekur meðal annars verslanir undir merkjum Krónunnar og Elko.

Samkeppniseftirlitið hefur haft samrunann til rannsóknar undanfarna mánuði en bakslag kom í samrunann eftir að N1 ákvað í apríl að afturkalla tilkynningu til Samkeppniseftirlitsins vegna samrunans, skömmu áður en ákvörðunar Samkeppniseftirlitis var að vænta.

Send var ný tilkynning til Samkeppniseftirlitsins um samrunnan og hefur N1 nú lagt fram tillögur til Samkeppniseftirlitsins sem eins og fyrr segir er ætlað að eyða þeim samkeppnishindrunum sem Samkeppniseftirlitið telur að stafað gætu af samrunanum.

Í frétt á vef Samkeppniseftirlitsins óskar eftirlitið eftir því að fá sjónarmið hagsmunaðaðila á markaði vegna tillagna N1 og eru tillögur N1 einnig birtar á vefnum.

Þar má sjá að N1 leggur til að selja frá sér bensínstöð rekin undir merkjum Dælunnar við Fellsmúla, bensínstöð rekin undir merki N1 við Hæðarsmára 8 og bensínstöð rekin undir merki N1 við Salaveg ásamt öllum réttindum sem N1 ræður yfir varðandi þær lóðir þar sem stöðvarnar eru á og allt það lausafé sem á þeim er og nauðsynlegt er til áframhaldandi rekstrar að frátöldum merkingum þar sem vörumerkið N1 kemur fyrir.

Þá eru einnig lagðar til aðgerðir til að auka aðgengi að heildsölu- og birgðarými eldsneytis og til þess að bregðast við eignatengslum keppinauta á eldsneytismarkaði, svo sem að N1 verði skylt að þeim endurseljendum sem eftir því leita eldsneyti á viðskiptalegum grunni og að rekstur verslunar Kjarvals á Hellu verði seldur, svo dæmi séu tekin.


Tengdar fréttir

Bakslag komið í samruna N1 og Festar

Olíuverslunin N1 ákvað í gær að afturkalla tilkynningu til Samkeppniseftirlitsins vegna samruna við Festi, sem rekur meðal annars Krónuna og Nóatún.

Skrifað undir kaupsamning vegna kaupa N1 á Festi

Olíufélagið N1 og Festi skrifuðu í dag undir kaupsamning vegna kaupa N1 á öllu hlutafé í næst stærsta smásölufélagi landsins sem rekur meðal annars verslanir undir merkjum Krónunnar og Elko. Þá á Festi 18 fasteignir og er heildarstærð þeirra um 71.500 fermetrar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
0,13
5
93.108
VIS
0
3
9.252
ORIGO
0
1
5.125
SJOVA
0
6
57.051
TM
0
1
15.150

Mesta lækkun dagsins


Félag
Br.%
Fjöldi
Velta*
REGINN
-2,06
5
38.300
SIMINN
-1,84
5
90.353
N1
-1,65
6
126.050
REITIR
-1,52
3
54.714
SYN
-1,42
5
94.490
Velkomin á Vísi. Þessi vefur notar vafrakökur. Sjá nánar.