Viðskipti erlent

Facebook hættir við breytingar eftir harða gagnrýni

Stefán Ó. Jónsson skrifar
Tvískipta fréttaflæðið sló ekki í gegn.
Tvískipta fréttaflæðið sló ekki í gegn. Vísir/Getty

Facebook hefur ákveðið að hætta tilraunum með nýja uppsetningu á samfélagsmiðlinum þar sem reynt var að draga úr dreifingu færsla frá fyrirtækjum og fjölmiðlum.

Tilraunin var prufukeyrð í sex löndum; Srí Lanka, Gvatemala, Bólivíu, Kambódíu, Serbíu og Slóvakíu. Notendur í ríkjunum sex eru á einu máli. Breytingarnar voru afleitar og til þess eins fallnar að auka dreifingu falsfrétta, lyga og óhróðurs.

Í bloggfærslu mannsins sem sér um fréttaflæðið á Facebook, „news-feedið“ svokallaða, segir að ákveðið hafi verið að kýla á breytingarnar eftir að notendur tjáðu fyrirtækinu að þá langaði helst að sjá færslur frá vinum og ættingum - ekki ópersónulegum stórfyrirtækjum.

Sjá einnig: Stórvægilegar breytingar á Facebook í vændum

Því var tekin ákvörðum í október síðastliðnum um að hefja tilraunir í fyrrnefndu löndunum sex þar sem fréttaflæðinu var skipt í tvennt. Annars vegar var um hefbundið flæði að ræða, þar sem fólk sá færslur frá vinum sínum, en hið nýja flæði sýndi opnar færslur frá ókunnugum.

Notendur voru æfir, ekki síst fjölmiðlamenn í löndunum sex sem sögðu að breytingarnar hefðu skaðlegri áhrif á fjölmiðlun en sjálfar fölsku fréttirnar sem þó fengu aukna dreifingu í nýja fyrirkomulaginu.

Facebook hefur því ákveðið að hætta með flæðin tvö, ekki síst vegna þess að notendur tjáðu fyrirtækinu að þau hefðu ekki aukið samskipti þeirra við vini og ættingja. Hins vegar ætli samfélagsmiðillinn að halda breytingunum sem gerðar voru á Facebook í janúar síðastliðnum til streitu.

Þær breytingar drógu jafnframt úr dreifingu færsla frá fyrirtækjum og fjölmiðlum - þó ekki jafn harkalega og flæðin tvö sem Íslendingar fá líklega ekki að kynnast í bráð.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,27
17
414.894
HAGA
1,43
4
236.948
SYN
1,32
3
172.368
SJOVA
0,9
6
151.134
EIM
0,72
1
3.616

Mesta lækkun dagsins


Félag
Br.%
Fjöldi
Velta*
ARION
-2,33
12
8.146
EIK
-0,85
2
1.002
GRND
-0,58
1
124
SIMINN
-0,33
3
101.686
LEQ
-0,3
1
999