Viðskipti erlent

Stjörnukokkur í skuldasúpu

Stefán Ó. Jónsson skrifar
Jamie Oliver er heimsþekktur sjónvarpskokkur.
Jamie Oliver er heimsþekktur sjónvarpskokkur.

Tveir af nafntoguðustu veitingastöðum stjörnukokksins Jamie Oliver í Lundúnum hafa verið teknir til gjaldþrotaskipta. Rekstur veitingastaða hans hefur gengið brösulega í Bretlandi síðustu misseri og hefur sjónvarpskokkurinn lokað um helmingi veitingahúsa sinna á einu ári.

Barbecoa-steikhúsið, sem staðsett er við Picadilly og í eigu Oliver, er annað þeirra sem loka mun á næstunni. Aðeins um eitt ár er síðan að það var opnað aftur eftir endurbætur.

Breska ríkisútvarpið heldur því þó fram að Jamie Oliver hafi keypt hitt Barbecoa-veitingahúsið, sem stendur skammt frá St. Pauls og stóð til að loka, um leið og það var tekið til gjaldþrotaskipta. Það á stjörnukokkurinn að hafa gert í gegnum dótturfélag fyrir ótilgreinda upphæð.

Nýjustu fréttirnar af gjaldþrotaskiptum fylgja í kjölfar fregna af lokunum fleiri veitingastaða Jamie Oliver í Bretlandi á síðustu misserum. Í upphafi síðasta árs tilkynnti hann til að mynda að hann ætlaði sér að loka sex veitingastöðum í landinu vegna slæms gengis og óvissu vegna væntanlegrar útgöngu Bretlands úr Evrópusambandinu.

Hann bætti um betur í upphafi þessa árs og tilkynnti lokun 12 veitingastaða til viðbótar. Áður hafði hann rekið 37 matsölustaði í Bretlandi. Talið er að rúmlega 200 manns muni missa vinnuna vegna þessa.

Hann opnaði þrátt fyrir það útibú á Íslandi á síðasta ári.

Rekstur veitingastaða Jamie Oliver í Bretlandi er stórskuldugur en talið að móðurfélagið skuldi margvíslegum lánadrottnum rúmlega 71 milljón punda, næstum 10 milljarðar íslenskra króna.


Tengdar fréttir

Jamie Oliver vill halda því upprunalega á Hótel Borg

Við framkvæmdir á Jamie's Italian veitingastaðnum á Hótel Borg fundust gömul málverk sem máluð voru beint á steypuna. Eigendur vilja vernda verkið sem er mjög skemmt og tekur kokkurinn í sama streng.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
1,05
12
288.871
HEIMA
0,89
2
3.501
SYN
0,63
2
71.280
VIS
0,54
1
6.587
SIMINN
0,37
6
253.143

Mesta lækkun dagsins


Félag
Br.%
Fjöldi
Velta*
GRND
-0,62
4
68.377
EIK
-0,25
2
512
HAGA
-0,22
5
74.697
SKEL
-0,14
7
269.324
REITIR
0
2
59.947
Velkomin á Vísi. Þessi vefur notar vafrakökur. Sjá nánar.