Viðskipti innlent

Kristrún nýr aðalhagfræðingur Kviku

Daníel Freyr Birkisson skrifar
Kristrún Frostadóttir, nýr aðalhagfræðingur Kviku.
Kristrún Frostadóttir, nýr aðalhagfræðingur Kviku. kvika

Kristrún Mjöll Frostadóttir hefur verið ráðin aðalhagfræðingur Kviku banka og mun hún hefja störf um miðjan janúar næstkomandi. Þetta kemur fram í tilkynningu frá Kviku.

Um er að ræða nýtt starf sem miðar að því að efla efnahagsgreiningu innan Kviku og styrkja þjónustu við viðskiptavini. Aðalhagfræðingur mun jafnframt vera talsmaður bankans vegna mála sem snúa að fjármálamarkaði og efnahagsmálum.

Síðastliðið ár hefur Kristrún starfað sem hagfræðingur Viðskiptaráðs Íslands og tekið þátt í að móta málefnastarf ráðsins, en þangað kom hún frá bandaríska fjárfestingarbankanum Morgan Stanley. Þar vann hún sem sérfræðingur í greiningardeild, fyrst í New York og síðan í London. Sérsvið Kristrúnar í London sneri að greiningu á evrópskum netverslunarfyrirtækjum. Í New York sinnti hún greiningarvinnu í tengslum við bandarísk eignastýringar- og orkufyrirtæki.

Þá hefur Kristrún starfað meðal annars sem hagfræðingur í greiningardeild Arion banka og sem blaðamaður á Viðskiptablaðinu. Hún gegnir formennsku í verðlagsnefnd búvara hjá atvinnuvega- og nýsköpunarráðuneytinu, og hefur áður starfað sem hagfræðingur í starfshóp á vegum forsætisráðuneytisins.

Kristrún er með meistaragráðu í alþjóðafræðum frá Yale-háskóla í Bandaríkjunum, með áherslu á hagstjórn og alþjóðafjármál, og meistaragráðu í hagfræði frá Boston-háskóla. Þá er hún með BS-próf í hagfræði frá Háskóla Íslands.

Greint var frá því fyrr í dag
að Konráð S. Guðjónsson hefði verið ráðinn til Viðskiptaráðs Íslands en hann tekur við starfinu af Kristrúnu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
8,75
17
497.472
N1
1,6
7
291.725
VIS
1,35
6
68.985
REGINN
0,96
3
31.450
MARL
0,94
3
67.165

Mesta lækkun dagsins


Félag
Br.%
Fjöldi
Velta*
HAGA
-0,65
3
62.548
ICEAIR
0
3
29.333
Velkomin á Vísi. Þessi vefur notar vafrakökur. Sjá nánar.