Las þetta eins og skáldsögu og hafði gaman af Magnús Guðmundsson skrifar 23. nóvember 2017 11:30 Rúna K. Tetzschner frá Sögufélaginu segir Höfundakvöldið tilvalið til að kynnast starfseminni. Visir/Anton Brink Sögufélagið er með elstu og merkustu félögum landsins en á meðal þess sem þar er fengist við er umfangsmikil útgáfa. Rúna K. Tetzschner er starfsmaður félagsins sem var stofnað árið 1902 en í kvöld heldur hún utan um höfundakvöld félagsins í Gunnarshúsi. „Sögufélagið hefur það að markmiði að gefa út vönduð sagnfræðileg rit og heimildarit og hefur staðið fyrir alls konar stórvirkjum í þeim efnum í gegnum tíðina frá því að það var stofnað fyrir hundrað og fimmtán árum. Má til að mynda nefna að það var Sögufélagið sem gaf út Jarðabók Árna Magnússonar og Páls Vídalíns í þrettán bindum sem er nú ekkert smá verkefni fyrir svona félag sem er að miklu leyti rekið með sjálfboðaliðastarfi því stjórnarmeðlimir eru alltaf að gefa vinnuna sína.“ En eru þetta mest fræðimenn sem eru að bera starf félagsins uppi? „Já, þetta eru mest sagnfræðingar en einnig aðrir sem eru í menningar- og minjarannsóknum. Við höfum þó alltaf fundið fyrir miklum áhuga frá almenningi á starfsemi félagsins. Félagsmenn Sögufélagsins eru því ekkert síður áhugamenn um sagnfræði auk fræðimanna, þannig að félagið samanstendur af alls konar fólki víða að af landinu. Þessi breiði grunnur er mikill styrkur fyrir félagið og við erum t.d. nýbúin að senda út tímaritið Sögu sem kemur út tvisvar á ári og hefur komið út síðan 1950. Það eru um sjö hundruð félagsmenn sem eru skráðir og þeir eru á ýmsum aldri og úr ýmsum geirum. Þarna er líka ungt fólk, það eru mikið til nemendur, en við viljum líka gjarnan fá fleiri unga félagsmenn og erum að vinna í að veiða þau inn.“ Rúna segir að Höfundakvöld félagsins sem verður haldið í kvöld sé einmitt tilvalinn vettvangur fyrir alla til þess að koma og kynna sér hvað þetta snýst allt saman um. „Þarna verðum við með bæði nýju bækurnar okkar, tímaritin og þær bækur sem eru fáanlegar enn þá. Höfundar nýju bókanna verða á staðnum og það fer fram umræða þar sem þau eru spurð spjörunum úr um sín verk. Við erum með þrjár bækur núna fyrir jólin og fyrst skal nefna bók eftir Steinunni Kristjánsdóttur sem kallast Leitin að klaustrunum: Klausturhald á Íslandi í fimm aldir. Svo er það bókin Svo veistu að þú varst ekki hér: Hinsegin sagnfræði og hinsegin saga á Íslandi, en þar er á ferðinni greinasafn með sex höfundum í ritstjórn þeirra Írisar Ellenberger og Ástu Kristínar Benediktsdóttur. Síðan er það bók Vilhelms Vilhelmssonar um bók hans Sjálfstætt fólk: Vistarband og íslenskt samfélag á 19. öld. Allt eru þetta ólíkar bækur sem fjalla um mjög ólíka tíma í sögunni og við viljum gjarnan hafa svona breiða skírskotun og leitast við að spanna Íslandssöguna hverju sinni af fremsta mætti.“ Rúna bendir á að félagið leitist ætíð við að hafa rit sín aðgengileg fyrir alla áhugsama um efnið hverju sinni. „Ég til að mynda gaf móður minni, sem er venjulegur leikskólakennari, eina af bókunum okkar frá fyrri árum og hún las hana eins og þetta væri skáldsaga og hafði mjög gaman af. Þessi rit eru skrifuð á mannamáli og eru alla jafna bráðskemmtileg aflestrar og fyrir þá sem vilja kynna sér þetta nánar þá er tilvalið að koma í Gunnarshús í kvöld klukkan átta. Það verður skemmtileg dagskrá og líka að sjálfsögðu hlé með léttum veitingum og glimrandi stemningu.“Greinin birtist fyrst í Fréttablaðinu 23. nóvember. Menning Mest lesið „Restin í hárið“ reglan gildir í Flonkyball Lífið samstarf Trúlofuðust á gjörgæslunni eftir bílslys á Íslandi Lífið Ellý snýr aftur vegna fjölda áskorana Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið Nefnd í höfuðið á tveimur mikilvægum konum í lífi þeirra Lífið María Sigrún leikur í einni dýrustu mynd allra tíma Bíó og sjónvarp Aron passaði varla inn í bílinn Lífið Fágæt og falleg eign við Flókagötu Lífið Sophia Bush kemur út úr skápnum Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira
Sögufélagið er með elstu og merkustu félögum landsins en á meðal þess sem þar er fengist við er umfangsmikil útgáfa. Rúna K. Tetzschner er starfsmaður félagsins sem var stofnað árið 1902 en í kvöld heldur hún utan um höfundakvöld félagsins í Gunnarshúsi. „Sögufélagið hefur það að markmiði að gefa út vönduð sagnfræðileg rit og heimildarit og hefur staðið fyrir alls konar stórvirkjum í þeim efnum í gegnum tíðina frá því að það var stofnað fyrir hundrað og fimmtán árum. Má til að mynda nefna að það var Sögufélagið sem gaf út Jarðabók Árna Magnússonar og Páls Vídalíns í þrettán bindum sem er nú ekkert smá verkefni fyrir svona félag sem er að miklu leyti rekið með sjálfboðaliðastarfi því stjórnarmeðlimir eru alltaf að gefa vinnuna sína.“ En eru þetta mest fræðimenn sem eru að bera starf félagsins uppi? „Já, þetta eru mest sagnfræðingar en einnig aðrir sem eru í menningar- og minjarannsóknum. Við höfum þó alltaf fundið fyrir miklum áhuga frá almenningi á starfsemi félagsins. Félagsmenn Sögufélagsins eru því ekkert síður áhugamenn um sagnfræði auk fræðimanna, þannig að félagið samanstendur af alls konar fólki víða að af landinu. Þessi breiði grunnur er mikill styrkur fyrir félagið og við erum t.d. nýbúin að senda út tímaritið Sögu sem kemur út tvisvar á ári og hefur komið út síðan 1950. Það eru um sjö hundruð félagsmenn sem eru skráðir og þeir eru á ýmsum aldri og úr ýmsum geirum. Þarna er líka ungt fólk, það eru mikið til nemendur, en við viljum líka gjarnan fá fleiri unga félagsmenn og erum að vinna í að veiða þau inn.“ Rúna segir að Höfundakvöld félagsins sem verður haldið í kvöld sé einmitt tilvalinn vettvangur fyrir alla til þess að koma og kynna sér hvað þetta snýst allt saman um. „Þarna verðum við með bæði nýju bækurnar okkar, tímaritin og þær bækur sem eru fáanlegar enn þá. Höfundar nýju bókanna verða á staðnum og það fer fram umræða þar sem þau eru spurð spjörunum úr um sín verk. Við erum með þrjár bækur núna fyrir jólin og fyrst skal nefna bók eftir Steinunni Kristjánsdóttur sem kallast Leitin að klaustrunum: Klausturhald á Íslandi í fimm aldir. Svo er það bókin Svo veistu að þú varst ekki hér: Hinsegin sagnfræði og hinsegin saga á Íslandi, en þar er á ferðinni greinasafn með sex höfundum í ritstjórn þeirra Írisar Ellenberger og Ástu Kristínar Benediktsdóttur. Síðan er það bók Vilhelms Vilhelmssonar um bók hans Sjálfstætt fólk: Vistarband og íslenskt samfélag á 19. öld. Allt eru þetta ólíkar bækur sem fjalla um mjög ólíka tíma í sögunni og við viljum gjarnan hafa svona breiða skírskotun og leitast við að spanna Íslandssöguna hverju sinni af fremsta mætti.“ Rúna bendir á að félagið leitist ætíð við að hafa rit sín aðgengileg fyrir alla áhugsama um efnið hverju sinni. „Ég til að mynda gaf móður minni, sem er venjulegur leikskólakennari, eina af bókunum okkar frá fyrri árum og hún las hana eins og þetta væri skáldsaga og hafði mjög gaman af. Þessi rit eru skrifuð á mannamáli og eru alla jafna bráðskemmtileg aflestrar og fyrir þá sem vilja kynna sér þetta nánar þá er tilvalið að koma í Gunnarshús í kvöld klukkan átta. Það verður skemmtileg dagskrá og líka að sjálfsögðu hlé með léttum veitingum og glimrandi stemningu.“Greinin birtist fyrst í Fréttablaðinu 23. nóvember.
Menning Mest lesið „Restin í hárið“ reglan gildir í Flonkyball Lífið samstarf Trúlofuðust á gjörgæslunni eftir bílslys á Íslandi Lífið Ellý snýr aftur vegna fjölda áskorana Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið Nefnd í höfuðið á tveimur mikilvægum konum í lífi þeirra Lífið María Sigrún leikur í einni dýrustu mynd allra tíma Bíó og sjónvarp Aron passaði varla inn í bílinn Lífið Fágæt og falleg eign við Flókagötu Lífið Sophia Bush kemur út úr skápnum Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira