Stjórnvöld verði að halda vel á spilunum eftir afnám hafta Sunna Karen Sigurþórsdóttir skrifar 13. mars 2017 12:51 Almenn jákvæðni ríkir gagnvart fyrirhuguðu afnámi gjaldeyrishafta hjá þeim sérfræðingum sem fréttastofa hefur rætt við í dag. Hins vegar verði stjórnvöld að halda vel á spilunum og sýna aga í ríkisfjármálunum. Bjarni Benediktsson forsætisráðherra og Benedikt Jóhannesson fjármálaráðherra tilkynntu á blaðamannafundi í ráðherrabústaðnum í gær að fjármagnshöft verði afnumin á morgun. Gengi krónunnar tók að sveiflast talsvert strax við opnun markaða í morgun Sveiflurnar eru sagðar viðbúnar og innan eðlilegra marka. Þá er talið ólíklegt að ákvörðunin muni hafa áhrif á ákvörðun peningastefnunefndar. Gengi krónunnar lækkaði um tæplega fjögur prósent í morgun og úrvalsvísitala Kauphallarinnar lækkaði sömuleiðis en tók við sér þegar nær dró hádegi.Krónan veiktist gagnvart helstu gjaldmiðlum í morgun og hlutabréf í útflutningsfyrirtækjum hækkuðu. Páll Harðarson segist litlar áhyggjur hafa.Gengi í bréfum útflutningsfyrirtækja hækka Páll Harðarson, forstjóri Kauphallarinnar, segir lækkunina ekki koma á óvart og að Kauphallarfólk sé jákvætt gagnvart afnámi gjaldeyrishafta. „Horfurnar eru almennt góðar og þetta er jákvætt skref. Markaðurinn hefur tekið þessu ágætlega, en reyndar lækkaði úrvalsvísitalan í fyrstu viðskiptum í morgun en tóku síðan við sér á nýjan leik. Við sjáum það meðal annars að útflutningsfyrirtækin eru aðeins að hækka – kannski eðlilega í ljósi þess að krónan hefur veikst,” segir Páll. Aðspurður segir Páll að við því hafi verið að búast að krónan myndi lækka við fregnirnar, en segist þó litlar áhyggjur hafa af þróuninni. „Það má segja að þetta sé kannski eitthvað sem stjórnvöld voru að vonast eftir og leggja upp með. Markaðurinn er kannski að einhverju leyti að lesa þannig í spilin. Það eru enn hömlur á innflæði, til dæmis inn á íslensk skuldabréf. Þannig að ég held að það sé ekki áhyggjuefni og nokkurn veginn í takt við það sem men hafa lagt upp með,” segir hann. „Þetta eru svona hóflegar hreyfingar og við lítum þetta mjög jákvæðum augum í Kauphöllinni.”Eftirleikurinn á ábyrgð stjórnvalda Gylfi Arnbjörnsson, forseti Alþýðusambandsins, segir ákvörðunina mikið fagnaðarefni, þó síðasti áfanginn í afnámi hafta hafi ekki beinlínis bein áhrif á stöðu launafólks í landinu. „Ég held að þessi tíðindi séu í sjálfu sér mjög góð. Þau breyta kannski ekki mög miklu um stöðu okkar einstaklinga. Almenningur er ekki að færa það stórar fjárhæðir á milli landa að þetta breyti miklu. En aðstæður í okkar efnahagslífi eru þannig að mikill gjaldeyrisforði Seðlabankans gerir það að verkum að þetta ætti ekki að ógna stöðu krónunnar í bráð,” segir Gylfi. Hann segir ljóst að staðan kalli á mikill aga í ríkisfjármálum og efnahagsstjórn. „Eftirleikurinn er í höndum stjórnvalda. Svigrúm Seðlabankans til þess að lækka þá vexti á grundvelli þessara ákvarðana hlýtur að ráðast dálítið af því með hvaða hætti stjórnvöld ætla að axla ábyrgð í hagstjórninni. Það er alveg rétt að þetta kallar síðan á vinnumarkaðinn og með hvaða hætti við högum þáttum þar. En í augnablikinu er þetta svolítið í höndum stjórnvalda.” Undanfarnar vikur hefur krónan verið í miklum styrkingarham þrátt fyrir að Seðlabankinn hafi keypt gjaldeyri fyrir að meðaltali þrjá milljarða á dag. Forðinn er nú rúmlega 800 milljarðar k´rona og er að stærstum hluta óskuldsettur forði. „Okkar gjaldeyrisforði er af þeirri stærðargráðu að þetta ætti ekki að vera áhyggjuefni. En gleymum því ekki að krónan hefur styrkst mjög mikið á síðastliðnu ári og alveg tilefni til þess ða hafa áhyggjur af því gagnvart atvinnuþróun og stöðu atvinnulífsins. Það er ekkert got fyrir okkur sem heimili að byggja okkar kaupmátt upp á röngum forsendum hvað þetta varðar. Við þurfum að líka að tryggja okkar hagsmuni að hafa starf og atvinnu,” segir Gylfi.Möguleg styrking ef markaðsöflin fá að ráða Daníel Svavarsson, forstöðumaður greiningardeildar Hagfræðideildar Landsbankans, sagði í samtali við Vísi í dag að í ljósi breytinga á erlendri skuldastöðu þjóðarbúsins, jákvæðum horfum um áframhaldandi afgang af viðskiptajöfnuði og gríðarlegum gjaldeyriskaupum Seðlabankans undanfarin tvö ár megi heita ólíklegt að krónan hafi náð sínu nýja jafnvægisgildi. Því eigi hún inni talsverða styrkingu ef markaðsöflunum verður leyft að virka.„Ég tel að tíðindi dagsins ættu í grundvallaratriðum að hafa góð áhrif á innlenda markaði þegar fram í sækir. Ómögulegt er hins vegar að segja til um skammtímasveiflur á mörkuðum, einkum gjaldeyrismarkaði. Það að íslenskir lífeyrissjóðir hafa ekki fullnýtt sér þær heimildir sem þeir hafa nú þegar til að auka fjárfestingar sínar erlendis bendir til þess að ólíklegt sé að vænta megi stórfellds útflæðis frá þeim á skömmum tíma í kjölfar afnáms haftanna," segir Daníel. „Að sama skapi hafa einstaklingar og fyrirtæki haft nokkuð rúmar heimildir til að fjárfesta erlendis frá áramótum sem virðist ekki hafa haft verulegt útflæði í för með sér. Þvert á móti hefur verið verulegt nettó innstreymi fjármagns frá áramótum og krónan hefur styrkst allnokkuð þrátt fyrir umfangsmikil gjaldeyriskaup Seðlabankans." Nýjar reglur Seðlabankans taka gildi á morgun en eftir gildistöku þeirra verða varúðarreglur vegna vaxtamunarviðskipta og takmarkanir vegna afleiðuviðskipta með íslenskar krónur einu eftirstandandi höftin. Tengdar fréttir Jóhannes útskýrari ókátur á kantinum Jóhannes Þór Skúlason gagnrýnir samkomulag við aflandskrónueigendur harðlega. 13. mars 2017 10:37 Afnám hafta gefur lífeyrissjóðunum frjálsar hendur Framkvæmdastjórar lífeyrissjóða fagna afnámi hafta en efast um að sjóðirnir rjúki til. 13. mars 2017 06:00 Sérfræðingar segja gengissveiflur ólíklegar eftir afnám hafta Gjaldeyrishöftin verða á bak og brott á morgun. 13. mars 2017 06:00 Snjóhengjan að bráðna Sérfræðingur Landsbankans sér ýmis jákvæð teikn samfara afnámi fjármagnshafta. 13. mars 2017 12:26 Mest lesið Ballið búið fyrir fullt og allt á B5 Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Krónísk óstundvísi: Skýringar og góð ráð Atvinnulíf Þarf að greiða kortareikninginn og meira til í málskostnað Neytendur Tekjur Apple drógust saman enn eina ferðina Viðskipti erlent Eyða 42 milljörðum í hrekkjavökubúninga á gæludýrin sín Viðskipti erlent Matvöruverslun og íbúðir steinsnar frá Keflavíkurflugvelli Viðskipti innlent Yfir milljón farþegar fyrstu fjóra mánuði ársins Viðskipti innlent Fleiri fréttir Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Sjá meira
Almenn jákvæðni ríkir gagnvart fyrirhuguðu afnámi gjaldeyrishafta hjá þeim sérfræðingum sem fréttastofa hefur rætt við í dag. Hins vegar verði stjórnvöld að halda vel á spilunum og sýna aga í ríkisfjármálunum. Bjarni Benediktsson forsætisráðherra og Benedikt Jóhannesson fjármálaráðherra tilkynntu á blaðamannafundi í ráðherrabústaðnum í gær að fjármagnshöft verði afnumin á morgun. Gengi krónunnar tók að sveiflast talsvert strax við opnun markaða í morgun Sveiflurnar eru sagðar viðbúnar og innan eðlilegra marka. Þá er talið ólíklegt að ákvörðunin muni hafa áhrif á ákvörðun peningastefnunefndar. Gengi krónunnar lækkaði um tæplega fjögur prósent í morgun og úrvalsvísitala Kauphallarinnar lækkaði sömuleiðis en tók við sér þegar nær dró hádegi.Krónan veiktist gagnvart helstu gjaldmiðlum í morgun og hlutabréf í útflutningsfyrirtækjum hækkuðu. Páll Harðarson segist litlar áhyggjur hafa.Gengi í bréfum útflutningsfyrirtækja hækka Páll Harðarson, forstjóri Kauphallarinnar, segir lækkunina ekki koma á óvart og að Kauphallarfólk sé jákvætt gagnvart afnámi gjaldeyrishafta. „Horfurnar eru almennt góðar og þetta er jákvætt skref. Markaðurinn hefur tekið þessu ágætlega, en reyndar lækkaði úrvalsvísitalan í fyrstu viðskiptum í morgun en tóku síðan við sér á nýjan leik. Við sjáum það meðal annars að útflutningsfyrirtækin eru aðeins að hækka – kannski eðlilega í ljósi þess að krónan hefur veikst,” segir Páll. Aðspurður segir Páll að við því hafi verið að búast að krónan myndi lækka við fregnirnar, en segist þó litlar áhyggjur hafa af þróuninni. „Það má segja að þetta sé kannski eitthvað sem stjórnvöld voru að vonast eftir og leggja upp með. Markaðurinn er kannski að einhverju leyti að lesa þannig í spilin. Það eru enn hömlur á innflæði, til dæmis inn á íslensk skuldabréf. Þannig að ég held að það sé ekki áhyggjuefni og nokkurn veginn í takt við það sem men hafa lagt upp með,” segir hann. „Þetta eru svona hóflegar hreyfingar og við lítum þetta mjög jákvæðum augum í Kauphöllinni.”Eftirleikurinn á ábyrgð stjórnvalda Gylfi Arnbjörnsson, forseti Alþýðusambandsins, segir ákvörðunina mikið fagnaðarefni, þó síðasti áfanginn í afnámi hafta hafi ekki beinlínis bein áhrif á stöðu launafólks í landinu. „Ég held að þessi tíðindi séu í sjálfu sér mjög góð. Þau breyta kannski ekki mög miklu um stöðu okkar einstaklinga. Almenningur er ekki að færa það stórar fjárhæðir á milli landa að þetta breyti miklu. En aðstæður í okkar efnahagslífi eru þannig að mikill gjaldeyrisforði Seðlabankans gerir það að verkum að þetta ætti ekki að ógna stöðu krónunnar í bráð,” segir Gylfi. Hann segir ljóst að staðan kalli á mikill aga í ríkisfjármálum og efnahagsstjórn. „Eftirleikurinn er í höndum stjórnvalda. Svigrúm Seðlabankans til þess að lækka þá vexti á grundvelli þessara ákvarðana hlýtur að ráðast dálítið af því með hvaða hætti stjórnvöld ætla að axla ábyrgð í hagstjórninni. Það er alveg rétt að þetta kallar síðan á vinnumarkaðinn og með hvaða hætti við högum þáttum þar. En í augnablikinu er þetta svolítið í höndum stjórnvalda.” Undanfarnar vikur hefur krónan verið í miklum styrkingarham þrátt fyrir að Seðlabankinn hafi keypt gjaldeyri fyrir að meðaltali þrjá milljarða á dag. Forðinn er nú rúmlega 800 milljarðar k´rona og er að stærstum hluta óskuldsettur forði. „Okkar gjaldeyrisforði er af þeirri stærðargráðu að þetta ætti ekki að vera áhyggjuefni. En gleymum því ekki að krónan hefur styrkst mjög mikið á síðastliðnu ári og alveg tilefni til þess ða hafa áhyggjur af því gagnvart atvinnuþróun og stöðu atvinnulífsins. Það er ekkert got fyrir okkur sem heimili að byggja okkar kaupmátt upp á röngum forsendum hvað þetta varðar. Við þurfum að líka að tryggja okkar hagsmuni að hafa starf og atvinnu,” segir Gylfi.Möguleg styrking ef markaðsöflin fá að ráða Daníel Svavarsson, forstöðumaður greiningardeildar Hagfræðideildar Landsbankans, sagði í samtali við Vísi í dag að í ljósi breytinga á erlendri skuldastöðu þjóðarbúsins, jákvæðum horfum um áframhaldandi afgang af viðskiptajöfnuði og gríðarlegum gjaldeyriskaupum Seðlabankans undanfarin tvö ár megi heita ólíklegt að krónan hafi náð sínu nýja jafnvægisgildi. Því eigi hún inni talsverða styrkingu ef markaðsöflunum verður leyft að virka.„Ég tel að tíðindi dagsins ættu í grundvallaratriðum að hafa góð áhrif á innlenda markaði þegar fram í sækir. Ómögulegt er hins vegar að segja til um skammtímasveiflur á mörkuðum, einkum gjaldeyrismarkaði. Það að íslenskir lífeyrissjóðir hafa ekki fullnýtt sér þær heimildir sem þeir hafa nú þegar til að auka fjárfestingar sínar erlendis bendir til þess að ólíklegt sé að vænta megi stórfellds útflæðis frá þeim á skömmum tíma í kjölfar afnáms haftanna," segir Daníel. „Að sama skapi hafa einstaklingar og fyrirtæki haft nokkuð rúmar heimildir til að fjárfesta erlendis frá áramótum sem virðist ekki hafa haft verulegt útflæði í för með sér. Þvert á móti hefur verið verulegt nettó innstreymi fjármagns frá áramótum og krónan hefur styrkst allnokkuð þrátt fyrir umfangsmikil gjaldeyriskaup Seðlabankans." Nýjar reglur Seðlabankans taka gildi á morgun en eftir gildistöku þeirra verða varúðarreglur vegna vaxtamunarviðskipta og takmarkanir vegna afleiðuviðskipta með íslenskar krónur einu eftirstandandi höftin.
Tengdar fréttir Jóhannes útskýrari ókátur á kantinum Jóhannes Þór Skúlason gagnrýnir samkomulag við aflandskrónueigendur harðlega. 13. mars 2017 10:37 Afnám hafta gefur lífeyrissjóðunum frjálsar hendur Framkvæmdastjórar lífeyrissjóða fagna afnámi hafta en efast um að sjóðirnir rjúki til. 13. mars 2017 06:00 Sérfræðingar segja gengissveiflur ólíklegar eftir afnám hafta Gjaldeyrishöftin verða á bak og brott á morgun. 13. mars 2017 06:00 Snjóhengjan að bráðna Sérfræðingur Landsbankans sér ýmis jákvæð teikn samfara afnámi fjármagnshafta. 13. mars 2017 12:26 Mest lesið Ballið búið fyrir fullt og allt á B5 Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Krónísk óstundvísi: Skýringar og góð ráð Atvinnulíf Þarf að greiða kortareikninginn og meira til í málskostnað Neytendur Tekjur Apple drógust saman enn eina ferðina Viðskipti erlent Eyða 42 milljörðum í hrekkjavökubúninga á gæludýrin sín Viðskipti erlent Matvöruverslun og íbúðir steinsnar frá Keflavíkurflugvelli Viðskipti innlent Yfir milljón farþegar fyrstu fjóra mánuði ársins Viðskipti innlent Fleiri fréttir Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Sjá meira
Jóhannes útskýrari ókátur á kantinum Jóhannes Þór Skúlason gagnrýnir samkomulag við aflandskrónueigendur harðlega. 13. mars 2017 10:37
Afnám hafta gefur lífeyrissjóðunum frjálsar hendur Framkvæmdastjórar lífeyrissjóða fagna afnámi hafta en efast um að sjóðirnir rjúki til. 13. mars 2017 06:00
Sérfræðingar segja gengissveiflur ólíklegar eftir afnám hafta Gjaldeyrishöftin verða á bak og brott á morgun. 13. mars 2017 06:00
Snjóhengjan að bráðna Sérfræðingur Landsbankans sér ýmis jákvæð teikn samfara afnámi fjármagnshafta. 13. mars 2017 12:26