Stjórn Chelsea á neyðarfundi vegna Mourinho

Samkvæmt frétt BBC og fleiri enskra fjölmiðla hefur Roman Abramovich, eigandi félagsins, og stjórn þess fundað á síðastliðnum sólarhring um framtíð Jose Mourinho, knattspyrnustjóra félagsins.

Chelsea er ríkjandi Englandsmeistari en hefur tapað níu af fyrstu sextán leikjum sínum í haust. Liðið er aðeins einu stigi frá fallsæti eftir tap gegn Leicester um helgina.

Sjá einnig: Staða Mourinho óbreytt

Það er ekki áætlað að funda í dag en umræðan um stöðu Mourinho mun hafa verið hluti af almennri umræðu stjórnarinnar um gengi liðsins í gær. Chelsea mætir Sunderland á Stamford Bridge um helgina en enn er óljóst hvort að Mourinho verður við stjórnvölinn þá.