Innlent

Barnsmóðir Stefáns Loga var hrædd um barnið: „Hann hótaði líka að drepa hana“

Fanney Birna Jónsdóttir og Haukur Viðar Alfreðsson skrifar
Stefán Logi Sívarsson við þingfestingu málsins.
Stefán Logi Sívarsson við þingfestingu málsins. mynd/gva
Aðalmeðferð heldur áfram í dag í Stokkseyrarmálinu svokallaða. Fyrst var fjallað um ákæru á hendur Stefáni Loga Sívarssyni fyrir líkamsárás gegn fyrrverandi kærustu sinni og barnsmóður í október 2012 og gaf hún skýrslu í Héraðsdómi Reykjavíkur í morgun. Hún segir Stefán Loga meðal annars hótað því að drepa dóttur sína.

Stefáni Loga var gert að víkja úr dómsal á meðan hún gaf skýrsluna, og augljóst var að skýrslugjöfin tók mikið á konuna. Hún segir Stefán Loga hafa byrjað á því að taka sig kverkataki.

„Hann tók belti og setti um hálsinn á mér og dró mig inn í herbergi til dóttur minnar,“ segir konan, sem hélt á tímabili að hún væri að deyja.

„Hann hélt áfram að kyrkja mig með bandinu þangað til hann leyfði mér að anda í smátíma. Ég hélt ég væri að deyja. Svo hélt hann áfram og ég náði að grátbiðja hann að fara en hann fór ekki.“ Aðspurð sagði konan að sér hefði liðið eins og hún væri að kafna eða missa meðvitund.

Hún segir að hann hafi endurtekið leikinn inni í stofu íbúðarinnar og heimtað að hún stundaði kynlíf með sér. Hún hafi haldið áfram að biðja hann að fara þar sem dóttirin svaf í næsta herbergi, og að á endanum hafi hann farið. Hálftíma síðar hafi hann komið aftur.

„Ég gat ekkert farið af því dóttir mín var þarna. Hann bað mig bara afsökunar.“ Hún segir Stefán Loga hafa reiðst vegna „einhvers manns sem hún talaði við“ og að hann hafi verið „ofboðslega afbrýðisamur“.

Aðalmeðferð í Stokkseyrarmálinu hófst í gær.mynd/gva
Vildi ekki valda fjölskyldunni áhyggjum

Konan segir að daginn eftir hafi hún vaknað „rosalega rauð í augunum“.

„Ég skildi ekki af hverju ég var svona rauð í kringum augun. Tveimur dögum seinna er ég að skoða augun á mér og þá sé ég að það sést blóð inni í augunum, inni í hvítunni. Svo byrjaði ég að skyrpa blóði, blóðslími, og það var eins og nefgöngin væru stífluð. Ég fór því til læknis.“

Konan segist hafa verið mjög hrædd við Stefán Loga og hrædd um barnið sitt. „Hann hótaði líka að drepa hana.“

Að sögn konunnar hefur mikið gengið á í samskiptum hennar og Stefáni Loga eftir árásina. „Eftir þessa árás lét hann mig ekki í friði. Í desember lét ég mig hverfa eiginlega, skipti um númer og ætlaði að reyna að halda áfram.“

Verjandi Stefáns Loga spurði konuna hvenær hún hefði leitað til læknis og svaraði hún því að það hefði hún gert tveimur dögum eftir árásina. Hún segist hafa látið tvær vinkonur sínar vita af því sem gerðist en segist ekki hafa kært. Aðspurð segist hún hafa upplýst lögreglu um málið í sumar. Þá hafi hún ekki sagt fjölskyldu sinni frá árásinni þar sem hún hafi ekki viljað valda áhyggjum.

„Þú sagðir að hann ætlaði að drepa þig, hvað sagði hann?,“ spurði verjandinn. „Ég ætla að drepa þig,“ svaraði konan. „Sagði hann jafnframt að hann ætlaði að drepa dóttur ykkar?,“ spurði verjandinn. „Já, „ég ætla að drepa þig,“ og svo ætlaði hann að drepa hana.“

Fjórir af fimm ákærðu í Stokkseyrarmálinu við þingfestingu.mynd/gva
Þungt yfir öllum

Konan segist ekki hafa haft samskipti við Stefán Loga undanfarið. Vinir hans hafi þó reynt að hafa samband á Facebook. Hann hafi síðast haft samband í lok júlí eftir að hún kom heim frá útlöndum og „reynt að útskýra eitthvað“.

Verjandi sagði við konuna að Stefán Logi hefði sagt að sambandi hans við konuna hefði lokið í byrjun þessa árs þegar hann var sakfelldur fyrir nauðgun í héraðsdómi. „Nei þá vorum við hætt saman, í desember 2012,“ svaraði konan.

„Hættuð þið saman í tengslum við þennan dóm?,“ spurði verjandinn. „Nei hann datt í það í desember. Þetta var ekki í tengslum við þennan dóm. Ég frétti af þessum dómi bara einhvern tímann í janúar.“

Konan segist ekki hafa lagt fram kæru vegna þess að henni fyndist sem ekki væri tekið mark á sér. „Ég var búin að tala oft við hana (lögregluna) út af ofbeldi. Ég var búin að reyna að leggja fram kæru. Svo man ég bara eftir því þegar ég mætti sjálf upp á lögreglustöð eftir að hann hafði ráðist á mig og ætlaði að bíta af mér nefið. Þá tók lögreglan því óskaplega rólega og fannst ég líta út eins og geðsjúklingur.“

Hún segir atburðina hafa tekið mjög á fjölskylduna. „Það er þungt yfir þeim öllum. Ég veit að yngsta systir mín er hrædd. Hún er fædd 2000 og skilur þetta ekki. Dóttir mín er óörugg og finnst ekki gott að sofa heima hjá sér. Það eru allir bara pínu stressaðir. Til dæmis ef maður kemur seint heim, að athuga hvar ég er. Eins þegar ég er heima hjá mér. Ég vakna upp á nóttunni. Ef það skellur hurð þá er ég hrædd um að það sé búið að brjótast inn, eða að vinir hans séu komnir.“

Stokkseyrarmálið

Tengdar fréttir

Enn einn í varðhald vegna grófra árása

Sjö manns hafa sætt gæsluvarðhaldi vegna rannsóknar á nokkrum hrottafengnum líkamsárásarmálum. Tveimur þeirra hefur verið sleppt. Ekki útilokað að fleiri verði handteknir. Eldfimum vökva var skvett á eitt fórnarlambið og eldur borinn að.

Íbúar á Stokkseyri skelkaðir

Íbúar á Stokkseyri eru skelkaðir eftir að manni var haldið nauðugum í húsi bænum þar sem hann var pyntaður af ofbeldismönnum í sólarhring. "Sárgrætilegt og hræðilegur atburður", segir eigandi Shell skálans, þar sem maðurinn kom illa særður inn.

Gríðarleg leit vegna meints ofbeldishrotta - fjölskyldufólk stöðvað

Tveir menn voru handteknir við Laugarvatn í gærkvöldi eftir viðamiklar aðgerðir lögreglu. Málið tengist hrottalegri líkamsárás. Sjónarvottur við Laugarvatn var á leiðinni heim með fjölskyldu úr sumarfríi þegar við þeim blasti þyrla og lögregluleit.

Enn leitað að Stefáni Loga

Enn er verið að leita að Stefáni Loga Sívarssyni, sem er grunaður um frelsissviptingu og hrottalega líkamsárás.

Stefán Logi járnaður í Miðhúsaskógi

Stefán Logi Sívarsson var handtekinn við sumarbústað í Miðhúsaskógi fyrir stundu. Sérsveit lögreglu stóð að handtökunni, en fimm lögreglubílar voru á staðnum og viðbúnaður mikill.

Stunginn með notaðri sprautunál

Hæstiréttur staðfesti í gær gæsluvarðhald yfir Stefáni Loga Sívarssyni, sem grunaður er um að hafa tekið þátt í grófum líkamsárásum og frelsissviptingum síðastliðið sumar, meðal annars í sumarbústað nálægt Stokkseyri. Rétt er að vara við lýsingum í þessari frétt.

"Hefur aldrei komið til Stokkseyrar“

Stefán Logi Sívarsson, sem grunaður er um aðild að líkamsárás og frelsissviptingu ungs manns, var yfirheyrður af lögreglu á laugardag.

Ákærðu fá ekki að vera viðstaddir vitnaleiðslur

Fyrirtaka í Stokkseyramálinu svokallaða fór fram í Héraðsdómi Reykjavíkur rétt fyrir hádegi í dag. Þar var tekist á um hvort sakborningum í málinu verði gert að víkja úr dómsal meðan á vitnaleiðslum stendur. Aðalmeðferð í málinu hefst á mánudag og standa yfir í þrjá daga.

Stefán Logi áfram í gæsluvarðhaldi

Hæstiréttur staðfesti í dag tveggja vikna gæsluvarðhaldsúrskurð yfir Stefáni Loga Sívarssyni og tveimur öðrum sem eru grunaðir um aðild að minnst þremur alvarlegum líkamsárásarmálum.

Grunaðir um minnst þrjár hrottafengnar líkamsárásir

Stefáni Loga Sívarsson,sem lögregla handtók í Miðhúsaskógi í gær, er meintur höfuðpaur í hrottafengnu líkamsárásarmáli á Stokkseyri. Fjórir sitja nú í gæsluvarðhaldi vegna málsins. Hópurinn er grunaður um tvær árásir til viðbótar.

Gæslulvarðhald framlengt yfir Stefáni Loga

Héraðsdómur Reykjaness framlengdi í morgun gæsluvarðhaldsúrskurð yfir Stefáni Loga Sívarssyni til 2. október vegna aðildar að minnst þremur alvarlegum líkamsárásarmálum.

Neituðu sök á hrottafengnum líkamsárásum

Þingfesting fór fram í morgun í Héraðsdómi Reykjavíkur í máli gegn Stefáni Loga Sívarssyni og fjórum öðrum mönnum fyrir tvær hrottafengnar líkamsárásir, mannrán og langvinnar pyntingar um mánaðamót júní og júlí síðastliðinna.

Sjónarvottar segja fórnarlambið hafa verið vankað og blóðugt

Fórnarlambið var illa til reika og vankað. Hann var blóðugur, með marga skurði í andliti, bólginn og átti erfitt með að tala og var illskiljanlegur vegna þess hversu bólginn hann var. Einnig hékk laus flipi úr neðri vör mannsins á stærð við tíu krónu pening.hvern tíma.

Fórnarlamb mannráns með sár eftir svipuhögg á bakinu

Lögregla leitar Stefáns Loga Sívarssonar, sem er grunaður um að hafa svipt mann frelsi sínu, farið með hann til Stokkseyrar og beitt hann hrottalegu ofbeldi. Að minnsta kosti tveir menn sitja í varðhaldi vegna málsins.

Einn hinna grunuðu stakk af til Danmerkur

Lögreglan handtók á dögunum enn einn mann, grunaðan um aðild að líkamsárásarmálinu sem kennt hefur verið við Stefán Loga Sívarsson og Stokkseyri. Hann kom til Íslands í lögreglufylgd eftir að hafa stungið af til Danmerkur.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið