Viðskipti erlent

Vogunarsjóðir töpuðu 7.000 milljörðum kr. í nóvember

Tap vogunarsjóða heimsins nam 64 milljörðum dollara eða um 7.000 milljörðum kr. í nóvember. Þetta kemur fram í tímaritinu Eurekahedge sem tekið hefur saman upplýsingar um rekstur vogunarsjóða á þessu ári.

Tap vogunarsjóðanna í ár stefnir í að verða það mesta í sögunni og segir Eurekahedge að árið í ár mun slá út árið 2000 hvað tapið varðar.

Fram kemur í tímaritinu að eignir sjóðanna hafi skroppið saman um 110 milljarða dollara í haust eða sem nemur um 12.000 milljörðum kr.. Eignirnar nema nú 1,65 trilljón dollara en þegar þær náðu hámarki s.l. sumar voru þær 1,9 trilljón dollarar.

Upplýsingar tímaritsins byggja á reikningum frá 2.000 vogunarsjóðum en flestir sérfræðingar eru sammála um að koss dauðans muni smella á hátt í helmingi vogunarsjóða heimsins á næsta ári.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið