Stađfesta dauđa Jihadi John

 
Erlent
23:00 19. JANÚAR 2016
Mohammed Emwazi eđa Jihadi John.
Mohammed Emwazi eđa Jihadi John. VÍSIR/AFP

Íslamska ríkið birti langa minningargrein um Bretann Mohammed Emwazi, sem var böðull samtakanna, í nýjasta tölublaði tímaritsins Dabiq. Þar segir að hann hafi fallið í loftárás í borginni Raqqa í Sýrlandi. Hann var þekktur fyrir að taka vestræna gísla samtakanna af lífi í myndböndum sem samtökin birtu.

Bandaríkin héldu því fram í nóvember að Emwazi hefði fallið í loftárás. Takmark árásarinnar var að ráða hann af dögum.

Sjá einnig: Jihadi John fallinn

Í minningargreininni er fjallað um líf Emwazi og þar segir að hann hafi ungur flust til London með foreldrum sínum. Þar hafi hann lært að hata borgina og „trúleysingjana“ sem í henni búa. Hann hafi farið til Sómalíu og síðar flúið frá Bretlandi til þess að ganga til liðs við ISIS, þrátt fyrir að vera undir eftirliti leyniþjónustu Bretlands.

Þar segir einnig að einungis þeir sem þekktu Emwazi, sem gekk undir nafninu Abu Muharib al-Muhajir, hafi kynnst „miskunn hans, gæsku og örlæti“.

Emwazi sást fyrst í ágúst 2014 þegar myndband af honum myrða bandaríska blaðamanninn James Foley var birt á netinu. Þá varð hann þekktur sem Jihadi John, en það var ekki fyrr en í febrúar í fyrra sem í ljós kom að hann væri Emwazi.

Einnig voru birt myndbönd af honum að taka af lífi þá Steven Sotloff, David Heines, Alan Henning, Abdul-Rahman Kassig og Kenji Goto.

Samkvæmt BBC voru þrír drónar notaðir til árásarinnar. Einn breskur og tveir frá Bandaríkjunum. Bandaríkjamenn skutu á bílinn sem Emwazi var í og talið er að ein manneskja hafi verið með honum í bílnum. David Cameron sagði í nóvember að það hefði verið rétt að ráðast á hann og að yfirvöld í Bretlandi hefðu unnið sleitulaust að því að ráða hann af dögum.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Stađfesta dauđa Jihadi John
Fara efst