Innlent

„Ó­skiljan­legt að menn skuli leggjast svona lágt“

Atli Ísleifsson skrifar
Ljóst má vera að tjónið hleypur á milljónum.
Ljóst má vera að tjónið hleypur á milljónum. Sigmar

Ófögur sjón blasti við mönnum þegar þeir mættu til vinnu á vinnusvæði við línuveg, ekki langt frá Suðurlandsvegi nærri Bláfjallaafleggjara, í morgun þar sem sem búið var að vinna miklar skemmdir á bæði vinnuvél og vörubíl.

Þetta segir Alexander G. Eðvardsson, framkvæmdastjóri Hringrásar, en vinnuvélin var í eigu fyrirtækisins. Hann segir að búið hafi verið að rústa stjórntækjum, brjóta rúður og vinna miklar skemmdir á stýrishúsi vinnuvélarinnar.

„Manni finnst þetta alveg ömurlegt. Við sáum mótorhjólaför á svæðinu svo við teljum ljóst að þetta hafi ekki verið krakkar heldur fullorðnir. Það er óskiljanlegt að menn skuli leggjast svona lágt. Þessi skemmdarfýsn og óvirðing fyrir eigum annarra. Við erum í nettu áfelli yfir þessu,“ segir Alexander.

Hann segir ljóst að skipta þurfi um stjórntæki, rúður og ýmislegt. Um sé að ræða rúmlega tveggja ára gamla Liebherr langarma vinnuvél sem metin sé á milli fjörutíu og fimmtíu milljónir króna.

Alexander segir að býið sé að tilkynna málið bæði til lögreglu og tryggingafélags.

Sigmar

„Ó­skiljan­legt að menn skuli leggjast svona lágt“

Sigmar
Lögreglumál Tryggingar Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið