S&P hćkkar lánshćfiseinkunn ríkissjóđs

 
Viđskipti innlent
23:38 17. MARS 2017
Arnór Sighvatsson og Már Guđmundsson seđlabankastjórar.
Arnór Sighvatsson og Már Guđmundsson seđlabankastjórar. VÍSIR/VILHELM

Matsfyrirtækið Standard & Poors tilkynnti nú í kvöld að lánshæfiseinkunn ríkissjóðs Íslands hefði verið hækkuð. Hún er nú A/A-1 og eru horfur sagðar vera stöðugar. Í yfirlýsingu fyrirtækisins, sem sjá má á vef Fjármálaráðuneytisins, segir að ástæða hækkunarinnar sé afnám fjármagnshafta og samningar við aflandskrónueigendur.

Fyrirtækið segir það hafa leitt til minni líkna á óhagstæðri greiðslujafnaðarþróun og það ætti að styrkja aðgengi innlendra aðila að erlendum fjármálamörkuðum. Þá segir í tilkynningunni að aðgerðirnar ættu að laða fleiri erlenda fjárfesta til landsins og bæta sveigjanleika peningastefnunnar.

Enn fremur segir að fjöldi ferðamanna hér á landi hafi gert Seðlabankanum kleift að byggja upp mikinn gjaldeyrisforða og það spili stóra rullu í að hægt hafi verið að grípa til aðgerða vegna haftanna.

S&P hefur einnig hækkað hagvaxtarspá sína varðandi Ísland úr þremur prósentum í 3,5 prósent. Líkt og í fyrra telur fyrirtækið að hann verði borinn uppi af vexti í ferðamennsku og innlendri eftirspurn. Hins vegar segir í tilkynningunni að möguleiki sé á ofhitnun í hagkerfinu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Viđskipti / Viđskipti innlent / S&P hćkkar lánshćfiseinkunn ríkissjóđs
Fara efst