LAUGARDAGUR 3. DESEMBER NÝJAST 08:32

Hiđ ömurlega ár 2016 gert upp međ lagi

LÍFIĐ

Ríkislögreglustjóri segir yfirmenn verđa ađ svara hvernig tekiđ var á ásökununum

 
Innlent
12:00 14. JANÚAR 2016
Haraldur Johannessen (t.v.) segir ađ Jóni H.B. Snorrasyni og Friđriki Smára Björgvinssyni sé ekki stćtt ađ neita fjölmiđlum um svör hvernig mál lögreglufulltrúans var rannsakađ.
Haraldur Johannessen (t.v.) segir ađ Jóni H.B. Snorrasyni og Friđriki Smára Björgvinssyni sé ekki stćtt ađ neita fjölmiđlum um svör hvernig mál lögreglufulltrúans var rannsakađ. VÍSIR

Fyrrverandi lögreglustjóra og öðrum yfirmönnum lögreglustjórans á höfuðborgarsvæðinu er skylt að greina fjölmiðlum frá því hvað þeir gerðu í kjölfar þess að Karl Steinar Valsson, yfirmaður fíkniefnadeildar lögreglu á árunum 2007-2014, skilaði til þeirra greinargerð árið 2011 vegna ásakana á hendur lögreglufulltrúa og náins samstarfsmanns Karls Steinars í fíkniefnadeild. Þetta segir Haraldur Johannessen ríkislögreglustjóri við fréttastofu. Hann hafi fyrst heyrt af málinu í fyrra.

Umræddur lögreglufulltrúi var lykilmaður í upplýsingadeild lögreglu og gegndi þar yfirmannsstöðu. Í tíð Karls Steinars varð hann svo einnig að yfirmanni í fíkniefnadeild og var því báðum megin borðsins sem er fyrirkomulag sem er forðast og þekkist raunar ekki í nágrannalöndum okkar. Yfirmaður í dönsku lögreglunni segir fyrirkomulagið gagnrýnisvert.

Þannig hefur sami aðili aðgang að öllum upplýsingum, mjög viðkvæmum og leynilegum upplýsingum, sem rata inn á borð lögreglu í fullum trúnaði. Á sama tíma fer hann með ákvörðunarvald á því hvaða mál eru tekin til rannsóknar og hvaða mál eru látin eiga sig. Starfshættir lögreglufulltrúans eru nú til rannsóknar hjá héraðssaksóknara. 


Karl Steinar og lögreglufulltrúinn störfuđu afar náiđ saman í fíkniefnadeildarinnar á árum Karls Steinars sem yfirmanns deildarinnar.
Karl Steinar og lögreglufulltrúinn störfuđu afar náiđ saman í fíkniefnadeildarinnar á árum Karls Steinars sem yfirmanns deildarinnar. VÍSIR/ERNIR

Fullyrti að ásakanir væru rangar
Fyrir rúmum fjórum árum fullyrti hins vegar Karl Steinar að rannsókn hefði farið fram á ásökunum. Þær væru ekki á rökum reistar. Sú rannsókn virðist þó aldrei hafa farið fram.

Karl Steinar sagði í samtali við Fréttablaðið um síðustu helgi að hann hefði framkvæmt athugun á ásökununum og tekið saman greinargerð. Henni hefði hann skilað til yfirmanna sinna, Friðriks Smára og Jóns H.B., en hann væri ekki meðvitaður um hvað hefði gerst í framhaldinu. Þá sagðist hann ekki muna nákvæmlega orðalag sitt á fundinum með starfsmönnum sínum en mundi þó eftir fundinum og lýsti sér sem þokkalega minnugum manni.

Vísir spurði Friðrik Smára og Jón H.B. út í greinargerðina í upphafi vikunnar en svörin voru á þá leið að þeir myndu ekkert tjá sig um málið. Þeir vildu ekki einu sinni staðfesta tilvist greinargerðarinnar. Því er fullkomlega óljóst hvað þeir gerðu við greinargerð Karls Steinars.


Sigríđur Björk Guđjónsdóttir tók ţá ákvörđun ađ fćra lögreglufulltrúann úr starfi innan fíkniefnadeildar eftir ađ níu samstarfsmenn hans kvörtuđu yfir honum.
Sigríđur Björk Guđjónsdóttir tók ţá ákvörđun ađ fćra lögreglufulltrúann úr starfi innan fíkniefnadeildar eftir ađ níu samstarfsmenn hans kvörtuđu yfir honum. VÍSIR/ERNIR

Eiga að upplýsa fjölmiðla um málið
Haraldur Johannessen ríkislögreglustjóri segir þáverandi lögreglustjóra á höfuðborgarsvæðinu og aðra yfirmenn hjá LRH hins vegar skylt að upplýsa fjölmiðla um hvernig tekið var á málinu árið 2011. 

Fyrrverandi lögreglustjóri og aðrir yfirmenn Lögreglustjórans á höfuðborgarsvæðinu geta og eiga að upplýsa fjölmiðla um hvernig þeir tóku á málinu.“

Eins og fram hefur komið í fréttaflutningi Vísis af málinu lýstu níu samstarfsmenn lögreglufulltrúans innan fíkniefnadeildar áhyggjum sínum af stöðu mála við Friðrik Smára, yfirmann þeirra, síðastliðið vor. Fengu þeir engin viðbrögð frá honum sem varð til þess að þeir fóru með málið lengra. Eftir að Sigríður Björk Guðjónsdóttir, lögreglustjóri á höfuðborgarsvæðinu, fékk athugasemdirnar á borð til sín var ákveðið að færa fulltrúann úr starfi sínu og til starfa við kynferðisbrotadeild.


Stefán Eiríksson, sviđsstjóri velferđarsviđs Reykjavíkurborgar og fyrrverandi lögreglustjóri, segist ekki vera í ađstöđu til ađ tjá sig um máliđ.
Stefán Eiríksson, sviđsstjóri velferđarsviđs Reykjavíkurborgar og fyrrverandi lögreglustjóri, segist ekki vera í ađstöđu til ađ tjá sig um máliđ.

Ásakanir fyrst á borð ríkislögreglustjóra í fyrra
Haraldur segir við fréttastofu að ríkislögreglustjóri hafi fyrst fengið upplýsingar um athugasemdir í garð lögreglufulltrúans í fyrra, árið 2015. Rétt er að taka fram að núverandi og fyrrverandi samstarfsmenn hafa gert athugasemdir við hans störf um árabil. Haraldur segir athugasemdirnar hafa borist þegar fyrrnefndir lögreglumenn frá LRH leituðu til ríkislögreglustjóra.

„Í framhaldinu var núverandi lögreglustjóri upplýstur um frásagnir lögreglumannanna,“ segir Haraldur. Í framhaldinu hafi ríkissaksóknara verið sent erindi um málið og sé það upphaf þeirrar rannsóknar sem nú er í gangi hjá héraðssaksóknara.

Stefán Eiríksson sagðist í samtali við fréttastofu ekki vera í aðstöðu til að ræða málið. Réttast væri að ræða við Friðrik Smára og Jón H.B., þá sem Karl Steinar sagðist hafa afhent greinargerðina.

Vísi hefur ekki tekist að ná tali af Friðriki Smára og Jóni H.B. í vikunni en ítrekaði fyrirspurn sína í morgun, þá sömu og þeir neituðu að svara í byrjun vikunnar. Henni hafði ekki verið svarað þegar þessi frétt fór í loftið.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Ríkislögreglustjóri segir yfirmenn verđa ađ svara hvernig tekiđ var á ásökununum
Fara efst