SUNNUDAGUR 26. MARS NŻJAST 06:28

Sebastian Vettel vann ķ Įstralķu

SPORT

Reginn fasteignafélag vildi kaupa Išnó

 
Višskipti innlent
11:08 15. MARS 2017
Žeir Žórir Bergsson og René Boonekamp munu taka viš umsjón Išnó ķ haust.
Žeir Žórir Bergsson og René Boonekamp munu taka viš umsjón Išnó ķ haust. VĶSIR/PJETUR

Þann 14. janúar síðastliðinn auglýsti Menningar- og ferðamálasvið Reykjavíkurborgar eftir áhugasömum aðilum til að taka Iðnó á leigu undir menningarstarf og annað sem styrkir rekstur hússins.

Þrjár umsóknir bárust, frá Iðnó ehf, Reginn hf. og Þóri Bergssyni og René Boonekamp. Matsnefnd, skipuð þeim Signýju Pálsdóttur, Huld Ingimarsdóttur og Grétari Þór Jóhannssyni, lagði til að gengið yrði við samninga við Þóri Bergsson og René Boonekamp. Matsnefnd taldi umsóknina skera sig úr fyrir hve vel hún var unnin.

„Þeir sem standa að áætluninni eru annars vegar félagslegur frumkvöðull með alþjóðlega reynslu, og hins vegar íslenskur veitingamaður með fagþekkingu og áralanga reynslu. Þeir hyggjast setja á laggirnar sjálfseignarstofnun (non-profit),“ segir í mati nefndar.

Fleiri rými undir menningarstarfsemi
Samkvæmt áætlun verða fleiri rými nýtt til menningarstarfsemi en áður hefur verið, en auk sala fyrir viðburði mun Iðnó bjóða upp á vinnurými fyrir skapandi fólk. Í framkvæmdaáætlun er greint á milli þrenns konar hlutverka: Viðburðarými, kaffihús & verönd, og samvinnurými.

Iðnó ehf. er sá rekstraraðili sem hefur haft umsjón með starfi Iðnó síðastliðin 16 ár. Í umsókn Iðnó ehf. segir að fyrirhuguð menningarstarfsemi byggir á þeim grunni sem umsækjandi hefur byggt upp sem rekstraraðili Iðnó síðastliðin ár. Í umsókn Iðnó ehf. segir að félagið hafi verið tilbúið að greiða 350 þúsund krónur í leigu á mánuði. Þórir og René munu koma til með að greiða 600 þúsund krónur í leigu.

„Umsækjandi hefur myndað góð tengsl og gott samstarf við menningarhópa, hátíðir og aðra viðburði. Umsækjandi leggur upp með að reka Iðnó á sambærilegan hátt og undanfarin ár. Sem framtíðarverkefni nefnir umsækjandi áframhaldandi samstarf við ,,fastagesti” hússins þar sem nefnd eru til sögunnar hátíðir í borginnni, leikhópar, tónlistarskólar, kórar, Bandalag ísl. listamanna, dansfélög ofl. Auk þess eflt samstarf við Leiklistarkonur 50 plús, samstarf við Leikminjasafn Íslands og Tónlistarsafn Íslands um sýningar, Kíton – konur í tónlist, málverkasýningar, sögusýningar og ljósmyndasýningar. Lögð er áhersla á sögulegt gildi hússins og fræðslu eins og með móttöku skólabarna,“ segir í mati nefndar.

Vildu kaupa Iðnó
Þriðji umsóknaraðilinn var Reginn fasteignafélag. Félagið setti það skilyrði fyrir umsókn sinni að leigusamningurinn innihéldi kaupréttarákvæði þar sem kveðið væri á um kauprétt leigutaka á allri fasteigninni Vonarstræti 3 á tímabilinu 1. september 2018 til 1. september.

Þar sem markmið verkefnisins var ekki sala fasteignarinnar þá taldi matsnefnd sig ekki hafa umboð til að mæla með umsókninni að teknu tilliti til framangreindra skilyrða óháð öðrum þáttum umsóknar.

Reginn hf lagði til að leiguverð yrði 1.336.200 krónur á mánuði og að horfa yrði  á leiguverðið í samhengi við skilyrði umsóknar um kauprétt leigutaka.


Deila
Athugiš. Allar athugasemdir eru į įbyrgš žeirra er žęr rita. Vķsir hvetur lesendur til aš halda sig viš mįlefnalega umręšu. Einnig įskilur Vķsir sér rétt til aš fjarlęgja ęrumeišandi eša ósęmilegar athugasemdir og ummęli žeirra sem tjį sig ekki undir eigin nafni.

 

MEST LESIŠ

  • Nżjast į Vķsi
  • Mest Lesiš
  • Fréttir
  • Sport
  • Višskipti
  • Lķfiš
Forsķša / Višskipti / Višskipti innlent / Reginn fasteignafélag vildi kaupa Išnó
Fara efst