iPad mini umfjöllun: Fjölmargir kostir í lítilli skel Birgir Þór Harðarson skrifar 7. nóvember 2012 06:00 Bandaríski tölvurisinn Apple hefur kynnt tvær nýjar útgáfur af iPad-spjaldtölvu sinni. Um er að ræða uppfærslu á hinum hefðbundna iPad og nýja, minni og mun nothæfari gerð."Sjö tommu spjaldtölvur falla í milliflokk: þær eru of stórar til að keppa við snjallsíma en of litlar til að keppa við iPad,“ sagði Steve heitinn Jobs, fyrrverandi forstjóri Apple, um samkeppnina sem Google, Samsung, Amazon og fleiri tölvuframleiðendur voru þegar farnir að veita Apple á spjaldtölvumarkaðinum.Jobs spáði sjö tommu spjaldtölvum skjótum dauða eða fjörugu lífi. Nú, réttu ári eftir fráfall hans, hefur Apple gefið út fyrstu spjaldtölvuna í þessum milliflokki; iPad mini. Tim Cook, eftirmaður Jobs sem forstjóri Apple, kynnti tvær nýjar spjaldtölvur 16. október, fjórðu kynslóð af iPad í hefðbundinni stærð og iPad mini. Sala á báðum tækjum hófst 2. nóvember í 35 löndum, þar með talið á Íslandi.Litli iPadinn er settur til höfuðs vörum frá keppinautum Apple á tölvumarkaðinum. Google Nexus 7-tölvan og Amazon Kindle Fire-tölvan hafa helst verið nefndar í þessu sambandi. Allar þrjár eru í sama stærðarflokki.Ódýrustu útgáfurnar af iPad mini og Nexus 7 fást á tæpar 60 þúsund krónur á Íslandi. Kindle Fire fæst sendur hingað til lands á um það bil 40 þúsund krónur. Gamli orðinn klunnalegurLitli iPadinn er lítill og nettur. Við fyrsta samanburð gerði blaðamaður ekki ráð fyrir að iPad mini myndi eiga vinninginn gagnvart iPad 4. En á endanum reyndust fjölmargir kostir leynast í litlu skel.Ipad mini er mjög léttur miðað við iPad 4. Það skiptir sköpum þegar tækið er notað, sérstaklega við lestur. Munurinn er eins og að fara með kilju upp í rúm eða stóra alfræðiorðabók. Stóri iPadinn verður fljótt of þungur.Skjárinn á iPad mini er einnig merkilega flottur. Hann er örlítið stærri en á Kindle eða Nexus, 7,9 tommur, og fyllir nánast alveg út í brúnir tækisins. Ipad mini notar sömu skjátækni og notuð var í iPad 2. Upplausnin í skjá iPad 4 er fjórum sinnum betri en á iPad mini. Kvikmyndir í háskerpu og mjög djúpar ljósmyndir njóta sín því betur á 9,7 tommu skjá iPad 4. En í daglegri notkun skiptir þessi staðreynd litlu.Ipad 4 er öflugri en litli bróðir sinn, notast við tvíkjarna örgjörva frá Apple. Þó skjárinn sé lítill er auðvelt að nota lyklaborðið, jafnvel þægilegra en á stóra iPadinum því iPad mini fer svo vel í hendi. Bilið betur brúaðÞegar öllu er á botninn hvolft verður að hugsa til þess hvernig spjaldtölvan er notuð. Snjallsímar eru orðnir jafn mikil almenningseign og fartölvur. Margir spyrja sig því hvort spjaldtölvur séu raunverulega nauðsynlegar í safnið.Spjaldtölvur eru þægilegar vilji fólk endilega hafa með sér tölvu í ferðalög. Innbyggð þráðlaus nettenging um 3G og 4G er hentug á þjóðveginum eða í sumarbústaðnum. Fartölvan gæti reynst fremur fyrirferðarmikil en snjallsíminn of lítill.Að mati blaðamanns brúar iPad mini þetta bil mun betur en iPad 4. Léttara, notendavænna og meðfærilegra tæki hlýtur að hafa vinninginn þrátt fyrir smávægilega galla. Tækni Mest lesið Skelltu líka í lás á Exit og í Nýju vínbúðinni Viðskipti innlent Fjármálastjóri Play segir upp Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Tryggðu sér 300 milljóna króna fjármögnun Viðskipti innlent Eitruð vinnustaðamenning algeng og margfaldar líkur á kulnun Atvinnulíf Sagðir vilja frekar loka TikTok en selja Viðskipti erlent Töpuðu þremur milljörðum á fyrsta ársfjórðungi Viðskipti innlent Nú er hægt að elta góða veðrið um landið með kortavef Já.is Samstarf Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Bandaríski tölvurisinn Apple hefur kynnt tvær nýjar útgáfur af iPad-spjaldtölvu sinni. Um er að ræða uppfærslu á hinum hefðbundna iPad og nýja, minni og mun nothæfari gerð."Sjö tommu spjaldtölvur falla í milliflokk: þær eru of stórar til að keppa við snjallsíma en of litlar til að keppa við iPad,“ sagði Steve heitinn Jobs, fyrrverandi forstjóri Apple, um samkeppnina sem Google, Samsung, Amazon og fleiri tölvuframleiðendur voru þegar farnir að veita Apple á spjaldtölvumarkaðinum.Jobs spáði sjö tommu spjaldtölvum skjótum dauða eða fjörugu lífi. Nú, réttu ári eftir fráfall hans, hefur Apple gefið út fyrstu spjaldtölvuna í þessum milliflokki; iPad mini. Tim Cook, eftirmaður Jobs sem forstjóri Apple, kynnti tvær nýjar spjaldtölvur 16. október, fjórðu kynslóð af iPad í hefðbundinni stærð og iPad mini. Sala á báðum tækjum hófst 2. nóvember í 35 löndum, þar með talið á Íslandi.Litli iPadinn er settur til höfuðs vörum frá keppinautum Apple á tölvumarkaðinum. Google Nexus 7-tölvan og Amazon Kindle Fire-tölvan hafa helst verið nefndar í þessu sambandi. Allar þrjár eru í sama stærðarflokki.Ódýrustu útgáfurnar af iPad mini og Nexus 7 fást á tæpar 60 þúsund krónur á Íslandi. Kindle Fire fæst sendur hingað til lands á um það bil 40 þúsund krónur. Gamli orðinn klunnalegurLitli iPadinn er lítill og nettur. Við fyrsta samanburð gerði blaðamaður ekki ráð fyrir að iPad mini myndi eiga vinninginn gagnvart iPad 4. En á endanum reyndust fjölmargir kostir leynast í litlu skel.Ipad mini er mjög léttur miðað við iPad 4. Það skiptir sköpum þegar tækið er notað, sérstaklega við lestur. Munurinn er eins og að fara með kilju upp í rúm eða stóra alfræðiorðabók. Stóri iPadinn verður fljótt of þungur.Skjárinn á iPad mini er einnig merkilega flottur. Hann er örlítið stærri en á Kindle eða Nexus, 7,9 tommur, og fyllir nánast alveg út í brúnir tækisins. Ipad mini notar sömu skjátækni og notuð var í iPad 2. Upplausnin í skjá iPad 4 er fjórum sinnum betri en á iPad mini. Kvikmyndir í háskerpu og mjög djúpar ljósmyndir njóta sín því betur á 9,7 tommu skjá iPad 4. En í daglegri notkun skiptir þessi staðreynd litlu.Ipad 4 er öflugri en litli bróðir sinn, notast við tvíkjarna örgjörva frá Apple. Þó skjárinn sé lítill er auðvelt að nota lyklaborðið, jafnvel þægilegra en á stóra iPadinum því iPad mini fer svo vel í hendi. Bilið betur brúaðÞegar öllu er á botninn hvolft verður að hugsa til þess hvernig spjaldtölvan er notuð. Snjallsímar eru orðnir jafn mikil almenningseign og fartölvur. Margir spyrja sig því hvort spjaldtölvur séu raunverulega nauðsynlegar í safnið.Spjaldtölvur eru þægilegar vilji fólk endilega hafa með sér tölvu í ferðalög. Innbyggð þráðlaus nettenging um 3G og 4G er hentug á þjóðveginum eða í sumarbústaðnum. Fartölvan gæti reynst fremur fyrirferðarmikil en snjallsíminn of lítill.Að mati blaðamanns brúar iPad mini þetta bil mun betur en iPad 4. Léttara, notendavænna og meðfærilegra tæki hlýtur að hafa vinninginn þrátt fyrir smávægilega galla.
Tækni Mest lesið Skelltu líka í lás á Exit og í Nýju vínbúðinni Viðskipti innlent Fjármálastjóri Play segir upp Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Tryggðu sér 300 milljóna króna fjármögnun Viðskipti innlent Eitruð vinnustaðamenning algeng og margfaldar líkur á kulnun Atvinnulíf Sagðir vilja frekar loka TikTok en selja Viðskipti erlent Töpuðu þremur milljörðum á fyrsta ársfjórðungi Viðskipti innlent Nú er hægt að elta góða veðrið um landið með kortavef Já.is Samstarf Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira