Hjörleifur fær rúmar sextán milljónir fyrir að hætta hjá Orkuveitunni

18. ágúst 2010 20:21

Hjörleifur Kvaran fær minnsta kosti sextán milljónir króna í starfslokakjör en samkvæmt útvarpsfréttum Ríkisútvarpsins í kvöld þá verður hann á launum næstu níu mánuðina.

Um er að ræða þrjá mánuði í uppsagnafrest og svo sex mánuðir í biðlaun. Stjórn Orkuveitunnar óskaði ekki eftir því að Hjörleifur ynni uppsagnafrestinn heldur var Dr. Helgi Þór Ingason, verkfræðingur, ráðinn sem forstjóri Orkuveitunnar.

Samkvæmt Tekjublaði Frjálsra verslunar var Hjörleifur með eina milljón og átta hundruð þúsund í mánaðarlaun. Því þarf borgin að greiða honum 16,2 milljónir áður en yfir lýkur.

Það fyrirkomulag er samkvæmt ráðningasamningi sem var gerður við hann árið 2008 þegar hann var ráðinn.

Nýr forstjóri Orkuveitunnar, Dr. Helgi Þór, er með talsvert lægri laun en Hjörleifur, eða 1,2 milljónir á mánuði, sem er sex hundruð þúsund krónum lægra en Hjörleifur hafði í laun.

Tengdar fréttir

Hjörleifur Kvaran víkur sennilega sem forstjóri Orkuveitunnar

Stjórnarformaður Orkuveitu Reykjavíkur lagði til á stjórnarfundi, sem hófst klukkan sjö í kvöld, að Hjörleifur Kvaran viki sem forstjóri Orkuveitunnar.

17. ágúst 2010 20:11

Forstjóra Orkuveitunnar sagt upp

Tillaga stjórnarformanns Orkuveitu Reykjavíkur (OR) um að Hjörleifi Kvaran verði vikið frá störfum sem forstjóri OR var samþykkt í kvöld. Þetta kom fram í seinni fréttum RÚV í kvöld.

17. ágúst 2010 22:00

Útilokar ekki frekari uppsagnir

Haraldur Flosi Tryggvason, stjórnarformaður Orkuveitu Reykjavikur, útilokar ekki frekari uppsagnir starfsfólks hjá Orkuveitu Reykjavíkur. Hann segir að

18. ágúst 2010 11:51

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.