SUNNUDAGUR 26. JN NJAST 09:49

Bein tsending: Guni Th. mtir Sprengisand

FRTTIR

Gunnar Nelson: g veit a g fer alla lei annig a llum er htt a fylgjast fram me

 
Sport
11:00 05. JANAR 2016
Gunnar Nelson er rttamaur rsins a mati lesenda Vsis anna ri  r.
Gunnar Nelson er rttamaur rsins a mati lesenda Vsis anna ri r. VSIR/GETTY
skrifar

Eins og kom fram í morgun var bardagaíþróttamaðurinn Gunnar Nelson kosinn íþróttamaður ársins 2015 af lesendum Vísis með yfirburðum annað árið í röð.

Gunnar barðist tvisvar á síðasta ári, en hann byrjaði á því að pakka Bandaríkjamanninum Brandon Thatch saman í júlí en var svo sjálfur tekinn nokkuð illa af Demian Maia í byrjun desember.

Sjá einnig: Sjáðu bardagann í heild sinni: Maia var of stór biti fyrir Gunnar

Þessi hógværi og vinsæli íþróttamaður er mjög ánægður með útnefninguna og segist finna fyrir stuðningnum sem hann fær frá sínu fólki og Íslendingum almennt.

„Mér finnst alveg ótrúlegt hvað ég fæ mikinn stuðning og ég finn það bara í samfélaginu þegar ég til dæmis fer niður í bæ á Þorláksmessu þar sem er mikið af fólki sem kemur og spjallar við mann,“ segir Gunnar í viðtali við Vísi.

„Maður finnur fyrir meðbyrnum og hversu mikinn stuðning maður fær. Það er ekki hægt að lýsa því hversu þakklátur ég er fyrir þennan stuðning. Þó aðeins á móti blási fær maður samt svona kosningu. Þetta skiptir öllu,“ segir Gunnar.


Gunnar Nelson tlar sr alla lei.
Gunnar Nelson tlar sr alla lei. VSIR/GETTY

Ekki dans á rósum
Gunnar tók sér frí eftir bardagann gegn Maia og naut jólanna með vinum og fjölskyldu. „Ég er búinn að hafa það mjög fínt,“ segir Gunnar kátur, en hann fer svo aftur á fullt seinna í þessum mánuði.

„Ég er aldrei þannig séð alveg í fríi. Maður er náttúrlega háður því að gera eitthvað og ég verð alltaf að æfa létt. En ég byrja aftur í tækniæfingum og tek þetta að fullu um miðjan janúar.“

Gunnar ætlaði sér auðvitað sigur í báðum bardögum ársins en tækifærið gegn Demian Maia var stórt enda öll augu á þessu ótrúlega bardagakvöldi í Las Vegas þar sem barist var meðal annars um tvo heimsmeistaratitla.

Sjá einnig: Maia sló Gunnar 193 sinnum

„Þetta var fínt ár en auðvitað hefði maður vilja að það hefði gengið aðeins betur. En þetta er bara hluti af þessu. Maður leggur sig fram og gefur allt í hlutina. Þegar maður er að keppa á þessum grundvelli kemur svona fyrir. Þetta er bara hluti af minni ferð. Maður tekur þessu bara, heldur áfram og lærir,“ segir Gunnar.

„Ég hef aldrei haldið því fram að þetta verði eitthvað auðvelt hjá mér og bara dans á rósum. Eins og ég hef sagt áður þá er ég bara rétt að byrja og ég hlakka til að halda áfram. Mér líður þannig að það sé eitthvað sem býr inn í mér sem er óstöðvandi og það hefur engin áhrif á mig þó ég tapi og að á móti blási úr hinum og þessum áttum.“


Conor og Gunnar saman eftir fingu  Vegas.
Conor og Gunnar saman eftir fingu Vegas. INSTAGRAM-SA GUNNARS

Gaman að vera með Conor
Gunnar dvaldi mikið í Las Vegas á árinu og fékk að berjast með vini sínum Conor McGregor á tveimur stærstu bardagakvöldum í sögu UFC.

Fyrst þegar Conor átti að mæta Jose Aldo í júlí og svo aftur í byrjun desember þar sem Írinn varð heimsmeistari eftir að leggja Brasilíumanninn að velli.

Sjá einnig: Gunnar fékk tíu milljónir fyrir bardagann gegn Maia

„Þetta var stærsta árið þó ekki hafi gengið eins og maður bjóst við eða eins og ég undirbjó mig fyrir. Þetta var samt hrikalega skemmtilegt ár og ég er þakklátur fyirr það,“ segir Gunnar.

„Það er búið að ganga vel hjá okkur og sérstaklega hjá Conor. Við erum góðir vinir og því er gaman að fá að deila þessari ferð með honum,“ segir Gunnar, en margir bardagamenn bjuggu saman í glæsivillu í Vegas sem Conor leigði.

„Það er bara svo gaman að finna fyrir andanum í liðinu hjá okkur. Síðasta ár var alveg glæsilegt og maður á að vera þakklátur fyrir það.“


Demian Maia hafi mikla yfirburi gegn Gunnari.
Demian Maia hafi mikla yfirburi gegn Gunnari. VSIR/GETTY

Ætlar að verða heimsmeistari
Stór hluti íslensku þjóðarinnar var skilinn eftir í sárum þegar Gunnar tapaði fyrir Maia í byrjun desember á síðasta ári. Það var ekki bara að Gunnar tapaði öðrum bardaganum af síðustu þremur heldur átti hann ekki möguleika á móti Brasilíumanninum sterka.

Gunnar viðurkennir að það tók hann smá tíma að komast yfir tapið en eins og búast mátti við dvelur hann ekki of lengi við það neikvæða.

Sjá einnig: Gunnar Nelson missti mátt af ókunnum ástæðum eftir tvær mínútur

„Maður á ekki alltaf góðan dag og þetta var bara hans kvöld en ekki mitt. Ég læti af þessu og mér líður bara eins og ég sé rétt að byrja. Ég á svo mikið eftir inn í mér og ég veit bara að ég mun fara alla leið. Ég hef alltaf vitað það. Ég á svo mikið af orku eftir og er enn þá svo spenntur fyrir þessu öllu saman,“ segir Gunnar.

„Ég hef ekkert það miklar áhyggjur. Vissulega tók mann smá tíma að komast yfir þetta en mér finnst gott að finna fyrir stuðningi hjá fólkinu. Ég veit að ef ég held áfram að gera það sem ég er að gera kem ég mér alla leið á toppinn. Ég ætla mér að ná í þennan heimsmeistaratitil en það er samt bara eitt skref á minni ferð. Fólki er alveg óhætt að halda áfram að fylgjast með,“ segir Gunnar.


Gunnar fagnai nju ri me syni snum og horfir bjartur fram  ntt r.
Gunnar fagnai nju ri me syni snum og horfir bjartur fram ntt r. INSTAGRAM-SA GUNNARS

Berst oftar 2016
Vísir fékk undir lok síðasta árs þrjá sérfræðinga ; Dóra DNA, Guttorm Árna Árælsson og Pétur Marinó Jónsson, til að leggja upp árið 2016 fyrir Gunnar Nelson.

Allir voru þeir sammála um að Gunnar ætti að berjast oftar á næsta ári og sú verður líklega raunin.

„Ég sé fyrir mér að ég berjist nokkuð oft á þessu ári. Persónulega væri ég til í að berjast fjórum sinnum til að koma mér almennilega í gírinn aftur,“ segir Gunnar við Vísi.

Hann er þó ekki byrjaður að leggja upp árið formlega og á eftir að hafa samband við forsvarsmenn UFC um næstu skref.

„Þetta kemur allt í ljós á næstu dögum eða vikum. Það er eitt kvöld í London í febrúar sem ég veit ekki hvort sé búið að manna en við sjáum til,“ segir Gunnar Nelson.


Deila
Athugi. Allar athugasemdir eru byrg eirra er r rita. Vsir hvetur lesendur til a halda sig vi mlefnalega umru. Einnig skilur Vsir sr rtt til a fjarlgja rumeiandi ea smilegar athugasemdir.

 

MEST LESI

  • Njast Vsi
  • Mest Lesi
  • Frttir
  • Sport
  • Viskipti
  • Lfi
Forsa / Sport / Gunnar Nelson: g veit a g fer alla lei annig a llum er htt a fylgjast fram me
Fara efst