LAUGARDAGUR 28. MAÍ NÝJAST 07:00

Björn Borg: Ísland þarf fleiri innivelli

SPORT

Guðmundur hannar fyrir GK

 
Lífið
12:00 06. DESEMBER 2010
Guðmundur Jörundsson fatahönnunarnemi mun hanna nýja herrafatalínu fyrir verslunina GK Reykjavík.  fréttablaðið/valli
Guðmundur Jörundsson fatahönnunarnemi mun hanna nýja herrafatalínu fyrir verslunina GK Reykjavík. fréttablaðið/valli

Guðmundur Jörundsson mun hanna klassísk hversdagsföt fyrir verslunina GK. Hann verður þó áfram yfirhönnuður hjá Kormáki & Skildi.

Guðmundur Jörundsson fatahönnuður hefur verið ráðinn til að hanna nýja herrafatalínu fyrir tískuverslunina GK Reykjavík. Guðmundur lætur þó ekki af störfum sem yfirhönnuður Herrafataverslunar Kormáks & Skjaldar heldur mun hann sinna báðum verkefnum.

„Ég er á lokaári mínu í fatahönnun í LHÍ núna og verkefnið fyrir GK Reykjavík fer í raun ekki af stað fyrr en ég er búinn í skólanum í vor. Línan fyrir GK verður allt öðruvísi en sú sem ég hannaði fyrir Kormák & Skjöld. Fötin verða klassískari hversdagsföt en ég mun samt reyna að setja mitt mark á þau," útskýrir Guðmundur, en þess má geta að Ása Ninna Pétursdóttir og Guðmundur Hallgrímsson keyptu nýverið verslunina GK Reykjavík.

Fyrsta fatalína Guðmundar fyrir Kormák & Skjöld var frumsýnd í síðustu viku. Mörg þekkt andlit voru fengin til að sýna flíkurnar og ber þar helst að nefna menn á borð við alþingismanninn Guðmund Steingrímsson, hárgreiðslumanninn Karl Berndsen og plötusnúðinn Jón Atla Helgason.
Það hlýtur að teljast vel af sér vikið að vera ekki útskrifaður úr fatahönnun en samt kominn með tvo samninga, en Guðmundur gerir lítið úr því. „Ætli þetta sé ekki fyrst og fremst heppni. Líka það að ég hef einbeitt mér að herrafatatísku sem aðrir hafa ekki sinnt neitt sérstaklega hingað til," segir Guðmundur sem hefur í nægu að snúast þessa dagana.

sara@frettabladid.is


Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið

TAROT DAGSINS

Dragðu spil og sjáðu hvaða spádóm það geymir.
Forsíða / Lífið / Lífið / Guðmundur hannar fyrir GK
Fara efst