Viðskipti innlent

Gjald­þrot N4 nam 89 milljónum króna

Jón Þór Stefánsson skrifar
María Björk Ingvadóttir var framkvæmdastjóri N4.
María Björk Ingvadóttir var framkvæmdastjóri N4. N4

Lýstar kröfur í N4 ehf. námu 89 milljónum króna, en ekkert greiddist upp í rúmlega 84 milljónir þeirra. Fyrirtækið starfrækti sjónvarpstöðina N4 í fimmtán ár.

Gjaldþrotaskiptum í N4 ehf. lauk í síðustu viku, rúmu ári eftir að það var tekið til gjaldþrotaskipta. 

Þetta kemur fram í Lögbirtingablaðinu. Þar segir jafnframt að skiptakostnaður hafi greiðst að hluta og ellefu prósent veðkrafna. Ekkert hafi greiðst upp í aðrar kröfur.

Í tilkynningu sem birtist á vef N4 í febrúar í fyrra var greint frá því að sjónvarpsstöðin myndi kveðja.

„Fólkið í landinu hefur verið í brennidepli í allri framleiðslu efnis. N4 hefur varðveitt sögu þjóðarinnar. Þessum kafla í sögu fjölmiðla á Íslandi er lokið að sinni,“ sagði þar.

„Stjórn fyrirtækisins harmar þessa niðurstöðu, ekki síst í ljósi þess að N4 hefur verið eini fjölmiðillinn sem framleitt hefur íslenskt sjónvarpsefni utan höfuðborgarsvæðisins.“

María Björk Ingvadóttir, framkvæmdastjóri N4, hafði óskað eftir því að starfsemi RÚV utan höfuðborgarsvæðisins yrði lögð niður. Þá óskaði hún jafnframt eftir hundrað milljóna styrk, ef hann kæmi ekki myndi stöðin verða lögð niður.

Dómsmál Gjaldþrot Styrkbeiðni N4 Fjölmiðlar Akureyri


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið