Viðskipti innlent

Rúnar frá Marel til Aquatiq

Hallgerður Kolbrún E. Jónsdóttir skrifar
Rúnar hefur í áratugi starfað hjá Marel en færir sig nú til Aquatiq.
Rúnar hefur í áratugi starfað hjá Marel en færir sig nú til Aquatiq. Aquatiq

Rúnar Birgisson hefur verið ráðinn framkvæmdastjóri Aquatiq á Íslandi. Rúnar hefur starfað fyrir Marel í kvartöld. 

Rúnar hefur starfað fyrir Marel í Seattle í Bandaríkjunum í tíu ár og þar á undan fyrir Marel á Íslandi í fimmtán ár. Fram kemur í tilkynningu að Aquatiq hafi yfir hundrað starfsmenn í átta löndum, nú þegar Ísland hefur bæst í hópinn. 

Aquatiq er fyrirtæki sem þjónustar fyrirtæki í sjávarútvegi, eldisiðnaði og matvælavinnslur. Starfsemin einblíni á ráðgjöf varðandi gæðastaðla, tæki fyrir fiskeldi og fiskvinnslur, efni sem uppfylla matvælastaðla, þrifakerfi, bakteríupróf og hugbúnað. 

Fyrirtækið mun hafa höfuðstöðvar á Íslandi í Sjávarklasanum á Granda í Reykjavík. Fyrirtækið, sem er norskt, er þegar með starfsemi í Síle, Ástralíu, Nýja-Sjálandi, Englandi, Noregi, Danmörku og Svíþjóð. Tilkynnt var um nýja starfsstöð hér á landi í nóvember síðastliðnum. 

Vistaskipti Sjávarútvegur Fiskeldi Matvælaframleiðsla


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið