Flúði eftir fjársvik og nú talinn njósnari Rússa Samúel Karl Ólason skrifar 16. desember 2023 14:41 Jan Marsalek er eftirlýstur í Þýskalandi en hann flúði til Rússlands árið 2020 eftir að tæpir tveir milljarðar dala hurfu úr sjóðum fyrirtækisins Wirecard í einhverju stærsta fjársvikamáli Evrópu. Hann er nú talinn hafa starfað lengi fyrir leyniþjónustur Rússlands. EPA/CLEMENS BILAN Jan Marsalek, fyrrverandi rekstrarstjóri þýska greiðslumiðlunarfyrirtækisins Wirecard, er grunaður um að hafa stolið tveimur milljörðum dala úr reikningum fyrirtækisins. Skömmu eftir að ljóst var að peningarnir voru horfnir, í júní 2020, steig Marsalek upp í einkaflugvél í Austurríki og var honum flogið til Belarús. Það var honum ekið til Moskvu, þar sem hinn 43 ára gamli Marsalek fékk rússneskt vegabréf á nýju nafni. Innan leyniþjónusta Vesturlanda er nú samhljómur um að Marsalek hafi í um það bil tíu ár verið njósnari fyrir Rússa. Samkvæmt Wall Street Journal er hann grunaður um að hafa notað Wirecard til að hjálpa leyniþjónustum Rússlands með að flytja fé með ólöglegum hætti til að styðja við leynilegar aðgerðir þeirra um heiminn allan. Yfirvöld í Bretlandi saka Marsalek um að hafa stýrt fimm Búlgurum að njósnum í Bretlandi frá 2020 til 2023. Hann er sagður hafa skipað mönnunum að safna upplýsingum um fólk með því markmiði að ræna þeim síðar. Marsalek er nú með aðsetur í Dubaí, í Sameinuðu arabísku furstadæmunum, þar sem hann vinnur að því fyrir hönd yfirvalda í Rússlandi, að því að endurbyggja viðskiptaveldi rússneska auðjöfursins Jevgení Prígósjín í Afríku. Það er þrátt fyrir að hann sé á lista Interpol yfir heimsins eftirlýstustu menn. Hann er einnig sagður hafa aðstoðað Prígósjín áður en auðjöfurinn gerði skammlífa uppreisn gegn Vladimír Pútín, forseta Rússlands, og dó svo nokkru síðar þegar sprenging varð um borð í flugvél hans skammt frá Moskvu. Notaði fyrirtækið til að hjálpa Rússum Heimildarmenn WSJ segja Marsalek hafa á árum áður notað Wirecard til aðstoða GRU, leyniþjónustu rússneska hersins, og SVR, leyniþjónustu Rússlands sem sér um aðgerðir á erlendri grundu. Hann mun hafa aðstoðað þessar stofnanir meðal annars með því að greiða útsendurum og flytja peninga til átakasvæða í Mið-Austurlöndum og í Afríku. Á sama tíma er Marsalek grunaður um að hafa safnað upplýsingum fyrir Rússa um aðra viðskiptavini Wirecard, eins og opinberar stofnanir í Þýskalandi eins og leyniþjónustu landsins og alríkislögreglu. Saksóknarar gerðu árið 2021 húsleit í fjármála- og dómsmálaráðuneytum Þýskalands vegna rannsóknar á hruni Wirecard. Rannsóknin var á sínum tíma sögð beinist að ásökunum um að fjármáladeild fjármálaráðuneytis Þýskalands hafi fengið fyrirmæli um að hunsa tilkynningar banka um grunsamlegar peningafærslur til Afríku. Wirecard byrjaði sem greiðslumiðlunarfyrirtæki fyrir klámsíður en varð mjög umfangsmikið í greiðslumiðlun á netinu á nokkrum árum. Þegar mest var er fyrirtækið sagt hafa séð um 140 milljarða dala greiðslur á ári fyrir hundruð þúsunda viðskiptavina. Fyrirtækið varð þó gjaldþrota árið 2020 eftir að endurskoðendur fyrirtækisins sögðu tæpa tvo milljarða dala ekki finnast á reikningum þess. Markus Braun, forstjóri fyrirtækisins, hefur verið ákærður vegna málsins, sem lýst hefur verið sem einhverju stærsta fjársvikamáli Evrópu. Hann segist saklaus en réttarhöld gegn honum standa yfir um þessar mundir. Leigðu glæsihýsi á fimm milljónir á mánuði Á hátindi fyrirtækisins er Marselek sagður hafa lifað eins og kóngur. Hann leigði glæsihýsi Munchen í 38 þúsund dali á mánuði, sem samsvarar rúmum fimm milljónum, miðað við gengið í dag. Þá flakkaði hann um heiminn á einkaþotu. Hann átti það til að sýna fólki mynd af sér með leikaranum Leonardo DiCaprio í Frakklandi og aðra af sér og Khalifa Haftar, stríðsherra í Líbíu. Þá stóð stytta af Vladimír Pútín á skrifborði hans í Munchen. Marsalek fæddist í Klosterneuburg nærri Vínarborg í Austurríki árið 1980. Faðir hans hét Hans Marsalek og var kommúnisti frá Tékklandi, þar sem hann barðist á árum áður gegn hersetu nasista. Marsalek kom að stofnun leyniþjónustu Austurríkis en sagnfræðingar þar í landi fundu í fyrra gögn sem benda til þess að Hans Maralek hafi leikið tveimur skjöldum og verið útsendari Sovétríkjanna. Þýskaland Rússland Austurríki Bretland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þetta breytti mér mjög mikið sem persónu“ Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent „Eldgosið virðist í andarslitrunum“ Innlent Bíll logaði í Vesturbænum Innlent Slagsmál enduðu með nefbroti Innlent Forsetavaktin 2024: Hver verður sjöundi forseti lýðveldisins? Innlent „Skrímsladeildin“ hafi skorið upp herör gegn mótframbjóðendum Katrínar Innlent Fleiri fréttir Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Sjá meira
Það var honum ekið til Moskvu, þar sem hinn 43 ára gamli Marsalek fékk rússneskt vegabréf á nýju nafni. Innan leyniþjónusta Vesturlanda er nú samhljómur um að Marsalek hafi í um það bil tíu ár verið njósnari fyrir Rússa. Samkvæmt Wall Street Journal er hann grunaður um að hafa notað Wirecard til að hjálpa leyniþjónustum Rússlands með að flytja fé með ólöglegum hætti til að styðja við leynilegar aðgerðir þeirra um heiminn allan. Yfirvöld í Bretlandi saka Marsalek um að hafa stýrt fimm Búlgurum að njósnum í Bretlandi frá 2020 til 2023. Hann er sagður hafa skipað mönnunum að safna upplýsingum um fólk með því markmiði að ræna þeim síðar. Marsalek er nú með aðsetur í Dubaí, í Sameinuðu arabísku furstadæmunum, þar sem hann vinnur að því fyrir hönd yfirvalda í Rússlandi, að því að endurbyggja viðskiptaveldi rússneska auðjöfursins Jevgení Prígósjín í Afríku. Það er þrátt fyrir að hann sé á lista Interpol yfir heimsins eftirlýstustu menn. Hann er einnig sagður hafa aðstoðað Prígósjín áður en auðjöfurinn gerði skammlífa uppreisn gegn Vladimír Pútín, forseta Rússlands, og dó svo nokkru síðar þegar sprenging varð um borð í flugvél hans skammt frá Moskvu. Notaði fyrirtækið til að hjálpa Rússum Heimildarmenn WSJ segja Marsalek hafa á árum áður notað Wirecard til aðstoða GRU, leyniþjónustu rússneska hersins, og SVR, leyniþjónustu Rússlands sem sér um aðgerðir á erlendri grundu. Hann mun hafa aðstoðað þessar stofnanir meðal annars með því að greiða útsendurum og flytja peninga til átakasvæða í Mið-Austurlöndum og í Afríku. Á sama tíma er Marsalek grunaður um að hafa safnað upplýsingum fyrir Rússa um aðra viðskiptavini Wirecard, eins og opinberar stofnanir í Þýskalandi eins og leyniþjónustu landsins og alríkislögreglu. Saksóknarar gerðu árið 2021 húsleit í fjármála- og dómsmálaráðuneytum Þýskalands vegna rannsóknar á hruni Wirecard. Rannsóknin var á sínum tíma sögð beinist að ásökunum um að fjármáladeild fjármálaráðuneytis Þýskalands hafi fengið fyrirmæli um að hunsa tilkynningar banka um grunsamlegar peningafærslur til Afríku. Wirecard byrjaði sem greiðslumiðlunarfyrirtæki fyrir klámsíður en varð mjög umfangsmikið í greiðslumiðlun á netinu á nokkrum árum. Þegar mest var er fyrirtækið sagt hafa séð um 140 milljarða dala greiðslur á ári fyrir hundruð þúsunda viðskiptavina. Fyrirtækið varð þó gjaldþrota árið 2020 eftir að endurskoðendur fyrirtækisins sögðu tæpa tvo milljarða dala ekki finnast á reikningum þess. Markus Braun, forstjóri fyrirtækisins, hefur verið ákærður vegna málsins, sem lýst hefur verið sem einhverju stærsta fjársvikamáli Evrópu. Hann segist saklaus en réttarhöld gegn honum standa yfir um þessar mundir. Leigðu glæsihýsi á fimm milljónir á mánuði Á hátindi fyrirtækisins er Marselek sagður hafa lifað eins og kóngur. Hann leigði glæsihýsi Munchen í 38 þúsund dali á mánuði, sem samsvarar rúmum fimm milljónum, miðað við gengið í dag. Þá flakkaði hann um heiminn á einkaþotu. Hann átti það til að sýna fólki mynd af sér með leikaranum Leonardo DiCaprio í Frakklandi og aðra af sér og Khalifa Haftar, stríðsherra í Líbíu. Þá stóð stytta af Vladimír Pútín á skrifborði hans í Munchen. Marsalek fæddist í Klosterneuburg nærri Vínarborg í Austurríki árið 1980. Faðir hans hét Hans Marsalek og var kommúnisti frá Tékklandi, þar sem hann barðist á árum áður gegn hersetu nasista. Marsalek kom að stofnun leyniþjónustu Austurríkis en sagnfræðingar þar í landi fundu í fyrra gögn sem benda til þess að Hans Maralek hafi leikið tveimur skjöldum og verið útsendari Sovétríkjanna.
Þýskaland Rússland Austurríki Bretland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þetta breytti mér mjög mikið sem persónu“ Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent „Eldgosið virðist í andarslitrunum“ Innlent Bíll logaði í Vesturbænum Innlent Slagsmál enduðu með nefbroti Innlent Forsetavaktin 2024: Hver verður sjöundi forseti lýðveldisins? Innlent „Skrímsladeildin“ hafi skorið upp herör gegn mótframbjóðendum Katrínar Innlent Fleiri fréttir Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Sjá meira