Félag Sverris sem bauð 95 prósenta fasteignalán gjaldþrota Jón Þór Stefánsson skrifar 30. nóvember 2023 13:31 Sverrir Einar Eiríksson var með tíu íbúðir á Kársnesinu til sölu og bauð þær á 95 prósent láni. Vísir/Vilhelm Þak, byggingafélag ehf. er gjaldþrota. Héraðsdómur Reykjavíkur úrskurðaði um það í síðustu viku, og nú eru þeir sem telja sig eiga eignir, skuldir eða önnur réttindi á hendur búinu hvattir til að lýsa kröfum sínum yfir. Sverrir Einar Eiríksson, eigandi Nýju vínbúðarinnar og skemmtistaðarins B, var eigandi Þaks, en félagið vakti athygli árið 2017. Þá hóf það sölu á tíu íbúðum á Kársnesbraut í Kópavogi. Stærð íbúðanna voru 29 til 47 fermetrar og söluverðið á bilinu sextán til 24 milljónir króna. Fólki bauðst að fjármagna kaupin með allt að 95 prósent láni. Kaupendur þurftu því einungis að reiða fram fimm prósent kaupverðsins. Óttaðist ekki að fólk gæti ekki borgað Þegar málið var til umfjöllunar á sínum tíma var bent á að hámarkslánshlutfall stóru viðskiptabankanna væri 80 til 85 prósent. Kaupendum var boðið að taka slíkt lán og síðan viðbótarlán frá Þaki, upp á tíu til fimmtán prósent. „Þetta var nú bara hugsað sem valkostur fyrir þá sem eiga kannski erfitt með að komast inn á íbúðamarkaðinn. Þetta er auðvitað val hvers og eins hvort hann taki þetta viðbótarlán, en þetta auðveldar tvímælalaust fyrstu kaup,“ sagði Sverrir í kvöldfréttum Stöðvar 2 um lánin á sínum tíma. Hann sagðist alls ekki óttast að fólk myndi ekki geta staðið undir afborgunum. Samkvæmt útreikningum Þaks væri talsvert ódýrara að greiða af 95 prósent láni en leigu. „Ef fólk getur borgað leigu þá ætti það að geta borgað þessi lán.“ Fjármálaráðherra lítið spenntur Uppátæki byggingafélagsins vöktu athygli. Til að mynda sagði Benedikt Jóhannesson, þáverandi fjármálaráðherra, að ekki væri um að ræða skynsamlega lausn. „Þetta er að minnsta kosti hættuleg þróun fyrir lántakendur. Ég held það sé mjög mikilvægt að þegar fólk kaupir sína fyrstu eign þá eigi menn eitthvað eiginfé. Það er bara mjög skynsamlegt að byrja sín kaup þannig,“ sagði Benedikt. B og Nýja vínbúðin í sviðsljósinu Líkt og áður segir er Sverrir nú eigandi Nýju vínbúðarinnar og skemmtistaðarins B, en bæði hafa verið áberandi í fréttum síðustu misseri. Í sumar var greint frá því að Neytendastofa hefði sektað Nýju vínbúðina um 750 þúsund krónur fyrir að brjóta gegn ákvörðun stofnunarinnar með því að bregðast ekki við tilmælum hennar um að gera breytingar á vefsíðu sinni. Þá kom fram að yrðu viðeigandi breytingar ekki gerðar innan fjórtán daga yrði félaginu gert a greiða 100 þúsund króna dagsektir. Á vefsíðunni var fullyrt að verð Nýju vínbúðarinnar væru allt að fjörutíu prósent ódýrari. Neytendastofa sagði að um væri að ræða villandi upplýsingar og að fullyrðingarnar væru ósannaðar. Skemmtistaðurinn B, sem er í sama húsnæði og Bankastræti Club og B5 voru áður, var sviptur starfsleyfi tímabundið í lok október. Sýslumaður afturkallaði starfsleyfið vegna tilkynninga frá lögreglu um að á staðnum hafi á tilteknum dögum verið of margir gestir. Þá hafi ungmenni undir aldri verið meðal gesta. „Við vitum upp á okkur sökina í einu tilviki að of margir hafi verið inni á staðnum og brugðumst við til að það kæmi ekki fyrir aftur. En okkur finnst hart að fá refsingu fyrir að sjá í einhverjum tilvikum ekki í gegn um fölsuð skilríki ungmenna. Okkur er enginn akkur í að hafa krakka inni á staðnum. Við mótmæltum þessari ákvörðun sýslumanns og teljum of langt gengið í sviptingu starfsleyfisins, sér í lagi ef í ljós kemur að lögreglan hafi farið offari í eftirlitsaðgerðum sínum á staðnum,“ sagði Sverrir Einar í tilkynningu vegna afturköllunarinnar. Hann hefur átt í deilum við lögregluna í máli sem varðar B. Í september senti hann lögreglustjóranum á höfuðborgarsvæðinu formlega kvörtun vegna handtöku á sjálfum sér. Árið 2017, þegar Þak, byggingafélag var hvað mest áberandi fór fréttastofa yfir ferill Sverris. Gull og demantaviðskipti hans í Síerra Leóne báru á góma, sem og pizzustaðurinn Gamla smiðjan. Húsnæðismál Íslenskir bankar Gjaldþrot Kópavogur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Davíð Tómas ráðinn framkvæmdastjóri Viðskipti innlent Einar hættir með Grillbúðina Viðskipti innlent Rekstrarafkoma Sýnar ekki ásættanleg Viðskipti innlent Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent Hætta skerðingum til stórnotenda Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Fleiri fréttir Rekstrarafkoma Sýnar ekki ásættanleg Einar hættir með Grillbúðina Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Sjá meira
Sverrir Einar Eiríksson, eigandi Nýju vínbúðarinnar og skemmtistaðarins B, var eigandi Þaks, en félagið vakti athygli árið 2017. Þá hóf það sölu á tíu íbúðum á Kársnesbraut í Kópavogi. Stærð íbúðanna voru 29 til 47 fermetrar og söluverðið á bilinu sextán til 24 milljónir króna. Fólki bauðst að fjármagna kaupin með allt að 95 prósent láni. Kaupendur þurftu því einungis að reiða fram fimm prósent kaupverðsins. Óttaðist ekki að fólk gæti ekki borgað Þegar málið var til umfjöllunar á sínum tíma var bent á að hámarkslánshlutfall stóru viðskiptabankanna væri 80 til 85 prósent. Kaupendum var boðið að taka slíkt lán og síðan viðbótarlán frá Þaki, upp á tíu til fimmtán prósent. „Þetta var nú bara hugsað sem valkostur fyrir þá sem eiga kannski erfitt með að komast inn á íbúðamarkaðinn. Þetta er auðvitað val hvers og eins hvort hann taki þetta viðbótarlán, en þetta auðveldar tvímælalaust fyrstu kaup,“ sagði Sverrir í kvöldfréttum Stöðvar 2 um lánin á sínum tíma. Hann sagðist alls ekki óttast að fólk myndi ekki geta staðið undir afborgunum. Samkvæmt útreikningum Þaks væri talsvert ódýrara að greiða af 95 prósent láni en leigu. „Ef fólk getur borgað leigu þá ætti það að geta borgað þessi lán.“ Fjármálaráðherra lítið spenntur Uppátæki byggingafélagsins vöktu athygli. Til að mynda sagði Benedikt Jóhannesson, þáverandi fjármálaráðherra, að ekki væri um að ræða skynsamlega lausn. „Þetta er að minnsta kosti hættuleg þróun fyrir lántakendur. Ég held það sé mjög mikilvægt að þegar fólk kaupir sína fyrstu eign þá eigi menn eitthvað eiginfé. Það er bara mjög skynsamlegt að byrja sín kaup þannig,“ sagði Benedikt. B og Nýja vínbúðin í sviðsljósinu Líkt og áður segir er Sverrir nú eigandi Nýju vínbúðarinnar og skemmtistaðarins B, en bæði hafa verið áberandi í fréttum síðustu misseri. Í sumar var greint frá því að Neytendastofa hefði sektað Nýju vínbúðina um 750 þúsund krónur fyrir að brjóta gegn ákvörðun stofnunarinnar með því að bregðast ekki við tilmælum hennar um að gera breytingar á vefsíðu sinni. Þá kom fram að yrðu viðeigandi breytingar ekki gerðar innan fjórtán daga yrði félaginu gert a greiða 100 þúsund króna dagsektir. Á vefsíðunni var fullyrt að verð Nýju vínbúðarinnar væru allt að fjörutíu prósent ódýrari. Neytendastofa sagði að um væri að ræða villandi upplýsingar og að fullyrðingarnar væru ósannaðar. Skemmtistaðurinn B, sem er í sama húsnæði og Bankastræti Club og B5 voru áður, var sviptur starfsleyfi tímabundið í lok október. Sýslumaður afturkallaði starfsleyfið vegna tilkynninga frá lögreglu um að á staðnum hafi á tilteknum dögum verið of margir gestir. Þá hafi ungmenni undir aldri verið meðal gesta. „Við vitum upp á okkur sökina í einu tilviki að of margir hafi verið inni á staðnum og brugðumst við til að það kæmi ekki fyrir aftur. En okkur finnst hart að fá refsingu fyrir að sjá í einhverjum tilvikum ekki í gegn um fölsuð skilríki ungmenna. Okkur er enginn akkur í að hafa krakka inni á staðnum. Við mótmæltum þessari ákvörðun sýslumanns og teljum of langt gengið í sviptingu starfsleyfisins, sér í lagi ef í ljós kemur að lögreglan hafi farið offari í eftirlitsaðgerðum sínum á staðnum,“ sagði Sverrir Einar í tilkynningu vegna afturköllunarinnar. Hann hefur átt í deilum við lögregluna í máli sem varðar B. Í september senti hann lögreglustjóranum á höfuðborgarsvæðinu formlega kvörtun vegna handtöku á sjálfum sér. Árið 2017, þegar Þak, byggingafélag var hvað mest áberandi fór fréttastofa yfir ferill Sverris. Gull og demantaviðskipti hans í Síerra Leóne báru á góma, sem og pizzustaðurinn Gamla smiðjan.
Húsnæðismál Íslenskir bankar Gjaldþrot Kópavogur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Davíð Tómas ráðinn framkvæmdastjóri Viðskipti innlent Einar hættir með Grillbúðina Viðskipti innlent Rekstrarafkoma Sýnar ekki ásættanleg Viðskipti innlent Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent Hætta skerðingum til stórnotenda Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Fleiri fréttir Rekstrarafkoma Sýnar ekki ásættanleg Einar hættir með Grillbúðina Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Sjá meira