„Eitthvað sem við getum ekki samþykkt og þessu verður að linna“

Helena Rós Sturludóttir skrifar 7. október 2023 12:13

Gunnar Örn Petersen er framkvæmdastjóri Landssambands veiðifélaga og einn skipuleggjanda mótmælanna í dag. Landssamband veiðifélaga

Framkvæmdastjóri Landssambands veiðifélaga býst við miklu fjölmenni á Austurvelli í dag þegar sjókvíaeldi verður mótmælt. Síðasta slysaslepping hjá Arctic Fish og afleiðingar hennar hafi fyllt mælinn og þessu verði að linna. Sýnt verður frá mótmælunum í beinni á Vísi á eftir.

Boðað hefur verið til samstöðumótmæla gegn sjókvíaeldi á Austurvelli klukkan þrjú í dag. Þar er gert ráð fyrir að bændur, landeigendur og almenningur muni fjölmenna.

Nýlega var greint frá því þegar þrjú þúsund og fimm hundruð frjóir norskir eldislaxar sluppu úr kví Arctic Fish í Patreksfirði og hafa þeir fundist í laxveiðiám víða um land í kjölfarið. Gunnar Örn Petersen, framkvæmdastjóri Landssambands veiðifélaga og einn skipuleggjanda, segir þjóðina hafa fengið nóg.

„Við erum í rauninni að mótmæla sjókvíaeldi og þeim aðferðum sem er beitt við sjókvíaeldi í dag. Það er í rauninni 65 prósent þjóðarinnar sem er á móti þessum mengandi iðnaði og þjóðin er í rauninni bara búin að fá nóg og þess vegna erum við að mótmæla. Þjóðin ætlar að tjá ráðamönnum hug sinn,“ segir Gunnar.

Mótmælin snúist fyrst og fremst um verndun villtra laxastofna og náttúruna. Afleiðingar síðustu slysasleppingar séu mjög alvarlega og hreinsunarstarf í fullum gangi.

„Þetta er náttúrulega ekki stærsta slepping sem hefur orðið en hegðun þessara fiska var þannig að þeir gengu í svo miklu magni upp árnar okkar þannig að það verður svo augljóst hverjar afleiðingarnar verða. Það er verið að vinna að því nótt og dag að hreinsa árnar. Þetta er eitthvað sem við getum ekki samþykkt og þessu verður bara að linna,“ segir Gunnar jafnframt.

Hann vonist til að lagasetningu í greininni verði breytt. „Auðvitað er kannski ekki hægt að loka öllum sjókvíaeldum á morgun en að þetta gerist hratt og örugglega.“

Sjókvíaeldi Fiskeldi Stangveiði

Tengdar fréttir

Skilur mótmælin en segir málið ekki svart og hvítt

Framkvæmdastjóri fiskeldisfyrirtækis á Vestfjörðum fagnar nýrri stefnu matvælaráðherra sem kveður á um aukið eftirlit og harðari reglur í lagareldi. Hann segist vel skilja þá sem stefna á mótmæli gegn sjókvíaeldi en minnir fólk á að málið sé ekki svart og hvítt.

7. október 2023 10:48

Sjókvíaeldi mótmælt við Austurvöll á morgun

Á morgun kl 15:00 verða mótmæli við Austurvöll þar sem sjókvíaeldi á laxi við landið verður mótmælt.

6. október 2023 10:33

Ef þið megið veiða og sleppa þá megum við setja tug milljóna norskra eldislaxa í ótryggar opnar sjókvíar út um allt land!

Það er óhætt að segja að sjókvíaeldisiðnaðurinn á Íslandi hefur átt undir mikið högg að sækja undanfarið. Nýjasta mengunarslys norska sjókvíaeldisfyrirtækisins Artic Fish hefur haft skelfilegar afleiðingar í för með sér og í dag er með öllu óljóst hversu alvarlegar afleiðingarnar verða. Það mun koma í ljós við erfðafræðirannsóknir á komandi árum.

5. október 2023 16:00

Skráning Arnarlax „skref í að ná meiri samfélagslegri sátt“ um laxeldi

Það er ekki á hverjum degi sem fyrirtæki á Bíldudal er skráð á hlutabréfamarkað, sagði forstjóri Arnarlax við skráningu laxeldsins á markað. „Þetta er skref í að ná meiri samfélagslegri sátt um það sem við erum að gera.“

3. október 2023 16:00

Augljóslega mikil andstaða hjá veiðimönnum við sjókvíaeldi

Veiðimenn á landinu hafa verið að sýna sterka samstöðu gegn sjókvíaeldi og flestir eru því algjörlega sammála að nýlegar slysasleppingar séu dropinn sem fyllir mælinn.

3. október 2023 09:43

Krefjast tafarlausra aðgerða Umhverfisstofnunar vegna brota Arctic Sea Farm

Samtökin Náttúrugrið hafa sent kröfu á Umhverfisstofnun um tafarlausar aðgerðir vegna ætlaðs brots Arctic Sea Farm, sem samtökin segja eitt alvarlegasta umhverfisbrot sem upp hefur komið hér á landi.

26. september 2023 12:28

Götóttar kvíar og enn lekara regluverk

Á Louisiana safninu í Danmörku er þetta risastóra verk eftir afríska listamenn - netamöskvar með gati í miðjunni. Því miður tengir maður strax við umhverfisslysið í Patreksfirði þar sem hátt í 4000 laxar sluppu út um gat á sjókví.

25. september 2023 07:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.