Erlent

Á­fram ein­hverjar tafir vegna bilunar á He­at­hrow

Telma Tómasson skrifar
Töluverð röskun varð á flugi í gær og mun áhrifanna gæta áfram í dag.
Töluverð röskun varð á flugi í gær og mun áhrifanna gæta áfram í dag. AP/Alberto Pezzali

Flugmálayfirvöld í Bretlandi vara við því að enn kunni að verða einhverjar tafir á flugi til og frá Heathrow flugvelli í Lundúnum í dag en flugáætlanir fóru verulega úr skorðum í gær vegna bilunar í tölvukerfi.

Þrátt fyrir að lagfæringar hefðu verið gerðar fljótlega, varð mikil röskun á flugi frá landinu og fengu íslenskir flugfarþegar að finna fyrir því fram eftir gærdegi. 

Flugfélög hafa gefið út tilkynningar um áframhaldandi vandræði og hvetja fólk til að fylgjast vel með komum og brottförum. Easy Jet hefur látið vita af því að einhver flug verði felld niður en á vef Isavia má sjá að ferð til London Luton með félaginu frá Íslandi hefur verið aflýst í dag. 

Svo virðist þó sem önnur flug frá Íslandi til Lundúna verði farin samkvæmt áætlun, utan ein ferð Icelandair sem tefst um hálfan annan tíma, samkvæmt flugupplýsingum. 

Hundruð flugferða var frestað í gær vegna tölvubilunarinnar og þúsundir urðu strandaglópar víða um heim.

Fréttir af flugi Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið