Erlent

Minnst fjórir látnir eftir sprenginguna í Marseil­le

Vésteinn Örn Pétursson skrifar
Yfir hundrað slökkviliðsmenn hafa tekið þátt í aðgerðum í og við húsarústirnar.
Yfir hundrað slökkviliðsmenn hafa tekið þátt í aðgerðum í og við húsarústirnar. AP

Minnst fjórir eru látnir eftir að tvö hús hrundu eftir sprengingu í Marseille aðfaranótt sunnudags.

Fréttaveitan AP-greinir frá því að tvö lík hafi fundist í húsarústunum í morgun, til viðbótar við tvö sem fundust í nótt. Björgunarfólk leitar enn nokkrra sem saknað er.

Í yfirlýsingu frá slökkviliðinu í Marseille kemur fram að nú taki við vinna við að bera kennsl á hin látnu. 

Olivier Klein, borga- og húsnæðismálaráðherra Frakklands, segir að vonin um að finna fólk á lífi sé ekki slokknuð.

„Þetta er mikil nákvæmnisvinna hjá slökkviliðinu,“ bætti hann við, og vísar þar til hættunnar á að nærliggjandi hús hrynji. Yfir hundrað slökkviliðsmenn hafa tekið þátt í leitar- og björgunarstarfi.

Frakkland

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið