Viðskipti innlent

Guð­björg Sæunn frá Veitum til Eininga­verk­smiðjunnar

Eiður Þór Árnason skrifar
Guðbjörg Sæunn Friðriksdóttir kemur frá Veitum.
Guðbjörg Sæunn Friðriksdóttir kemur frá Veitum. Aðsend

Guðbjörg Sæunn Friðriksdóttir hefur verið ráðin framkvæmdastjóri Einingaverksmiðjunnar ehf. Hún tekur við af Sigurbirni Óla Ágústssyni sem hefur gegnt starfinu síðustu 28 ár.

Guðbjörg tekur við stjórnartaumunum 22. febrúar og verður Sigurbjörn eigendum og stjórnendum til ráðgjafar fram eftir árinu. Þetta kemur fram í tilkynningu frá fyrirtækinu.

Einingaverksmiðjan flytur um mitt ár í nýtt og mun stærra verksmiðjuhúsnæði sem er verið að reisa við Koparhellu í Hafnarfirði. Að sögn félagsins mun þar gefast tækifæri til að stórauka framleiðslugetu verksmiðjunnar til að anna aukinni eftirspurn.

Guðbjörg Sæunn kemur frá Veitum, þar sem hún var ráðin forstöðumaður fráveitu árið 2019. Hún tók svo við sviðinu Framtíðarsýn og rekstur í mars 2020 þegar skipulagi fyrirtækisins var breytt.

Guðbjörg Sæunn útskrifaðist með BS próf í rekstrarverkfræði frá Háskólanum í Reykjavík árið 2010 og með M.Sc próf í iðnaðarverkfræði frá Háskóla Íslands árið 2012. Að námi loknu hóf Guðbjörg störf á framleiðslusviði Össurar, fyrst sem ferilseigandi á CNC renniverkstæðinu þar til hún tók við öryggis- og umbótasviði framleiðslu og síðar starfaði hún sem framleiðslustjóri Sílikondeildar.

Vistaskipti Byggingariðnaður


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið