Viðskipti innlent

Flytja höfuð­stöðvarnar frá Naut­hóls­vegi á Flug­velli

Sylvía Hall skrifar
Höfuðstöðvarnar við Nauthólsveg 50 hafa verið seldar Reitum fasteignafélagi.
Höfuðstöðvarnar við Nauthólsveg 50 hafa verið seldar Reitum fasteignafélagi. Vísir/Vilhelm

Icelandair Group skrifaði í dag undir samning við fasteignafélagið Reiti um sölu á skrifstofuhúsnæði félagsins við Nauthólsveg 50. Söluverðið er tæplega 2,3 milljarðar króna, sem verður nýtt að hluta til uppgreiðslu láns sem er áhvílandi á fasteigninni og styrkja lausafjárstöðu félagsins.

Þetta kemur fram í fréttatilkynningu frá Icelandair Group síðdegis í dag. Þar kemur fram að félagið mun leigja húsnæðið til loka árs 2023 fyrir núverandi starfsemi, en stefnt er að því að flytja höfuðstöðvarnar á Flugvelli í Hafnarfirði þar sem félagið er með hluta starfsemi sinnar.

Á næstu þremur árum verður byggt við núverandi húsnæði á Flugvöllum og starfsemi félagsins í Reykjavík sameinuð þeirri sem er í Hafnarfirði.

Bogi Nils Bogason forstjóri segir að um rekstrarhagræðingu sé að ræða sem muni styrkja lausafjárstöðu félagsins á krefjandi tímum. Þá sé spennandi uppbygging fram undan sem tekur mið af þörfum starfsemi félagsins til framtíðar.

„Ég tel að sameining starfsstöðva okkar á höfuðborgarsvæðinu muni án efa stuðla að öflugra samstarfi milli deilda, meiri starfsánægju og auknum árangri. Það verður jafnframt ótvíræður kostur að færa höfuðstöðvar félagsins nær Keflavíkurflugvelli,“ er haft eftir Boga í fréttatilkynningu.

Ársuppgjör félagsins verður birt þann 8. febrúar 2021 þar sem nánar verður gert grein fyrir sölunni.

Icelandair Reykjavík Hafnarfjörður Fréttir af flugi


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið