Stöðugt símaat eftir blaðamannafundinn fer í taugarnar á eiganda klámbúðarinnar Tryggvi Páll Tryggvason skrifar 8. nóvember 2020 21:05 Eins og sjá má er umhverfið í kringum klámbúðina ekkert sérstaklega heillandi. Nokkrum tugum metra til vinstri er Four Seasons Total Landscaping staðsett. Mynd/Google Maps Starfsmenn garðyrkjufyrirtækisins Four Seasons Total Landscaping í Philadelphiu í Bandaríkjunum skilja enn hvorki upp né niður af hverju bílastæði fyrirtækisins varð fyrir valinu á blaðamannafundi Rudy Giuliani, lögmanns Donald Trump Bandaríkjaforseta, í gær. Eigandi klámbúðarinnar við hliðina á garðyrkjufyrirtækinu segist pirraður á stöðugu símaati eftir fundinn. Blaðamannafundur Giuliani í gær þar sem hann fór yfir hvernig framboð Donald Trump ætlar að lögsækja sér leið til áframhaldandi veru í Hvíta húsinu hefur vakið gríðarmikla athygli, og þá helst fyrir staðsetningu og þann misskilning sem sagður er hafa átt sér stað varðandi hana, líkt og Vísir fór yfir í gær. New York Times segir að planið hafi verið að vera utan alfaraleiðar Fjölmiðlar í Bandaríkjunum hafa reynt að komast til botns í því af hverju fundurinn var haldinn á bílastæði í iðnaðarhverfi í Philadelphiu fyrir utan húsnæði lítils garðyrkjufyrirtækis. Fáir hafa komist til botns í því en New York Times hefur greint frá því að skipuleggjendurnir hafi alltaf ætlað sér að halda umræddan fund á stað sem væri vilhallari undir Trump en aðrir staðir í borginni. Þannig hafi framboðið áður lent í vandræðum með að halda fundi í miðborg borgarinnar, því stuðningsmenn Joe Biden, mótframbjóðanda Trumps, hafi fjölmennt og látið vel í sér heyra. Brenndu sig á plötusnúði vopnuðum tónlist Beyoncé Þannig kemur fram í mola Times að fyrr í vikunni hafi nærliggjandi plötusnúði tekist að trufla fund framboðsins í miðborg Philadelphiu með því að spila tónlist eftir Beyoncé svo hátt að ekki hafi heyrst orð af því sem starfsmaður framboðsins sagði í ræðu á fundinum. Því hafi ekki verið gerð mistök við skipulagningu blaðamannafundarins en því var velt upp eftir að Trump tilkynnti að halda ætti blaðamannafund á Four Seasons í Philadelphiu. Four Seasons er þekkt hótelkeðja og líklega má þar finna sal sem hefði mögulega hentað betur en bílastæðið hjá umræddu garðyrkjufyrirtæki. Trump, a hotelier at heart, announces a press conference at Philadelphia's "Four Seasons" at 11, before specifying it's at Four Seasons Total Landscaping at 11:30. pic.twitter.com/HmTIPeukNG— Josh Wingrove (@josh_wingrove) November 7, 2020 Nokkru síðar tilkynnti Trump að fundurinn yrði haldinn hjá Four Seasons Total Landscaping. Í mola Times segir að mögulega hafi eitthvað skolast til þegar Trump var látinn vita hvar fundurinn yrði, því aldrei hafi verið ætlunin að halda hann á Four Seasons hótelinu, af fyrrgreindum ástæðum. Eigendurnir stoltir en starfsmenn botna ekkert í þessu Staðarblaðið í Philadelpiu, Philadelphia Inquirer, hefur einnig reynt að komast til botns í málinu og ræddu blaðamenn blaðsins við starfsmenn garðyrkjufyrirtækisins sem og eiganda klámbúðarinnar sem er við hliðina á garðyrkjufyrirtækinu. Kevin Moran, verkstjóri hjá fyrirtækinu segist í samtali við Inquirer að eigandi fyrirtækisins hafi fengið símtalið frá starfsmönnum framboðs Trump í gær um hvort hægt væri að halda fundinn þar. Segir Moran að starfsmennirnir telji að áhuginn hafi fyrst og fremst legið í því að bílastæðið væri afgirt og öruggt. Bætti hann því við að fullt af fyrirtækjum í borginni bæru nafn Four Seasons, þar á meðal tvö garðyrkjufyrirtæki. „Við erum Total, en hitt, ég held að það sé bara landscaping“, er haft eftir Moran í frétt Inquirer. Eigendurnir segjast aftur á móti vera stoltir af áhuganum sem framboð Trump hafi sýnt og að þeir myndu hýsa hvaða framboð sem er. Staðsetning fundarins hefur einnig vakið athygli fyrir þær sakir að í næsta húsi er klámverslun. Þar ræddu blaðamenn Inquirer við eiganda verslunarinnar, sem er ekki skemmt. Sagði hann að frá því í gær hafi símtölunum rignt inn, og ekki til að spyrja um þær vörur og þjónustu sem verslunin býður upp á. Nei, símtölunum rignir inn til þess að spyrja hvort að Rudy Giuliani sé á svæðinu. Since I couldn’t get in to the Trump press conference, I went to Fantasy Island next door. Zarif Jacob, an ex-architect, could not fathom why the presser was near his shop—or even happening. “He lost. He knows he lost.” Also, people were taking up the spaces in his parking lot. pic.twitter.com/tm6coyeBCb— dhm (@dhm) November 7, 2020 Og það sem fer ef til vill helst í taugarnar á honum er að hinn aukni áhugi á svæðinu hefur ekki fært honum auknar tekjur. Öll bílastæði hafi verið upptekin í gær vegna fundarins og í dag hafi fólk streymt á svæðið, en enginn hafi stoppað í versluninni. „Þetta er sirkus en ef ég á að vera alveg hreinskilinn þá kemur mér þetta ekki á óvart. Þetta er Trump,“ sagði eigandinn. Donald Trump Forsetakosningar í Bandaríkjunum Bandaríkin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef ekkert breytist þá erum við að fara á hausinn“ Innlent Nemandinn ákærður fyrir tilraun til manndráps Innlent Fjóla felldi hreinan meirihluta Innlent Stefna íslenska ríkinu vegna andláts tveggja ára dóttur Innlent Fjölskyldur birta myndskeið af blóðugum gíslum Hamas-liða Erlent Jón sendir valgreiðslukröfur í heimabanka stuðningsmanna sinna Innlent Enginn axli ábyrgð á mistökum sem leiddu til andláts ungra barna Innlent Segja fiskiolíu geta aukið líkurnar á gáttatifi og heilablóðfalli Erlent Annar umdeildur fáni hékk við annað hús dómara Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Aldraður eðlisfræðingur sendur í gúlagið fyrir landráð „Stöðvið stuldinn“-fáni á lóð dómara eftir árásina á þinghúsið Mynd fer á flug í kjölfar tilrauna til að láta fjarlægja hana Sjá meira
Starfsmenn garðyrkjufyrirtækisins Four Seasons Total Landscaping í Philadelphiu í Bandaríkjunum skilja enn hvorki upp né niður af hverju bílastæði fyrirtækisins varð fyrir valinu á blaðamannafundi Rudy Giuliani, lögmanns Donald Trump Bandaríkjaforseta, í gær. Eigandi klámbúðarinnar við hliðina á garðyrkjufyrirtækinu segist pirraður á stöðugu símaati eftir fundinn. Blaðamannafundur Giuliani í gær þar sem hann fór yfir hvernig framboð Donald Trump ætlar að lögsækja sér leið til áframhaldandi veru í Hvíta húsinu hefur vakið gríðarmikla athygli, og þá helst fyrir staðsetningu og þann misskilning sem sagður er hafa átt sér stað varðandi hana, líkt og Vísir fór yfir í gær. New York Times segir að planið hafi verið að vera utan alfaraleiðar Fjölmiðlar í Bandaríkjunum hafa reynt að komast til botns í því af hverju fundurinn var haldinn á bílastæði í iðnaðarhverfi í Philadelphiu fyrir utan húsnæði lítils garðyrkjufyrirtækis. Fáir hafa komist til botns í því en New York Times hefur greint frá því að skipuleggjendurnir hafi alltaf ætlað sér að halda umræddan fund á stað sem væri vilhallari undir Trump en aðrir staðir í borginni. Þannig hafi framboðið áður lent í vandræðum með að halda fundi í miðborg borgarinnar, því stuðningsmenn Joe Biden, mótframbjóðanda Trumps, hafi fjölmennt og látið vel í sér heyra. Brenndu sig á plötusnúði vopnuðum tónlist Beyoncé Þannig kemur fram í mola Times að fyrr í vikunni hafi nærliggjandi plötusnúði tekist að trufla fund framboðsins í miðborg Philadelphiu með því að spila tónlist eftir Beyoncé svo hátt að ekki hafi heyrst orð af því sem starfsmaður framboðsins sagði í ræðu á fundinum. Því hafi ekki verið gerð mistök við skipulagningu blaðamannafundarins en því var velt upp eftir að Trump tilkynnti að halda ætti blaðamannafund á Four Seasons í Philadelphiu. Four Seasons er þekkt hótelkeðja og líklega má þar finna sal sem hefði mögulega hentað betur en bílastæðið hjá umræddu garðyrkjufyrirtæki. Trump, a hotelier at heart, announces a press conference at Philadelphia's "Four Seasons" at 11, before specifying it's at Four Seasons Total Landscaping at 11:30. pic.twitter.com/HmTIPeukNG— Josh Wingrove (@josh_wingrove) November 7, 2020 Nokkru síðar tilkynnti Trump að fundurinn yrði haldinn hjá Four Seasons Total Landscaping. Í mola Times segir að mögulega hafi eitthvað skolast til þegar Trump var látinn vita hvar fundurinn yrði, því aldrei hafi verið ætlunin að halda hann á Four Seasons hótelinu, af fyrrgreindum ástæðum. Eigendurnir stoltir en starfsmenn botna ekkert í þessu Staðarblaðið í Philadelpiu, Philadelphia Inquirer, hefur einnig reynt að komast til botns í málinu og ræddu blaðamenn blaðsins við starfsmenn garðyrkjufyrirtækisins sem og eiganda klámbúðarinnar sem er við hliðina á garðyrkjufyrirtækinu. Kevin Moran, verkstjóri hjá fyrirtækinu segist í samtali við Inquirer að eigandi fyrirtækisins hafi fengið símtalið frá starfsmönnum framboðs Trump í gær um hvort hægt væri að halda fundinn þar. Segir Moran að starfsmennirnir telji að áhuginn hafi fyrst og fremst legið í því að bílastæðið væri afgirt og öruggt. Bætti hann því við að fullt af fyrirtækjum í borginni bæru nafn Four Seasons, þar á meðal tvö garðyrkjufyrirtæki. „Við erum Total, en hitt, ég held að það sé bara landscaping“, er haft eftir Moran í frétt Inquirer. Eigendurnir segjast aftur á móti vera stoltir af áhuganum sem framboð Trump hafi sýnt og að þeir myndu hýsa hvaða framboð sem er. Staðsetning fundarins hefur einnig vakið athygli fyrir þær sakir að í næsta húsi er klámverslun. Þar ræddu blaðamenn Inquirer við eiganda verslunarinnar, sem er ekki skemmt. Sagði hann að frá því í gær hafi símtölunum rignt inn, og ekki til að spyrja um þær vörur og þjónustu sem verslunin býður upp á. Nei, símtölunum rignir inn til þess að spyrja hvort að Rudy Giuliani sé á svæðinu. Since I couldn’t get in to the Trump press conference, I went to Fantasy Island next door. Zarif Jacob, an ex-architect, could not fathom why the presser was near his shop—or even happening. “He lost. He knows he lost.” Also, people were taking up the spaces in his parking lot. pic.twitter.com/tm6coyeBCb— dhm (@dhm) November 7, 2020 Og það sem fer ef til vill helst í taugarnar á honum er að hinn aukni áhugi á svæðinu hefur ekki fært honum auknar tekjur. Öll bílastæði hafi verið upptekin í gær vegna fundarins og í dag hafi fólk streymt á svæðið, en enginn hafi stoppað í versluninni. „Þetta er sirkus en ef ég á að vera alveg hreinskilinn þá kemur mér þetta ekki á óvart. Þetta er Trump,“ sagði eigandinn.
Donald Trump Forsetakosningar í Bandaríkjunum Bandaríkin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef ekkert breytist þá erum við að fara á hausinn“ Innlent Nemandinn ákærður fyrir tilraun til manndráps Innlent Fjóla felldi hreinan meirihluta Innlent Stefna íslenska ríkinu vegna andláts tveggja ára dóttur Innlent Fjölskyldur birta myndskeið af blóðugum gíslum Hamas-liða Erlent Jón sendir valgreiðslukröfur í heimabanka stuðningsmanna sinna Innlent Enginn axli ábyrgð á mistökum sem leiddu til andláts ungra barna Innlent Segja fiskiolíu geta aukið líkurnar á gáttatifi og heilablóðfalli Erlent Annar umdeildur fáni hékk við annað hús dómara Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Aldraður eðlisfræðingur sendur í gúlagið fyrir landráð „Stöðvið stuldinn“-fáni á lóð dómara eftir árásina á þinghúsið Mynd fer á flug í kjölfar tilrauna til að láta fjarlægja hana Sjá meira