Handbolti

Bjarki markahæstur í Evrópusigri

Ástrós Ýr Eggertsdóttir skrifar
Bjarki Már Elísson.
Bjarki Már Elísson. vísir/getty
Bjarki Már Elísson fór fyrir Füchse Berlin í fimm marka sigri á Balatonfüredi í EHF bikarnum í handbolta í kvöld.

Bjarki var markahæstur með sjö mörk í 29-24 útisigri Berlínar á ungverska liðinu.

Gestirnir frá Berlín byrjuðu leikinn mun betur og tóku snemma forystu. Heimamenn náðu aðeins að hanga í Refunum og í hálfleik var staðan 14-16 fyrir Füchse.

Heimamenn jöfnuðu í upphafi seinni hálfleiks en sex mörk í röð frá Berlínarliðinu gerðu út um leikinn. Þegar upp var staðið munaði fimm mörkum á liðunum, 24-29.

Füchse Berlin hefur því unnið fyrstu tvo leiki sína í A-riðli keppninnar og er með fullt hús stiga á toppi riðilsins með níu mörk í plús.




Fleiri fréttir

Sjá meira


×