Innlent

Farþegi missti meðvitund á leið til Ísafjarðar

Birgir Olgeirsson skrifar
Komst farþeginn aftur til meðvitundar áður en sjúkraflutningamenn sóttu hann.
Komst farþeginn aftur til meðvitundar áður en sjúkraflutningamenn sóttu hann. Vísir/Vilhelm
Farþegi Air Iceland Connect missti meðvitund þegar vél flugfélagsins var á leið frá Reykjavíkurflugvelli til Ísafjarðarflugvallar í hádeginu í dag.

Brottför vélarinnar frá Reykjavíkurflugvelli var klukkan 12:15 en skömmu áður en hún átti að lenda á Ísafjarðarflugvelli barst starfsmönnum flugvallarins boð frá áhöfn vélarinnar að einn farþeganna hefði misst meðvitund.

Sjúkraflutningamenn voru boðaðir til Ísafjarðarflugvallar sem renndu beint upp að vélinni á flugbrautinni en þegar þeir komu að vélinni hafði farþeginn komist til meðvitundar.

Var hann fluttur til frekari skoðunar á Fjórðungssjúkrahúsið á Ísafirði.




Fleiri fréttir

Sjá meira


×