Fótbolti

Rakel skaut Reading áfram í bikarnum

Arnar Geir Halldórsson skrifar
Rakel Hönnudóttir
Rakel Hönnudóttir mynd/heimasíða reading
Rakel Hönnudóttir reyndist hetja Reading þegar liðið sló Birmingham úr keppni í 16-liða úrslitum ensku bikarkeppninnar í dag.

Rakel hóf leik á varamannabekk Reading en kom inná á 81.mínútu. Þá var staðan 1-1 þar sem Birmingham hafði nýverið jafnað leikinn eftir að Reading skoraði fyrsta mark leiksins.

Rakel var aðeins búin að vera inná í rúmar tvær mínútur þegar hún kom Reading í 2-1 og reyndist það sigurmark leiksins. Í uppbótartíma nældi Rakel sér svo í gult spjald en það kom ekki að sök og Reading komið áfram.

Þetta var þriðji leikur Rakelar fyrir félagið en hún gekk nýverið í raðir þess og hefur heldur betur komið inn með trompi en hún skoraði tvö mörk í síðasta leik.




Fleiri fréttir

Sjá meira


×