Lokar kaffihúsinu eftir að leigan hækkaði um 100 prósent Stefán Ó. Jónsson skrifar 11. febrúar 2019 09:00 Daníel Tryggvi Daníelsson segir skilið við kaffihúsareksturinn eftir að hafa staðið vaktina á C is for Cookie í rúm 5 ár. Vísir/KTD Eftir níu ára rekstur hafa aðstandendur kaffihússins C is for Cookie við Týsgötu tekið ákvörðun um að skella í lás um mánaðamótin. Eigendur húsnæðisins hafa í hyggju að hækka leigu kaffihússins um rúmlega 106 prósent, sem gjörbreytir forsendunum fyrir rekstri þess að sögn Daníels Tryggva Daníelssonar, eiganda C is for Cookie. Talsmaður eigenda húsnæðisins segir hins vegar að fyrri leiga hafi verið langt undir því sem gengur og gerist í verslunarrekstri í miðborginni. Þeir hafi reynt að koma til móts við eigendur kaffihússins með margvíslegum hætti, t.a.m. boðið þeim að stækka við sig meðfram leiguhækkuninni, en „gott og langt“ samtal hafi ekki skilað lendingu sem allir gátu sætt sig við. C is for Cookie opnaði árið 2010 við Týsgötu 8, andspænis Hóteli Óðinsvéum. Eigandi hótelsins, fasteignafélagið Gamma ehf., hefur á undanförnum árum keypt fasteignir í sama húsnæði og kaffihúsið, þar sem opnaðar hafa varið svokallaðar lúxusíbúðir fyrir ferðamenn undir merkjum Óðinsvéa. Í þeirri viðleitni sinni festi Gamma jafnframt kaup á jarðhæð og kjallara Týsgötu 8 síðastliðið sumar, þar með talið húsnæði C is for Cookie. Við það hófust viðræður við eigendur kaffihússins um áframhaldandi leigu á rýminu, sem sigldu þó fljótt í strand að sögn Daníels. Of mikið bar á milli hugmynda kaffihússins og hótelsins um leiguverð. „Það stendur til að hækka leiguna hjá okkur um rúmlega 100 prósent. Það er bara alltof stór biti fyrir okkur að kyngja,“ segir Daníel. Ekki bæti úr skák að hækkunin skuli eiga sér stað á þessum tíma árs, þegar straumur ferðamanna sé minni og teikn á lofti um að hann minnki enn frekar.Úr 315 þúsund í 650 þúsund Leigusamningur kaffihússins og fyrrverandi leigusala hefur verið laus undanfarna mánuði og segist Daníel því hafa vera reiðubúinn að setjast við samningaborðið og ræða framtíðarfyrirkomulag leigugreiðslna. Fyrri samningur hljóðaði upp á 315 þúsund króna leigugreiðslu á mánuði, sem Daníel segist vita að teljist nokkuð lágt verð á þessum slóðum í miðborginni. Því hafi hann verið búinn undir að leigan kynni að hækka. Daníel segir að honum hafi hins vegar brugðið þegar nýju eigendur húsnæðisins kröfðu hann um 650 þúsund krónur í leigu á mánuði. „Þegar þessi upphæð kom á borðið var auðséð með það að það var of langt á milli aðila til að fara eitthvað lengra með þetta.“Kaffihúsið C is for Cookie hefur verið rekið við Týsgötu 8 í um níu ár.Vísir/KTDFastagestir með tárin í augunum Daníel segir að með lokuninni um komandi mánaðamót verði rekstur C is for Cookie endanlega úr sögunni. Ekki stendur til að leita nýs húsnæðis fyrir starfsemina. Kaffihúsið hefði fagnað níu ára afmæli í ár og segir Daníel, sem haldið hefur utan um reksturinn frá 2014, að matseðilinn hafi verið nokkuð óbreyttur frá stofnun. Staðurinn hafi sankað að sér fastagestum í áranna rás, sem margir hverjir eru miður sín vegna lokunarinnar. „Ég hef verið að greina fastakúnnunum frá lokuninni síðustu daga, það liggur við að þeir séu grátandi yfir þessu,“ segir Daníel. Vísir hefur áður fjallað um þann vanda sem verslun í miðborginni virðast glíma við þessi dægrin. Til að mynda hafa fjölmörg verslunarrými á horni Laugavegar og Skólavörðustígs, einum fjölfarnasta stað miðborgarinnar, staðið auð árum saman. Daníel segir það ekki koma sér á óvart. „Þessi bransi er nú ekki upp á marga fiska í augnablikinu og ekkert sem virðist styðja við hann – hvorki borgin né leigusalar,“ segir hann og vandar þeim síðarnefndu ekki kveðjurnar.„Þetta er bara þessi svaðalega græðgi í þeim sem veldur þessu.“ Hann segir að ekki þurfi að leita langt til að finna dæmi þess að há leiga sé að sliga rekstur í miðborginni. Fjöldi fyrirtækja hafa horfið úr næsta nágrenni kaffihússins á þeim árum sem Daníel hefur haldið utan um reksturinn. Eftir standa auð verslunarrými, minjagripabúðir eða keðjur. „Einsleitnin er svo svakaleg. Þetta endar bara í hótelum og túristabúðum.“Eigendur Hótels Óðinsvéa hafa á undanförnum árum keypt húsnæði í næsta nágrenni við hótelið. Til að mynda hafa verið opnaðar lúxusíbúðir fyrir ferðamenn á efri hæðum Týsgötu 8 undir merkjum Óðinsvéa.Vísir/KTDÖllum ljóst að leigan þyrfti að hækka Bjarni Hákonarson er hótelstjóri Hótels Óðinsvéa. Þrátt fyrir að hótelið sjálft hafi ekki beina aðkomu að útleigu rýmisins hefur Bjarni séð um samskiptin við kaffihúsið fyrir hönd eigendanna. Hann segir að allt frá því að Gamma ehf. eignaðist húsnæði C is for Cookie í fyrravor hafi hlutaðeigandi átt í góðum samskiptum. Ríkur vilji hafi verið hjá öllum til að halda rekstri kaffihússins áfram í húsnæðinu. „Við höfum ekkert yfir eigendum kaffihússins að klaga. Samtal okkar hefur verið gott síðustu mánuði og því erum við hálf undrandi á því nú sé annað hljóð komið í strokkinn,“ segir Bjarni. Hann útskýrir að þegar Gamma festi kaup á jarðhæð og kjallara Týsgötu 8 hafi legið fyrir að ráðast þyrfti í töluvert viðhald á húsnæðinu, sem byggt var árið 1934. Kostnaðurinn við þær framkvæmdir féll á nýja eigendur. Þar að auki var skipulag fyrstu hæðarinnar talið óhentugt og vannýtt. Í því samhengi nefnir Bjarni að C is for Cookie hafði aðeins aðgang að um fimmtungi kjallarans, sem að öðru leyti var í lítilli notkun. Nýir eigendur hafi því ákveðið að endurskipuleggja rýmin með það fyrir augum að bæta nýtingu húsnæðisins. Bjarni segir að öllum hafi verið ljóst að Gamma hafi með kaupunum erft samningslausan leigutaka sem hafði verið á „mjög lágri leigu,“ eins og ummæli kaffihúsaeigandans Daníels hér framar bera með sér. Því hafi verið gengið til viðræðna þar sem báðir samningsaðilar vissu að leigan þyrfti að hækka - en að meðfram hækkuninni byðist kaffihúsinu að bæta við sig rými í fyrrnefndri endurskipulagningu húsnæðisins.Bjarni segist hafa fulla trú á því að einhverjir snjallir rekstraraðilar geti glætt rými kaffihússins lífi áður en langt um líður.Vísir/ktdSanngirni skilaði ekki svari „Við báðum eigendur kaffihússins að stinga upp á tölu í þessu samhengi. Þeir vildu fá tíma til að hugsa sig um áður en lagt yrði fram tilboð, meðan þeir ákvæðu hvernig hátta skyldi rekstri kaffihússins – sem við veittum,“ segir Bjarni. Sá umhugsunarfrestur hafi varað í nokkra mánuði og segir Bjarni að þann tíma hafi Gamma framlengt fyrri samning og því rukkað kaffihúsið áfram um „hina mjög lágu leigu.“ „Það komu hins vegar aldrei nein svör frá þeim um hvaða leigu þeir vildu. Þeir reyndu ekki einu sinni að semja um hana,“ segir Bjarni.„Mér finnast því þessi viðbrögð kaffihússins dálítill stormur í vatnsglasi enda höfum við reynt að vera eins sanngjarnir og hægt er í öllu þessu ferli.“ Að endingu hafi Gamma og C is for Cookie ekki náð saman, „enda virðist rekstur kaffihússins ekki hafa leyft það að eigendurnir tækju stærra húsnæði á hærra verði,“ segir Bjarni. Því muni það losna um komandi mánaðamót. Bjarni segist þó ekki efast um að eitthvert annað snjallt viðskiptafólk geti hafið blómlegan rekstur í rýminu innan tíðar. Það sé eftir sem áður nýuppgert og á besta stað í borginni.Rétt er að taka fram að Gamma ehf. er í eigu Magnúsar Stephensen og Hannesar Hilmarssonar, forstjóra flugfélagsins Atlanta. Það er ótengt Gamma Capital Management, sem t.a.m. á og rekur Almenna leigufélagið. Félögin hafa staðið í nafnadeilu fyrir dómstólum. Ferðamennska á Íslandi Neytendur Reykjavík Veitingastaðir Tengdar fréttir Vekja „Draugaveg“ til lífsins með ísbar og tattústofu Hvað veldur því að eitt fjölfarnasta horn í miðborg Reykjavíkur hefur skartað mörgum tómum verslunarrýmum undanfarna mánuði og ár? 7. febrúar 2019 09:15 Mest lesið Röntgen Domus og Orkuhúsið fá ekki að sameinast Viðskipti innlent Viljinn tekinn til gjaldþrotaskipta Viðskipti innlent Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf „Ég var skíthrædd að senda þessa tölvupósta“ Atvinnulíf Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Neytendur kunna að meta Landlaxinn og Landbleikjuna Samstarf Mun bjóða upp á sömu flugáætlun og Bláfugl áður Viðskipti innlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Eftir níu ára rekstur hafa aðstandendur kaffihússins C is for Cookie við Týsgötu tekið ákvörðun um að skella í lás um mánaðamótin. Eigendur húsnæðisins hafa í hyggju að hækka leigu kaffihússins um rúmlega 106 prósent, sem gjörbreytir forsendunum fyrir rekstri þess að sögn Daníels Tryggva Daníelssonar, eiganda C is for Cookie. Talsmaður eigenda húsnæðisins segir hins vegar að fyrri leiga hafi verið langt undir því sem gengur og gerist í verslunarrekstri í miðborginni. Þeir hafi reynt að koma til móts við eigendur kaffihússins með margvíslegum hætti, t.a.m. boðið þeim að stækka við sig meðfram leiguhækkuninni, en „gott og langt“ samtal hafi ekki skilað lendingu sem allir gátu sætt sig við. C is for Cookie opnaði árið 2010 við Týsgötu 8, andspænis Hóteli Óðinsvéum. Eigandi hótelsins, fasteignafélagið Gamma ehf., hefur á undanförnum árum keypt fasteignir í sama húsnæði og kaffihúsið, þar sem opnaðar hafa varið svokallaðar lúxusíbúðir fyrir ferðamenn undir merkjum Óðinsvéa. Í þeirri viðleitni sinni festi Gamma jafnframt kaup á jarðhæð og kjallara Týsgötu 8 síðastliðið sumar, þar með talið húsnæði C is for Cookie. Við það hófust viðræður við eigendur kaffihússins um áframhaldandi leigu á rýminu, sem sigldu þó fljótt í strand að sögn Daníels. Of mikið bar á milli hugmynda kaffihússins og hótelsins um leiguverð. „Það stendur til að hækka leiguna hjá okkur um rúmlega 100 prósent. Það er bara alltof stór biti fyrir okkur að kyngja,“ segir Daníel. Ekki bæti úr skák að hækkunin skuli eiga sér stað á þessum tíma árs, þegar straumur ferðamanna sé minni og teikn á lofti um að hann minnki enn frekar.Úr 315 þúsund í 650 þúsund Leigusamningur kaffihússins og fyrrverandi leigusala hefur verið laus undanfarna mánuði og segist Daníel því hafa vera reiðubúinn að setjast við samningaborðið og ræða framtíðarfyrirkomulag leigugreiðslna. Fyrri samningur hljóðaði upp á 315 þúsund króna leigugreiðslu á mánuði, sem Daníel segist vita að teljist nokkuð lágt verð á þessum slóðum í miðborginni. Því hafi hann verið búinn undir að leigan kynni að hækka. Daníel segir að honum hafi hins vegar brugðið þegar nýju eigendur húsnæðisins kröfðu hann um 650 þúsund krónur í leigu á mánuði. „Þegar þessi upphæð kom á borðið var auðséð með það að það var of langt á milli aðila til að fara eitthvað lengra með þetta.“Kaffihúsið C is for Cookie hefur verið rekið við Týsgötu 8 í um níu ár.Vísir/KTDFastagestir með tárin í augunum Daníel segir að með lokuninni um komandi mánaðamót verði rekstur C is for Cookie endanlega úr sögunni. Ekki stendur til að leita nýs húsnæðis fyrir starfsemina. Kaffihúsið hefði fagnað níu ára afmæli í ár og segir Daníel, sem haldið hefur utan um reksturinn frá 2014, að matseðilinn hafi verið nokkuð óbreyttur frá stofnun. Staðurinn hafi sankað að sér fastagestum í áranna rás, sem margir hverjir eru miður sín vegna lokunarinnar. „Ég hef verið að greina fastakúnnunum frá lokuninni síðustu daga, það liggur við að þeir séu grátandi yfir þessu,“ segir Daníel. Vísir hefur áður fjallað um þann vanda sem verslun í miðborginni virðast glíma við þessi dægrin. Til að mynda hafa fjölmörg verslunarrými á horni Laugavegar og Skólavörðustígs, einum fjölfarnasta stað miðborgarinnar, staðið auð árum saman. Daníel segir það ekki koma sér á óvart. „Þessi bransi er nú ekki upp á marga fiska í augnablikinu og ekkert sem virðist styðja við hann – hvorki borgin né leigusalar,“ segir hann og vandar þeim síðarnefndu ekki kveðjurnar.„Þetta er bara þessi svaðalega græðgi í þeim sem veldur þessu.“ Hann segir að ekki þurfi að leita langt til að finna dæmi þess að há leiga sé að sliga rekstur í miðborginni. Fjöldi fyrirtækja hafa horfið úr næsta nágrenni kaffihússins á þeim árum sem Daníel hefur haldið utan um reksturinn. Eftir standa auð verslunarrými, minjagripabúðir eða keðjur. „Einsleitnin er svo svakaleg. Þetta endar bara í hótelum og túristabúðum.“Eigendur Hótels Óðinsvéa hafa á undanförnum árum keypt húsnæði í næsta nágrenni við hótelið. Til að mynda hafa verið opnaðar lúxusíbúðir fyrir ferðamenn á efri hæðum Týsgötu 8 undir merkjum Óðinsvéa.Vísir/KTDÖllum ljóst að leigan þyrfti að hækka Bjarni Hákonarson er hótelstjóri Hótels Óðinsvéa. Þrátt fyrir að hótelið sjálft hafi ekki beina aðkomu að útleigu rýmisins hefur Bjarni séð um samskiptin við kaffihúsið fyrir hönd eigendanna. Hann segir að allt frá því að Gamma ehf. eignaðist húsnæði C is for Cookie í fyrravor hafi hlutaðeigandi átt í góðum samskiptum. Ríkur vilji hafi verið hjá öllum til að halda rekstri kaffihússins áfram í húsnæðinu. „Við höfum ekkert yfir eigendum kaffihússins að klaga. Samtal okkar hefur verið gott síðustu mánuði og því erum við hálf undrandi á því nú sé annað hljóð komið í strokkinn,“ segir Bjarni. Hann útskýrir að þegar Gamma festi kaup á jarðhæð og kjallara Týsgötu 8 hafi legið fyrir að ráðast þyrfti í töluvert viðhald á húsnæðinu, sem byggt var árið 1934. Kostnaðurinn við þær framkvæmdir féll á nýja eigendur. Þar að auki var skipulag fyrstu hæðarinnar talið óhentugt og vannýtt. Í því samhengi nefnir Bjarni að C is for Cookie hafði aðeins aðgang að um fimmtungi kjallarans, sem að öðru leyti var í lítilli notkun. Nýir eigendur hafi því ákveðið að endurskipuleggja rýmin með það fyrir augum að bæta nýtingu húsnæðisins. Bjarni segir að öllum hafi verið ljóst að Gamma hafi með kaupunum erft samningslausan leigutaka sem hafði verið á „mjög lágri leigu,“ eins og ummæli kaffihúsaeigandans Daníels hér framar bera með sér. Því hafi verið gengið til viðræðna þar sem báðir samningsaðilar vissu að leigan þyrfti að hækka - en að meðfram hækkuninni byðist kaffihúsinu að bæta við sig rými í fyrrnefndri endurskipulagningu húsnæðisins.Bjarni segist hafa fulla trú á því að einhverjir snjallir rekstraraðilar geti glætt rými kaffihússins lífi áður en langt um líður.Vísir/ktdSanngirni skilaði ekki svari „Við báðum eigendur kaffihússins að stinga upp á tölu í þessu samhengi. Þeir vildu fá tíma til að hugsa sig um áður en lagt yrði fram tilboð, meðan þeir ákvæðu hvernig hátta skyldi rekstri kaffihússins – sem við veittum,“ segir Bjarni. Sá umhugsunarfrestur hafi varað í nokkra mánuði og segir Bjarni að þann tíma hafi Gamma framlengt fyrri samning og því rukkað kaffihúsið áfram um „hina mjög lágu leigu.“ „Það komu hins vegar aldrei nein svör frá þeim um hvaða leigu þeir vildu. Þeir reyndu ekki einu sinni að semja um hana,“ segir Bjarni.„Mér finnast því þessi viðbrögð kaffihússins dálítill stormur í vatnsglasi enda höfum við reynt að vera eins sanngjarnir og hægt er í öllu þessu ferli.“ Að endingu hafi Gamma og C is for Cookie ekki náð saman, „enda virðist rekstur kaffihússins ekki hafa leyft það að eigendurnir tækju stærra húsnæði á hærra verði,“ segir Bjarni. Því muni það losna um komandi mánaðamót. Bjarni segist þó ekki efast um að eitthvert annað snjallt viðskiptafólk geti hafið blómlegan rekstur í rýminu innan tíðar. Það sé eftir sem áður nýuppgert og á besta stað í borginni.Rétt er að taka fram að Gamma ehf. er í eigu Magnúsar Stephensen og Hannesar Hilmarssonar, forstjóra flugfélagsins Atlanta. Það er ótengt Gamma Capital Management, sem t.a.m. á og rekur Almenna leigufélagið. Félögin hafa staðið í nafnadeilu fyrir dómstólum.
Ferðamennska á Íslandi Neytendur Reykjavík Veitingastaðir Tengdar fréttir Vekja „Draugaveg“ til lífsins með ísbar og tattústofu Hvað veldur því að eitt fjölfarnasta horn í miðborg Reykjavíkur hefur skartað mörgum tómum verslunarrýmum undanfarna mánuði og ár? 7. febrúar 2019 09:15 Mest lesið Röntgen Domus og Orkuhúsið fá ekki að sameinast Viðskipti innlent Viljinn tekinn til gjaldþrotaskipta Viðskipti innlent Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf „Ég var skíthrædd að senda þessa tölvupósta“ Atvinnulíf Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Neytendur kunna að meta Landlaxinn og Landbleikjuna Samstarf Mun bjóða upp á sömu flugáætlun og Bláfugl áður Viðskipti innlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Vekja „Draugaveg“ til lífsins með ísbar og tattústofu Hvað veldur því að eitt fjölfarnasta horn í miðborg Reykjavíkur hefur skartað mörgum tómum verslunarrýmum undanfarna mánuði og ár? 7. febrúar 2019 09:15