Erlent

Brasilíska ríkisstjórnin segir leiðtoga stjórnarandstöðunnar forseta Venesúela

Kjartan Kjartansson skrifar
Guiado er forseti þjóðþingsins sem Maduro hefur að mestu gert valdalaust.
Guiado er forseti þjóðþingsins sem Maduro hefur að mestu gert valdalaust. Vísir/EPA

Juan Guaido, leiðtogi stjórnarandstöðunnar í Venesúela, er réttmætur forseti landsins að mati ríkisstjórnar Jairs Bolsonaro í Brasilíu. Í yfirlýsingu brasilísku ríkisstjórnarinnar í dag segist hún viðurkennda Guaido sem forseta.

Nicolas Maduro hóf annað kjörtímabil sitt sem forseti Vensúela í vikunni. Efnahagslegur og pólitískur glundroði hefur ríkt í landinu. Maduro hefur verið sakaður um einræðistilburði. Forsetakosningarnar fóru fram í maí og hafa ásakanir verið uppi um að svik hafi verið í tafli. Kjörsókn var lítil og stjórnarandstaðan sniðgekk kosningarnar að miklu leyti.

Guaido er leiðtogi venesúelska þingsins þar sem stjórnarandstaðan fer með völd. Hann sagðist tilbúinn að taka við völdum sem forseti tímabundið og efna til kosninga, að sögn Reuters-fréttastofunnar.

Flokkur Maduro kallaði saman stjórnlagaþing árið 2017 sem var skipað fulltrúum hans. Svipti stjórnlagaþingið þjóðþingið völdum.


Tengdar fréttir

Launahækkanir Maduro valda verslunum erfiðleikum

Stór hluti verslana í Suður-Ameríku ríkinu Venesúela hafa á undanförnum tveimur vikum lokað vegna hækkunar lægstu launa sem fyrirskipuð var af Nicolás Maduro, forseta, og ríkisstjórn hans.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.