Viðskipti erlent

Chrysler-byggingin sögufræga til sölu

Tryggvi Páll Tryggvason skrifar
Margir kannast við Chrysler-bygginguna.
Margir kannast við Chrysler-bygginguna. Getty/Noam Galai.

Hinn sögufræga Chrysler-bygging í New York í Bandaríkjunum er til sölu eins og hún leggur sig. Byggingin, sem er 318,9 metra há, var hæsta bygging heims um skamma hríð á fjórða áratug síðustu aldar.

Háhýsið var reist á árunum 1928 til 1930 og er ein þekktasta bygging New York borgar. Byggingin er alls 77-hæðir og er nefnd eftir Walter P. Chrysler, stofnanda Chrysler-bílaframleiðandans. Chrysler sjálfur sá um byggingu háhýsisins, en hann sagðist sjálfur hafa viljað skilja eitthvað eftir sig sem synir hans myndu þurfa að bera ábyrgð á. Voru höfuðstöðvar Chrysler-fyrirtækisins staðsettar í húsinu þangað til á sjötta áratug síðustu aldar.

Húsið var hannað að af William van Alen og þykir eitt skýrasta dæmi um Art Deco stílinn sem réð ríkjum í Bandaríkjunum á þeim tímum sem húsið var reist. Önnur slík bygging er Empire State-byggingin sem tók við titlinum sem hæsta bygging heims árið 1931 af Chrysler-byggingunni, aðeins ellefu mánuðum eftir að síðarnefnda byggingin var reist.

Háhýsið hefur gengið kaupum og sölum frá því að það var klárað en er nú í eigu sjóðs ríkisstjórnarinnar í Abu Dhabi í Sameinuðu arabísku furstadæmunumm og fasteignafélagsins Tishman Speyer. Vonast eigendurnir til þess að hægt sé að freista einhvers sem eigi mjög djúpa vasa en sögufrægar byggingar í Bandaríkjunum hafa á undanförnum árum verið seldar fyrir metfé, þar á meðal Willis-turninn í Chicago og Waldorf Astoria hótelið í New Yorl.

Abu Dhabi sjóðurinn keypti 90 prósent eignarhalds í byggingunni árið 2008 fyrir 800 milljónir dollara en í frétt Wall Street Journal segir að erfiðlega geti reynst að endurheimta það fé. Dýrt sé að reka hið 90 ára gamla háhýsi auk þess sem að þó nokkur fjöldi nýrra háhýsa hefur verið reistur á undanförnum árum. Vonir standa þó til að saga háhýsisins og sess þess í borgarmynd New York borgar geti laðað að sér fjárfesta sem tilbúnir séu til þess að grafa djúpt í vasa sína til þess að eignast bygginguna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REITIR
2,85
10
323.554
REGINN
2,68
15
219.988
EIK
2,22
13
112.812
HAGA
2,18
8
96.038
SIMINN
1,66
7
163.842

Mesta lækkun dagsins


Félag
Br.%
Fjöldi
Velta*
GRND
-1,07
1
292
ORIGO
0
1
6.804
EIM
0
4
5.989
Velkomin á Vísi. Þessi vefur notar vafrakökur. Sjá nánar.