Milljarður í hlutafé og Jakob ráðinn forstjóri Hörður Ægisson skrifar 19. desember 2018 06:15 Jakob Már Ásmundsson var forstjóri Straums fjárfestingarbanka á árunum 2013 til 2015. Fréttablaðið/Ernir Hlutafé Kortaþjónustunnar var í gær aukið um 1.050 milljónir króna en samhliða hlutafjáraukningunni var Jakob Már Ásmundsson, fyrrverandi forstjóri Straums fjárfestingarbanka, ráðinn forstjóri færsluhirðingarfyrirtækisins. Í samtali við Markaðinn segist Jakob, sem lagði sjálfur til um 80 milljónir króna í hlutafjáraukningunni, hlakka mikið til að takast á við þetta verkefni. „Kortaþjónustan er sterkt félag með öfluga bakhjarla. Það er mikil gróska í greiðsluþjónustu og fjártæknilausnum og eru vaxtamöguleikar félagsins miklir. Kortaþjónustan hefur allt sem þarf til að sækja fram á þessum markaði og því eru spennandi tímar fram undan,“ segir Jakob. Samkvæmt upplýsingum frá Kortaþjónustunni voru þátttakendur í hlutafjáraukningunni, sem kom til vegna tapreksturs á yfirstandandi rekstrarári fyrirtækisins, núverandi hluthafar ásamt nýjum fjárfestum. Kvika banki er eftir sem áður stærsti einstaki hluthafi félagsins eftir hlutafjáraukninguna með um 40 prósenta eignarhlut. Magnús Ingi Einarsson, framkvæmdastjóri fjármála- og rekstrarsviðs Kviku og nýr stjórnarformaður Kortaþjónustunnar, segir í samtali við Markaðinn að hlutafjáraukningin sýni hið sterka bakland sem Kortaþjónustan býr að. „Það er ánægjulegt að núverandi hluthafar félagsins ásamt nýjum fjárfestum sjái tækifærin sem fólgin eru í félaginu og séu reiðubúnir að styðja við félagið með þessum hætti. Kortaþjónustan hefur tekist á við miklar breytingar á undanförnum misserum í kjölfar gjaldþrots Monarch flugfélagsins undir lok árs 2017,“ segir Magnús. Að sögn Magnúsar er þessum verkefnum nú lokið og félagið stendur á sterkum grunni. „Starfsmenn Kortaþjónustunnar hafa unnið frábært starf við oft á tíðum krefjandi aðstæður. Hlutafjáraukningin mun nýtast vel til að grípa þau fjölmörgu sóknarfæri sem félagið stendur frammi fyrir.“ Jakob, sem var forstjóri Straums fjárfestingarbanka á árunum 2013 til 2015 og lét af störfum sem stjórnarmaður í Arion banka fyrr á árinu, tekur við forstjórastarfinu af Björgvini Skúla Sigurðssyni. Hann lét af störfum hjá Kortaþjónustunni í síðasta mánuði eftir að hafa verið ráðinn til félagsins í ársbyrjun. Sem kunnugt er keypti Kvika banki og hópur einkafjárfesta Kortaþjónustuna á eina krónu í fyrra og lögðu félaginu um leið til nærri 1.500 milljónir í nýtt hlutafé. Kortafyrirtækið stóð frammi fyrir alvarlegum lausafjárvanda í kjölfar greiðslustöðvunar Monarch Airlines en fyrirtækið var á meðal átta fyrirtækja sem sáu um færsluhirðingu fyrir flugfélagið. Rekstrartekjur Kortaþjónustunnar, sem fékk leyfi frá Fjármálaeftirlitinu sem greiðslustofnun á árinu 2012, námu ríflega 4,5 milljörðum á síðasta ári og nær tvöfölduðust frá fyrra ári þegar þær voru tæpir 2,3 milljarðar. Tap félagsins nam hins vegar um 1,6 milljörðum króna. Heildareignir samstæðunnar námu 1.520 milljónum í árslok og eigið fé félagsins var rúmlega 400 milljónir. Áður en ráðist var í hlutafjáraukningu Kortaþjónustunnar voru stærstu hluthafar félagsins, fyrir utan Kviku banka, fjárfestingarfélagið Óskabein með tíu prósenta hlut. Félagið, sem er stór hluthafi í VÍS, er meðal annars í eigu Sigurðar Gísla Björnssonar, eiganda Sæmarks sjávarafurða, Gests Breiðfjörð Gestssonar, eiganda Sparnaðar, og Andra Gunnarssonar, lögmanns og fjárfestis. Þá áttu hjónin Svanhildur Nanna Vigfúsdóttir og Guðmundur Örn Þórðarson, sem eru stórir fjárfestar í Kviku og VÍS, um 6,7 prósenta hlut í Kortaþjónustunni í gegnum félagið K2B fjárfestingar. Aðrir helstu hluthafar fyrirtækisins eru félög í eigu Sigurðar Bollasonar fjárfestis, sem fór með tæplega sex prósenta hlut fyrir hlutafjáraukninguna, og bræðurnir Lýður og Ágúst Guðmundssynir, í gegnum eignarhaldsfélagið Frigus, áttu liðlega fimm prósenta hlut. Þá var Sigurður Valtýsson, fyrrverandi forstjóri Exista og viðskiptafélagi Bakkavararbræðra, með fimm prósent í gegnum félagið Svalt ehf. og fjárfestingarfélagið Varða Capital, sem er í meirihlutaeigu Jónasar Hagans Guðmundssonar og Gríms Garðarssonar, átti sömuleiðis fimm prósenta hlut. Birtist í Fréttablaðinu Mest lesið Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Sækjast eftir fangelsisdómi yfir rafmyntakóngi Viðskipti erlent Nú er hægt að elta góða veðrið um landið með kortavef Já.is Samstarf Helmingur Íslendinga sáttur við falsanir og eftirlíkanir Neytendur Töpuðu þremur milljörðum á fyrsta ársfjórðungi Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Selma nýr formaður Kvenna í orkumálum Viðskipti innlent Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira
Hlutafé Kortaþjónustunnar var í gær aukið um 1.050 milljónir króna en samhliða hlutafjáraukningunni var Jakob Már Ásmundsson, fyrrverandi forstjóri Straums fjárfestingarbanka, ráðinn forstjóri færsluhirðingarfyrirtækisins. Í samtali við Markaðinn segist Jakob, sem lagði sjálfur til um 80 milljónir króna í hlutafjáraukningunni, hlakka mikið til að takast á við þetta verkefni. „Kortaþjónustan er sterkt félag með öfluga bakhjarla. Það er mikil gróska í greiðsluþjónustu og fjártæknilausnum og eru vaxtamöguleikar félagsins miklir. Kortaþjónustan hefur allt sem þarf til að sækja fram á þessum markaði og því eru spennandi tímar fram undan,“ segir Jakob. Samkvæmt upplýsingum frá Kortaþjónustunni voru þátttakendur í hlutafjáraukningunni, sem kom til vegna tapreksturs á yfirstandandi rekstrarári fyrirtækisins, núverandi hluthafar ásamt nýjum fjárfestum. Kvika banki er eftir sem áður stærsti einstaki hluthafi félagsins eftir hlutafjáraukninguna með um 40 prósenta eignarhlut. Magnús Ingi Einarsson, framkvæmdastjóri fjármála- og rekstrarsviðs Kviku og nýr stjórnarformaður Kortaþjónustunnar, segir í samtali við Markaðinn að hlutafjáraukningin sýni hið sterka bakland sem Kortaþjónustan býr að. „Það er ánægjulegt að núverandi hluthafar félagsins ásamt nýjum fjárfestum sjái tækifærin sem fólgin eru í félaginu og séu reiðubúnir að styðja við félagið með þessum hætti. Kortaþjónustan hefur tekist á við miklar breytingar á undanförnum misserum í kjölfar gjaldþrots Monarch flugfélagsins undir lok árs 2017,“ segir Magnús. Að sögn Magnúsar er þessum verkefnum nú lokið og félagið stendur á sterkum grunni. „Starfsmenn Kortaþjónustunnar hafa unnið frábært starf við oft á tíðum krefjandi aðstæður. Hlutafjáraukningin mun nýtast vel til að grípa þau fjölmörgu sóknarfæri sem félagið stendur frammi fyrir.“ Jakob, sem var forstjóri Straums fjárfestingarbanka á árunum 2013 til 2015 og lét af störfum sem stjórnarmaður í Arion banka fyrr á árinu, tekur við forstjórastarfinu af Björgvini Skúla Sigurðssyni. Hann lét af störfum hjá Kortaþjónustunni í síðasta mánuði eftir að hafa verið ráðinn til félagsins í ársbyrjun. Sem kunnugt er keypti Kvika banki og hópur einkafjárfesta Kortaþjónustuna á eina krónu í fyrra og lögðu félaginu um leið til nærri 1.500 milljónir í nýtt hlutafé. Kortafyrirtækið stóð frammi fyrir alvarlegum lausafjárvanda í kjölfar greiðslustöðvunar Monarch Airlines en fyrirtækið var á meðal átta fyrirtækja sem sáu um færsluhirðingu fyrir flugfélagið. Rekstrartekjur Kortaþjónustunnar, sem fékk leyfi frá Fjármálaeftirlitinu sem greiðslustofnun á árinu 2012, námu ríflega 4,5 milljörðum á síðasta ári og nær tvöfölduðust frá fyrra ári þegar þær voru tæpir 2,3 milljarðar. Tap félagsins nam hins vegar um 1,6 milljörðum króna. Heildareignir samstæðunnar námu 1.520 milljónum í árslok og eigið fé félagsins var rúmlega 400 milljónir. Áður en ráðist var í hlutafjáraukningu Kortaþjónustunnar voru stærstu hluthafar félagsins, fyrir utan Kviku banka, fjárfestingarfélagið Óskabein með tíu prósenta hlut. Félagið, sem er stór hluthafi í VÍS, er meðal annars í eigu Sigurðar Gísla Björnssonar, eiganda Sæmarks sjávarafurða, Gests Breiðfjörð Gestssonar, eiganda Sparnaðar, og Andra Gunnarssonar, lögmanns og fjárfestis. Þá áttu hjónin Svanhildur Nanna Vigfúsdóttir og Guðmundur Örn Þórðarson, sem eru stórir fjárfestar í Kviku og VÍS, um 6,7 prósenta hlut í Kortaþjónustunni í gegnum félagið K2B fjárfestingar. Aðrir helstu hluthafar fyrirtækisins eru félög í eigu Sigurðar Bollasonar fjárfestis, sem fór með tæplega sex prósenta hlut fyrir hlutafjáraukninguna, og bræðurnir Lýður og Ágúst Guðmundssynir, í gegnum eignarhaldsfélagið Frigus, áttu liðlega fimm prósenta hlut. Þá var Sigurður Valtýsson, fyrrverandi forstjóri Exista og viðskiptafélagi Bakkavararbræðra, með fimm prósent í gegnum félagið Svalt ehf. og fjárfestingarfélagið Varða Capital, sem er í meirihlutaeigu Jónasar Hagans Guðmundssonar og Gríms Garðarssonar, átti sömuleiðis fimm prósenta hlut.
Birtist í Fréttablaðinu Mest lesið Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Sækjast eftir fangelsisdómi yfir rafmyntakóngi Viðskipti erlent Nú er hægt að elta góða veðrið um landið með kortavef Já.is Samstarf Helmingur Íslendinga sáttur við falsanir og eftirlíkanir Neytendur Töpuðu þremur milljörðum á fyrsta ársfjórðungi Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Selma nýr formaður Kvenna í orkumálum Viðskipti innlent Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira