Innlent

Davíð rís upp Trump til varnar og segir fjölmiðlum til syndanna

Jakob Bjarnar skrifar
Trump á sér góðan bandamann í Davíð Oddssyni sem bregður fyrir sig gamalkunnu stílvopni, hinu napra háði, og telur fjölmiðla marga vart boðlega.
Trump á sér góðan bandamann í Davíð Oddssyni sem bregður fyrir sig gamalkunnu stílvopni, hinu napra háði, og telur fjölmiðla marga vart boðlega.

Leiðari Morgunblaðsins í morgun, sem að öllum líkindum er ritaður af öðru ritstjóra blaðsins, Davíð Oddssyni fyrrverandi forsætisráðherra Íslands með meiru, hefur vakið mikla athygli. Davíð hellir sér yfir fjölmiðla og segir þá hafa hamast á Donald Trump Bandaríkjaforseta.

Vísir greindi í gærkvöldi frá væringum í Hvíta húsinu, frá blaðamannafundi þegar Trump veittist að fréttamanni CNN og kallaði hann fyrirlitlegan einstakling. Og endurtók það sem hann hefur oft áður sagt að CNN flytji falsfréttir. Í kjölfarið var svo sá fréttamaður sviptur blaðamannapassa sínum þeim sem veitti honum aðgang að Hvíta húsinu.

Ýmsir fjölmiðlamenn furða sig á skrifum Davíðs Oddssonar og gengur Gísli Marteinn svo langt að telja þau ógn við lýðræðið.

Davíð hefur fullan skilning á þessum viðbrögðum Trumps.

„Þá er umtöluðum kosningum lokið í Bandaríkjunum. Flestir öflugustu fjölmiðlar landsins hafa hamast gegn Trump forseta af miskunnarleysi og furðulega hömlulaust frá því að eigendur þeirra og ritstjórnir vöknuðu upp við þann vonda draum að þeirra frambjóðandi, Hillary Clinton, tapaði fyrir honum þvert á spár.“

Beinir hinu napra háði að RÚV

Ef marka má leiðaraskrifin er Davíð er skoðanabróðir Trumps í því sem snýr að fjölmiðlum. Hann segir fjölskyldu Trumps elta á röndum og sæti harðri gagnrýni og fróðlegt sé að bera það saman við „dekur fjölmiðla við sambærilegar fjölskyldur úr þóknanlegum áttum.“

Þá beinir Davíð spjótum sínum að íslenskum fjölmiðlum, að hætti hússins, með nöpru háði en þá segir hann hafa smitast af slíkri fjölmiðlum; „var með nokkrum ólíkindum að hlusta á talsmáta sérfræðings frá H.Í. í aðalfréttatíma „RÚV“, hins fræga „öryggisventils“ þjóðarinnar, um kosningaúrslitin.

Meðal þeirra sem furða sig á leiðaraskrifum Morgunblaðsins eru þeir Gísli Marteinn og Þórður Snær.

Var það hvergi nærri því að vera boðlegt. Trump forseti hefur þegar lýst yfir „glæsilegum sigri“ í þessum kosningum. Fleiri en gárungarnir kynnu að segja að það myndi hann hafa gert hver svo sem úrslitin hefðu verið. Og slíkt væri jú stjórnmálamanna háttur og væri Trump fremstur meðal jafningja hvað það snerti.“

Fjölmiðlamenn furða sig á leiðaraskrifum Moggans

Ýmsir hafa furðað sig á þessum skrifum og meðal þeirra er Þórður Snær Júlíusson, ritstjóri Kjarnans, sem segir á Twitter að ritstjóri „stærsta Morgunblaðsins, sem er í vikulegri frídreifingu í dag, telur meginstraumsfjölmiðla vera gerendur gagnvart fórnarlambinu Trump, sem er farinn að meina fjölmiðlum sem spyrja erfiðra spurninga aðgengi, lýgur staðfest oft á dag og kallar fjölmiðla óvini fólksins.“

Annar fjölmiðlamaður sem telur þennan boðskap sæta furðu er Gísli Marteinn Baldursson, sjónvarpsmaður á Ríkissjónvarpinu: „Það er með miklum ólíkindum að Morgunblaðið skuli styðja þennan mann með ráðum og dáð, og alveg sérstaklega í baráttu hans gegn öflugum fjölmiðlum sem spyrja mikilvægra spurninga. Það er beinlínis hættulegt lýðræðinu.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.