Þurfi að snúa bökum saman gegn bókunarvélum sem moka út fjármunum til Google Tryggvi Páll Tryggvason skrifar 8. nóvember 2018 21:00 Þeim ferðamönnum sem sækja Ísland heim hefur fjölgað mikið á undanförnum árum. vísir/vilhelm Ferðamálafræðingurinn Hermann Valsson telur að það sé grafalvarlegt fyrir íslenska ferðaþjónustu hversu miklum fjármunum bókunarsíðan Booking.com eyði til þess að auka sýnileika sinn á leitarvélinni Google. Hann áætlar að síður á borð við Booking sogi til sín 5-7,5 milljarða á ári úr íslenska hagkerfinu. Booking Holding, móðurfyrirtæki Booking.com, kynnti í vikunni rekstrarniðurstöður síðastsa ársfjórðungs en þar kom fram að fyrirtækið hafi eytt um 1,3 milljörðum dolla í auglýsingar þar sem fyrirtækið greiðir þeim sem birtir auglýsinguna pening ef viðskiptavinur smellir á auglýsinguna eða kaupir þjónustuna sem er auglýst.Google græðir á tá og fingriGreinendur á markaði telja að megnið af þeim fjármunum hafi runnið til Google, eða einn milljarður bandaríkjadollara á síðasta ársfjórðungi, eða því sem samsvarar um 120 milljörðum á gengi dagsins í dag. Telja greinendur á markaði að Booking sé einn af fimm stærstu viðskiptavinum Google á heimsvísu.Ef til vill kemur ekki á óvart hversu mikla áherslu Booking leggur á það að auglýsa hjá Google enda leitarvél bandaríska tæknirisans sú vinsælasta í þeim geira. Ferðalangar sem hafa áhuga á að ferðast til annarra landa nota gjarnan leitarvél Google til þess að leita að gistingu eða flugi og þá getur verið mikilvægt að vera sem efst í leitarniðurstöðunum. Booking á í harðri samkeppni við sambærilegar bókunarsíður á borð við TripAdvisor, Expedia og Google sjálft.Viðskiptamódel hinna hefðbundu bókunarsíða er þó frábrugðið viðskiptamódeli Google. Bandaríski tæknirisinn reiðir sig á tekjur af auglýsingasölu en Booking, Tripadvisor og sambærilegar síður fá stærstan hluta tekna sinna í gegnum þóknanir frá hótelum, gistiheimilum og öðrum ferðaþjónustuaðilum.Mjög líklegt er að stór hluti þessara ferðamanna hafi bókað gistingu með aðstoð bókunarvélar á borð við Booking.com.vísir/vilhelmVoru snemma búnar að ná fótfestu hér á landi Slíkar þóknarnir hafa verið harðlega gagnrýndar, meðal annars hér á landi, enda eru þeir í sumum tilfellum í hærra lagi. Þannig sagðist Skarphéðinn Berg Steinarsson ferðamálastjóri í viðtali við fréttastofu í vor hafa áhyggjur af því að íslensk ferðaþjónustufyrirtæki séu sífellt að greiða meira í þóknun til erlendra bókunarsíðna. „Þetta er staða sem er grafalvarleg,“ segir Hermann í samtali við Vísi en hann vakti athygli á þeim gríðarlegum fjármunum sem Booking nýtir til þess að tryggja að leitarniðurstöður vísi á bókunarvélar félagsins. Hermann hefur rannsakað þessi mál frá árinu 2012 og árið 2013 setti hann upp tölvur sem hann lét líta út fyrir að vera frá þeim tíu löndum sem flestir ferðamenn koma hingað til lands frá. Lét hann tölvurnar leita að gistingu í Reykjavík og niðurstöðurnar voru allar á sömu veg. „Árið 2013 þá voru þessi fyrirtæki strax búin að hertaka þær niðurstöður sem við vorum að leita eftir,“ segir Hermann. Auðvelt er að sannreyna orð Hermanns en sé frasinn „Hotel in Reykjavik“ sleginn inn í leitarvél Google eru auglýsingar frá Booking.com, Hotels.com og Tripadvisor.com efstar á blaði. Ef horft er framhjá auglýsingunum á Booking.com tvær efstu leitarniðurstöðurnar. „Við förum alltaf inn á þessar bókunarvélar, göngum frá gistinginunni og borgum þóknunina,“ segir Hermann en samkvæmt athugunum hans eru hótel að greiða allt að 22 prósent og upp í 24 prósent að meðaltali í þóknanir til erlendra bókunarsíða. Þetta þýði að um 5-7,5 milljarðar króna hafi farið úr landi í erlenda vasa bókunarsíðanna.Skjáskot af Google-leit.Þurfa að snúa bökum saman Telur hann að rétta leiðin til þess að bregðast við háum söluþóknunum erlendra bókunarsíða sé að yfirvöld, sem verði af skatttekjum, og ferðaþjónustuaðilar snúi bökum saman til þess að spyrna við fótum. Mögulega gætu hótelin tekið sig saman og leitarvélabestað Ísland í sameiningu með hjálp yfirvalda og reynt þannig að fara framhjá bókunarsíðunum erlendu. Þá gætu hótel- og gististaðaeigendur einnig þrýst á í sameiningu á erlendar bókunarsíður lækkuðu þóknunina sem þarf að greiða til þeirra, en það tækist þó aðeins ef allir stæðu saman. „Þetta er peningur sem gæti verið að fara beint inn í íslenska nýsköpun. Við erum að senda allan þennan pening til Bandaríkjanna sem er nýttur í nýsköpun þar. Þarna er verið að mergsjúga pening út úr greininni sem ætti að fara í nýsköpun og hagnað,“ segir Hermann. Ferðamennska á Íslandi Tengdar fréttir Telur óeðlilegt að Tripadvisor eignist stóran hluta af bókunarkerfi ferðaþjónustunnar Ferðamálastjóri segir ekki ásættanlegt að ferðarisinn Tripadvisor hafi eignast íslenska fyrirtækið Bókun og þannig komist yfir upplýsingar um allar bókanir og söluverð síðustu ára auk upplýsinga um hvernig salan fór fram, hverjir pöntuðu og ýmislegt fleira. 4. maí 2018 14:30 Mest lesið Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Mikill samdráttur á hagnaði Tesla Viðskipti erlent Sækjast eftir fangelsisdómi yfir rafmyntakóngi Viðskipti erlent „Enda hefði hún hreinlega ekki nennt að þræta við mig endalaust“ Atvinnulíf Helmingur Íslendinga sáttur við falsanir og eftirlíkanir Neytendur Allir með fjölnota innkaupapoka fá frítt í strætó á morgun Neytendur Töpuðu þremur milljörðum á fyrsta ársfjórðungi Viðskipti innlent Reynslunni ríkari og opnar Wilson‘s Pizza á ný Viðskipti innlent Selma nýr formaður Kvenna í orkumálum Viðskipti innlent Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira
Ferðamálafræðingurinn Hermann Valsson telur að það sé grafalvarlegt fyrir íslenska ferðaþjónustu hversu miklum fjármunum bókunarsíðan Booking.com eyði til þess að auka sýnileika sinn á leitarvélinni Google. Hann áætlar að síður á borð við Booking sogi til sín 5-7,5 milljarða á ári úr íslenska hagkerfinu. Booking Holding, móðurfyrirtæki Booking.com, kynnti í vikunni rekstrarniðurstöður síðastsa ársfjórðungs en þar kom fram að fyrirtækið hafi eytt um 1,3 milljörðum dolla í auglýsingar þar sem fyrirtækið greiðir þeim sem birtir auglýsinguna pening ef viðskiptavinur smellir á auglýsinguna eða kaupir þjónustuna sem er auglýst.Google græðir á tá og fingriGreinendur á markaði telja að megnið af þeim fjármunum hafi runnið til Google, eða einn milljarður bandaríkjadollara á síðasta ársfjórðungi, eða því sem samsvarar um 120 milljörðum á gengi dagsins í dag. Telja greinendur á markaði að Booking sé einn af fimm stærstu viðskiptavinum Google á heimsvísu.Ef til vill kemur ekki á óvart hversu mikla áherslu Booking leggur á það að auglýsa hjá Google enda leitarvél bandaríska tæknirisans sú vinsælasta í þeim geira. Ferðalangar sem hafa áhuga á að ferðast til annarra landa nota gjarnan leitarvél Google til þess að leita að gistingu eða flugi og þá getur verið mikilvægt að vera sem efst í leitarniðurstöðunum. Booking á í harðri samkeppni við sambærilegar bókunarsíður á borð við TripAdvisor, Expedia og Google sjálft.Viðskiptamódel hinna hefðbundu bókunarsíða er þó frábrugðið viðskiptamódeli Google. Bandaríski tæknirisinn reiðir sig á tekjur af auglýsingasölu en Booking, Tripadvisor og sambærilegar síður fá stærstan hluta tekna sinna í gegnum þóknanir frá hótelum, gistiheimilum og öðrum ferðaþjónustuaðilum.Mjög líklegt er að stór hluti þessara ferðamanna hafi bókað gistingu með aðstoð bókunarvélar á borð við Booking.com.vísir/vilhelmVoru snemma búnar að ná fótfestu hér á landi Slíkar þóknarnir hafa verið harðlega gagnrýndar, meðal annars hér á landi, enda eru þeir í sumum tilfellum í hærra lagi. Þannig sagðist Skarphéðinn Berg Steinarsson ferðamálastjóri í viðtali við fréttastofu í vor hafa áhyggjur af því að íslensk ferðaþjónustufyrirtæki séu sífellt að greiða meira í þóknun til erlendra bókunarsíðna. „Þetta er staða sem er grafalvarleg,“ segir Hermann í samtali við Vísi en hann vakti athygli á þeim gríðarlegum fjármunum sem Booking nýtir til þess að tryggja að leitarniðurstöður vísi á bókunarvélar félagsins. Hermann hefur rannsakað þessi mál frá árinu 2012 og árið 2013 setti hann upp tölvur sem hann lét líta út fyrir að vera frá þeim tíu löndum sem flestir ferðamenn koma hingað til lands frá. Lét hann tölvurnar leita að gistingu í Reykjavík og niðurstöðurnar voru allar á sömu veg. „Árið 2013 þá voru þessi fyrirtæki strax búin að hertaka þær niðurstöður sem við vorum að leita eftir,“ segir Hermann. Auðvelt er að sannreyna orð Hermanns en sé frasinn „Hotel in Reykjavik“ sleginn inn í leitarvél Google eru auglýsingar frá Booking.com, Hotels.com og Tripadvisor.com efstar á blaði. Ef horft er framhjá auglýsingunum á Booking.com tvær efstu leitarniðurstöðurnar. „Við förum alltaf inn á þessar bókunarvélar, göngum frá gistinginunni og borgum þóknunina,“ segir Hermann en samkvæmt athugunum hans eru hótel að greiða allt að 22 prósent og upp í 24 prósent að meðaltali í þóknanir til erlendra bókunarsíða. Þetta þýði að um 5-7,5 milljarðar króna hafi farið úr landi í erlenda vasa bókunarsíðanna.Skjáskot af Google-leit.Þurfa að snúa bökum saman Telur hann að rétta leiðin til þess að bregðast við háum söluþóknunum erlendra bókunarsíða sé að yfirvöld, sem verði af skatttekjum, og ferðaþjónustuaðilar snúi bökum saman til þess að spyrna við fótum. Mögulega gætu hótelin tekið sig saman og leitarvélabestað Ísland í sameiningu með hjálp yfirvalda og reynt þannig að fara framhjá bókunarsíðunum erlendu. Þá gætu hótel- og gististaðaeigendur einnig þrýst á í sameiningu á erlendar bókunarsíður lækkuðu þóknunina sem þarf að greiða til þeirra, en það tækist þó aðeins ef allir stæðu saman. „Þetta er peningur sem gæti verið að fara beint inn í íslenska nýsköpun. Við erum að senda allan þennan pening til Bandaríkjanna sem er nýttur í nýsköpun þar. Þarna er verið að mergsjúga pening út úr greininni sem ætti að fara í nýsköpun og hagnað,“ segir Hermann.
Ferðamennska á Íslandi Tengdar fréttir Telur óeðlilegt að Tripadvisor eignist stóran hluta af bókunarkerfi ferðaþjónustunnar Ferðamálastjóri segir ekki ásættanlegt að ferðarisinn Tripadvisor hafi eignast íslenska fyrirtækið Bókun og þannig komist yfir upplýsingar um allar bókanir og söluverð síðustu ára auk upplýsinga um hvernig salan fór fram, hverjir pöntuðu og ýmislegt fleira. 4. maí 2018 14:30 Mest lesið Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Mikill samdráttur á hagnaði Tesla Viðskipti erlent Sækjast eftir fangelsisdómi yfir rafmyntakóngi Viðskipti erlent „Enda hefði hún hreinlega ekki nennt að þræta við mig endalaust“ Atvinnulíf Helmingur Íslendinga sáttur við falsanir og eftirlíkanir Neytendur Allir með fjölnota innkaupapoka fá frítt í strætó á morgun Neytendur Töpuðu þremur milljörðum á fyrsta ársfjórðungi Viðskipti innlent Reynslunni ríkari og opnar Wilson‘s Pizza á ný Viðskipti innlent Selma nýr formaður Kvenna í orkumálum Viðskipti innlent Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira
Telur óeðlilegt að Tripadvisor eignist stóran hluta af bókunarkerfi ferðaþjónustunnar Ferðamálastjóri segir ekki ásættanlegt að ferðarisinn Tripadvisor hafi eignast íslenska fyrirtækið Bókun og þannig komist yfir upplýsingar um allar bókanir og söluverð síðustu ára auk upplýsinga um hvernig salan fór fram, hverjir pöntuðu og ýmislegt fleira. 4. maí 2018 14:30