Viðskipti innlent

Evrópskur fjárfestingasjóður og danskur lífeyrissjóður kaupa stóran hlut í Advania

Sunna Kristín Hilmarsdóttir skrifar
Stjórn Advania AB frá vinstri; Vesa Suurmunne, Katrín Olga Jóhannesdóttir, Birgitta Stymne Göransson, Thomas Ivarson og Bengt Engström.
Stjórn Advania AB frá vinstri; Vesa Suurmunne, Katrín Olga Jóhannesdóttir, Birgitta Stymne Göransson, Thomas Ivarson og Bengt Engström. advania

Fjárfestingasjóðurinn VIA equity, sem er leiðandi fjárfestingasjóður í Norður-Evrópu, og PFA, stærsti lífeyrissjóður Danmerkur, hafa keypt 30 prósenta hlut í upplýsingatæknifyrirtækinu Advania AB. Þetta kemur fram í tilkynningu frá fyrirtækinu.

Með kaupunum bætast sjóðirnir í eigendahóp Advania en fyrirtækið varð til árið 2012 við samruna stærstu upplýsingatæknifyrirtækja á Norðurlöndunum. Tveimur árum síðar keyptu Nordic Mezzanine, sænskir fjárfestar og nokkrir lykilstjórnendur Advania meirihluta í félaginu og „einsettu sér að auka vöxt og arðsemi þess. Advania hefur vaxið umtalsvert síðan og hefur reksturinn gengið afar vel,“ að því er segir í tilkynningu.

„Starfsfólkið er verðmætasta auðlind Advania og það sem gerir okkur samkeppnishæf. Við höfum verið svo lánsöm að laða að okkur margt hæfileikaríkasta fólkið í geiranum sem sameinast í að skapa verðmæti fyrir viðskiptavini okkar. Sú stefna og dugnaður er forsenda fyrir velgengni okkar. Við hlökkum til að vinna með nýjum hluthöfum sem deila þessari sýn og koma með sérfræðiþekkingu sem mun efla okkur á komandi árum. Það eru spennandi tímar framundan,” er haft eftir Gesti G. Gestssyni, forstjóra Advania, í tilkynningu fyrirtækisins vegna kaupanna.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
1,05
10
267.622
HEIMA
0,89
2
3.501
VIS
0,54
1
6.587
SIMINN
0,37
5
87.072
ARION
0,11
1
881

Mesta lækkun dagsins


Félag
Br.%
Fjöldi
Velta*
EIK
-1,36
1
431
GRND
-0,62
4
68.377
HAGA
-0,33
2
872
ICEAIR
-0,27
44
304.211
SKEL
-0,14
7
269.324
Velkomin á Vísi. Þessi vefur notar vafrakökur. Sjá nánar.